¹ Efraín huënton quëran a'nara quëmapi'sa përapi. Inahuaso' Zafón pasatahuatona' Jefte sha'huitaton itapon, ¿Ma'marëta quëmaso' pasaran Amón ninanorë'quën niahuëcaso'marë', nicaponahuë' co sha'huitërancoihuë quëmarë'quën pacahuaiso'marë'? Quëmaquën pëi' i'chimitacaso' marë' quëmaro'co itopi. ² Jefteriso' itërin inahua, "Caso' nipirinhuë piyapinëhuë pitaro'co, Amón piyapinënpitaro'coi niahuëára.co' quëma pa'poyarancoihuë. ³ Nipirahuë co insotëranta papoyarincohuë' ni'ton, caora chachin chinirahuë Amon ninanoquë. Sinioro chachin acapacancaninco. ¿ma'marëta huësarama' carë'quëma' niahuëapoma'? ⁴ Jefteso nipirinhuë' ya'ipi Galaadquë ya'huëpisopita nihuëntonahuaton pa'nin. Efraín huëntonosa ahuëcaiso' marë'. Galaad piyapi'sarë' niahuërapi, Efraín piyapi'sarë' inahuariso' itopi. Canpitaso' Galaadtitaro'sanquëma' co isëquë ya'huëhuan quëmahuë' itopi Efraín piyapi'sari naporahuaton Manaséspitari. ⁵ Galaadtitaro'sari iraro'sa toshitëpi Jordan yonsanquë Efrainpa pa'ninso'. Efraín piyapiro'saso' pa'pachina itopi. Tanapitoco isha'pa pa'i topachina natanpi. Galaadtitaro'sari natanpi, ¿Quëmanta Efrateo piyapinquën itopi.? co tenin. ⁶ Napotohuachina inahuariso' itopi, "Shibolet tëquë itërin." Inaso' "Sibolet" topachina ( inaso' co no'tëquën nonacaso' nitotohuachinahuë') Galaadtitaro'sari ma'pi, masahuatona' Jordan yonsanquë . 42,000 Efrateoro'sa tëpapi napoaro' tahuëri'sa. ⁷ Jefteso Coisë ya'conaton saota pi'ipi israiro'sa hua'anëntërin. Inaquëran chiminin huachi, chiminpachina Galaad ninano itopiquë pa'pitopi. ⁸ Inaquëran Ibzán itopiso' Belénquë ya'huërinsoari Coisë ya'conaton Israiro'sa hua'anëntantarin. ⁹ Inaso' 30 hui'ninpita quëmapi'sa ya'huëtërin. Inahuaso' ya'ipi sa'ina' ya'huëtacaiso'marë' a'na quëmapi huininpita quënin hui'ninpita marë'. Inari Israiro'sa ana'intërin canchisë pi'ipi. ¹⁰ Ibzán chiminpachina Belen quë'pa pa'pitopi. ¹¹ Ina piquëran, Elón Zabulon huëtonquëran Coisë ya'conaton Israiro'sa hua'anëntantarin. Inari Israiro'sa ana'intantarin shonca pi'ipi. ¹² Elón Zabulonita itopiso' chiminpachina pa'pitopi Ajalón itopiquë, Zabulonitaro'sa no'panënquë. ¹³ Ina piquëran, Abdón itopiso' Hilel hui'nin Piratonita quëran Coisë ya'conaton Israiro'sa hua'anëntantarin. ¹⁴ Inaso' 40 hui'ninpita ya'huëtërin nisahuaton 30 shinpita ya'huëtërin. Inahuaso' 70 asnoquë huësëpi', inahuari 8 pi'ipi israiro'sa ana'intërin. ¹⁵ Abdónso Hilel hui'nin inaso' piratonita quëran chiminpachina Efraín no'pa nënquë motopia'huaro'sa niniquë pa'pitopi, Amalecitaro'sa huancana.