¹ Isërairo'sa hui'ninpita na'quëranchachin co noyahuë niantapi siniori ni'sápirinhuë, inari chachin camairin huiristinoro'sari catapini shonca pi'ipi hua'anëntacaiso' marë. ² Zora ninano quëran a'na quëmapi ya'huërin, Danitaro'sa' quëmopinënpita, ina nininënso' manoa. Sa'inso' co hua'huana'pihuë ni'ton co nanitërinhuë huaicaso'. ³ Sinioro Anquëninëni ya'notaton itapon ina sanapi: "Ni'quë, iporaso' co nanitëranhuë' hua'huanamaso', co quëmaso huairanhuë, Nipirinhuë cayohuatan a'na quëmapiahuaya huaiyaran. ⁴ Iporaso' niapaiquë co huino o'osaranhuë' o'orëso' main nininso'pita', co ca'saranhuë' cosharo' na'ponin nininso'pita'. ⁵ Ni'quë, quëmaso' hua'huanaran a'nara quëmapiahuaya huaiyaran. niponahuë co motën cosorahuaquë yaitaramahuë, inaso' nazareo piyapi nicapon yosë marë, a'shin yo'namënquë yahuërinquëran huarë. Inariso' caniaritapon Isërairo'sa huiritinoro'sari hua'anëntopi quëra nichaëcaso' marë." ⁶ Napoaton sanapiso' huësahuaton so'in itiirin: "Yosë piyapinën huëcapairinco' ni'tërinso'so' ni'pirinhuë Yosë Anquëninën pochin, pa'pi tëhuatoro'. Co natanahuë' intohuaranta' huë'ninso', inaso' co nininën sha'huitërincohuë'. ⁷ Inaso' itërinco': "¡Ni'quë! Iporaso' cayoaran, quëmapiahuaya huaiaran. Napoaton ama huino o'oquësohuë' o'oiro'sa' main nininso'pita, ama ca'quësohuë casharo' naponin nininso' Sinioro chachin shahuitërinquëso', napoaton hua'huashaso' ni'pirinhuë Nazareo piyapi nicaponahuë Yosë marë nisarin quëma yo'namëquë ya'huërin quëra huarë, chiminaquë huarë nicapon." ⁸ Manoaso' nipirinhuë Sinioro nontaton itapon: "Manoyacha, Yosëso' paya, ompopionta Yosë piyapinën tanapitëquë o'mantain a'paimaranso' quiyataquë chachin a'chintincoiso marë' ma'sona nicahuaiso' iso' hua'huasha marë' co huaquiya quëranhuë nacitarin". ⁹ Manoa Yosë nontërinso' a'panirin, Yosë Anquëninëni naquëranchin sanapi huëcapaimantarin panpatëroquë' huënsëaso'. Nipirinhuë Manoaso' co sa'irë nicasohuë. ¹⁰ Napoaton sanapiso' a'naroáchin ta'arahuaton so'in itonin: "¡Ni'quëchi! ¡Yanotërinco a'na quëmapi i'hua huëcapairincoso'!". ¹¹ Manoaso' huanirahuaton sain imarin. Quëmapiri, huësahuaton, itiirin: "¿Quëma ina quëmapinquë sa'ahuë nontëranso'?" Quëmapiriso' itërin: "Camini". ¹² Ina quëran, Manoaso' tenin: "Nonanso'pita ipora no'tëquënachin ni'in. ¿insopitata' ni'cahuaiso' ma'sha hua'huasha mërë, insota' nica sa'catonën?" ¹³ Manoaso' SInioro Anquëninëni itëri: "Inaso' ni'pirinhuë' sanapi a'painpita' nicacaso yahuërin ya'ipi sha'huitërahuëso'pita. ¹⁴ Ina sanapiso' co manta capacaso' ya'huërinhuë o'pa pa'potërinso'pita, ama niyataquësohuë huino o'oinsohuë' o'oiro'sa' main nininsopita'; ama niyatëquësohuë naponin cosharo' nininso' ca'insohuë' Sinioro Anquëninëni sha'huitërinso'. Yaipi ína sanapiso camairahuëso' nicacaso' ya'huërin". ¹⁵ Sinioro Anquëninën Manoari itërin: "Ompopionta pi'pian tëranta quëparitëquë; nina ninaracoi ohuicahuaya pomorarai quëma marë". ¹⁶ Manoaso' Sinioro Anquëninëni itapon: "Quëparitopirahuënta co ca'sarahuë cosharonëma. Nipirinhuë quëmaso' nipatanso' ahuiquitacaso', Sinioro quëtëquë". (Manoaso' co nitotërinhuë Sinioro Anquëninën nipirinhuë) ¹⁷ Manoaso' Sinioro Anquëninëni itërin: "¿Ma'ninquënta quëmaso', shahuitërancoiso' no'tëquën nanano'sa nanihuachin manoya itahuainquënso' marë?" ¹⁸ Sinioro Anquëninëni itërin: "¿Mamarëta' na'tanancoso nininëhuë? ¡Inaso' pápi noyapiyachin!" ¹⁹ Napoaton manoaso' ohuicahuaya hua'huishin nininso' manin ya'ipi ma'sharo'sa ya'pirinëchachin napi aipi acoaton ahuiquitaton, Sinioro quëtërin. Inaso' ni'nin a'na noyápiachin sa'inë chachin nicasoi. ²⁰ Naporochachin na'pi amitë amitë itopi quëran pën pantari pi'iro'tëpa', Sinioro Anquëninënso' artaro quëran pën pantarinso' inápaquë inahuancana pantarin. Manoaso' so'inëchachin ina ni'sahuatona no'puquëhuarë' monshomapi. ²¹ SInioro Anquëninën co na'quëranchin Manoa sa'inë chachin ya'notantarinhuë. Napoaton Manoaso' nitotërin Sinioro Anquëninën inaso', tënin. ²² Manoaso' sa'in itërin: "¡No'tën camposo' chiminari nimara', Yosë chachin quënanin ni'ton!" ²³ Nipirinhuë sa'ini itërin: "Sinioro yatëparinpo' na'porini, inaso' co nohuanchitonhuë ma'sharo'sa tëpatë papotërinsopitanta ya'pininë chachin ahuiquitatë quëtërëso'. Inaso' co a'nochitonpohuë' ya'ipi isopita ma'sharo'sa', co ipora tahuëri tëranta nanichitërihuë ma'sharo'sa' natanacaso'". ²⁴ Amasha huaqui quëran sanapiso' a'nara quëmapiahuaya huairin, nininënso' Sansón itopi. Hua'huashaso' so'sorarin Siniorori catahuararin ni'ton. ²⁵ SInioro Ispiritunën caniaritërin nisha nisha nininquëran catahuararin inaso' a'na tanpoahuayaquë ya'huaso', Zora ninano' Estaol ninano inapitari ahuancanapipi.