¹ Quëmapi'sa Efraínquë ya'huëpisopita Gedeón itopi. "Quëmaso Matiano'sarë'quën niahuëaponahuë co sha'huitatoncoihuë', panca tëhuëtërancoi," itopi. Inarë' nino'huitoma' chiníquën niquianantopi. ² Inariso' itërin: "Co caso canpita pochin ninahuë. Canpitaso Efraín huëntonquëma, nohuëntërëso macatë pochin ninama. Ya'huërë quiyaso Abiezer huëntoncoiso', ya'ipi ni'tërinso manaiso pochin cancantëramacoi nipirinhuë. ³ ¡Yosë canpitaso' quëtërinquëma' Matian copirno hui'ninpita Oreb Zeeb inapita minsërama'. Ca canatërahuëso', co icantërinhuë canpita canatëramaso'," itërin. Napotopiso natanatona inapitaso', no'huitopiso sanomapi. ⁴ Gedeón cortaniquë huëpachina Cortani pëntontërin, 300 quëmapi'sarë' chachin pëntontopi. Inahuaso nipirinhuë' canotopi. Canotaponaraihuë' inimicoro'sa imasapi. ⁵ Gedeóniso' Sucotoquë ya'huëpisopita itërin: "Onpopionta, pan imarinacosopita, quëtoco'. Inahuaso' canotopi. Caso', Zeba, Zalmuna, inapita Matian copirno'sa yonisarahuë'," itërin. ⁶ Ninano hua'ano'sari itapon: "Canpitaso co Zeba, Zalmuna, inapita mashatëraramahuë ni'ton, co a'cahuanquëmaso ya'huërinhuë," itopi. ⁷ Gedeóniso' itërin: "Sinioro nohuanton Zba, Zalmuna, inapita ninsëca'huaiso quëtohuachinoi, zarzas nahuano'sa ihuatatëro'sa, inaquëpita oquërëpiaranquëma', itërin. ⁸ Ina quëran Peniel quëhuarë' nanpërahuaton piyapi'sa inapochachin nontërin. Inaquë ya'huëpisopitanta Sucot quë ya'huëpisopita pochin a'panitopi. ⁹ Inaso' Peniel huëntonquë ya'huëpisopita nontaton itërin: "Noya huënantahuato cari iso' tori aohuatarahuë,"itërin. ¹⁰ Zeba, Zalmuna, inapitaso', sontaronënapitarë' chachin Karkor huëtonquë'pa nisapi, shonca a'natërapo quëmapi'saichin quëparitopi, Ya'huërë' a'napita sontaro'sa pi'i pipirinso' parti quëran huë'pisopiso', 120, 000 quëmapi'sa tiquipi. Inahuaso' mi'so sahuëniquë ahuëtopirinahuë' tiquipi. ¹¹ Gedeónso' në'mëtë pëi'quë ya'huëpisopita iranën pa'tahuaton Noba Jogbeha taquëchin na'huërin, nahuërahuaton sontaro'sa inimicoro'sa icantonin, icantonahuaton ahuërin, co' manta yonquiásoihuë ahuëaton tiquirin. ¹² Zeba, Zalmuna inapitaso' ta'api, ta'apirinahuë Gedeóniso' imarin, imaton cato copirnoro'sa manin inahuaso' Matianquë ya'huëpiso', Zeba Zalmuna inapitaso' ya'ipi sontaronënpitarë chachin pa'pi pa'yantopi. ¹³ Gedeónso' Joás hui'nin, niahuëpiquëran Heres ira huë'shintaton huëntarin. ¹⁴ Inaso' a'na hui'napi quënanin inaso' Sucot quëran inari natanin pënënacaso'. Ina hui'napiri nishitërin hua'anosa Sucotoquë ya'huëpisopita ansiano'sa Yosë marë' sacatopisopita, 77 quëmapi'sa'. ¹⁵ Gedeónso' Sucotquë quëmapi'sa' ya'huëpisopita huëcaparin,huëcaparahuaton, itërin: "Ni'co Zeba, Zalmuna, inapita na'inquëran canpitaso' nocanatomaco itëramaco: Zeba, Zalmuna, inapita misërama naporini cosharo quëchitënquëmahuë. Itopiramacohuë, matana hua'chi isëquë nisarin. itërin. ¹⁶ Gedeónso' anciano'sa Yosë marë sacatopiso' amatërin. amatahuaton quëmapi'sa Sucot quër'pa ya'huëpisopita manin., Masahuaton nahuano'sa ihuatataro'sa inapitaquë ana'intërin. ¹⁷ Inaquëran tori Peniel quë'pa ya'huërinsonta aohuatërin ina quëran quëmapi'sa ninanoquë ya'huërinsopita, të'para'piarin. ¹⁸ Inaquëran Gedeónso' Zeba, Zalmuna, inapita itërin, ¿ Onpoin quëmapi'sata canpitari Taborquë tëparama'? Napotohuachina inahuaso' a'panitopi: "Quëmachachin ni'topi inahuanta. A'naya a'naya inahua copirno hui'ninta pochin ya'nopi. ¹⁹ Gedeónso' tënin: Inahua iyahuë nipirinhuë, mamahuë huahuinpita, canpitari nicha'ërama' naporini co carinquënmanta Yoscuarë' tëpa'intënquëmahuë' itërin. ²⁰ Gedeónso hui'nin paninanën Jeter itopiso camairin, ¡huanirahuaton isopita tëpaquë itërin! Nipirinhuë' hui'napiso' co' sahuënin ocoirinhuë' të'huataton, hua'huishimiachin hui'napia'hua nisarin ni'ton. ²¹ Napohuachina Zeba, Zalmuna, inapitari itopi: ¡Quëmaorachachin huanirahuaton tëpacoi itopi!. Quëmapinposo' onpoisona ninëso' no'huitërë', napotohuachinara inachachin huanirahuaton Zeba Zalmuna inapita tëparin. Nisahuaton pa'toma yuqui pochin camilloro'sa conontaquëchin acotërápiapiso' matërin. ²² Inaquëran israiro' quëmapi'sari Gedeón itapona': Quëma huachi hua'anëntocoi quëma, hui'nan, shiahua parin inapita, quëma Matian sontaro'sa quëran nicha'ërancoi ni'ton. ²³ Gedeoniso' nipirinhuë' itërin: Co' carinquëmaso' hua'anëntaranquënmahuë' co' hui'nahuëtëranta hua'anëntarinquënmahuë, Sinioro hua'anëntarinquënmaso, canpita. ²⁴ Gedeoniso' itërin: "Tanapitoco a'na yanatananquëma': A'naya a'nayanquëma pëtëhuëratë quëtoco ihuatëramaso, tëpatatoma' manamasopita." (Madianitaro'sa pëtëhuëratë oro quëran ya'huëtopirinahuë' inahuaso, ismaelistaro'sa.) ²⁵ Inahuaso' a'panitopi: "Ca'pa cancantatoi quëtahuainquënso' ya'huërin." Inahuaso' në'mëtë otëtërahuatona' a'naya a'naya quëmapi'sa inaquë pëtëhuëratë ihuatopiso', tëpatatona' ma'piso, inaquë tëyatopi. ²⁶ Ina natantërinso' pëtëhuëratë oro quëran nininso' quë'nin 18.7 kirocramo quë'ninso., nisha nisha ororo'sa nisahuaton, canin nëmëtëro'sa, Matian copirno a'morinsopita, Naporahuaton camicho nënpita apëpë conotërinsopita co inapitaso pëtënpihuë. ²⁷ Gedeonso inapita' pëtëhuëratëro'sa quëran anara coton pochin ninin. Nisahuaton Ninanonën Ofra itopiquë acorin. Ina Israiro'santa moshatona yosë apopi. Inapoaton Gedeonso' quëmopinënpitarë chachin huënsonquë anotërëso pochin, ninin.. ²⁸ Napoaton Matian ninanoso' israiro'sari canapi. Inapochin Matiano'saso Israiro'sari canari Naporahuaton co' onporonta ahuëtacaiso yoquipihuë. Gedeon napiso Israiro'sa catapini 40 pi'ipi nóya, ya'huëantapi.. ²⁹ Jerobaal (Gedeón), Joás hui'nin inaso', pa'sahuaton pëinënquë chachin ya'huëantarin. ³⁰ Gedeonso' nipirinhuë' 70 hui'ninpita ya'huëtërin inaso' nipirinhuë' na'con sa'inpita ya'huëtërin. ³¹ Cosonanëonta siquenquë ya'huërinso' inaquënta a'na hui'nin ya'huëtërin, Gedeoniso' ina hui'nin nininën acotaton Abimelec itërin. ³² Gedeonso' Joás hui'nin, mashoya nicacahuarë chiminin. Chiminpachina, ninanonën Ofra itopiquë pa'pitopi. Pa'pinco Joás pa'pitopiquë pa'pitopi inanta. Inaso' Abiezeritas itopiso' quëmopinënpita. ³³ Gedeón chiminpachina israiro'saso' naquëran chachin ayamantapi. Ayamatona' Paaro Piri itopiso' mamanshi moshapi, moshatona' Sinioro marë' oshahuanpi. ³⁴ Israiro'saso' co' yonquipihuë Sinioro natëcaiso' inaso' Yosënëna', inimicoro'sari tahuirapito piquëran nicháëpirinhuë'. ³⁵ Jerobaal (Gedeón) itopisoari na'con noya nininso' catahuapirion isërairo' ninanoso' naniantopi.