¹ Aribha kureho okusiigwa ku Kristo. Aribha kureho okusiigwa kuno kukurwa mubhuseegi bhwaye. Aribha bhureho obhumwe bhwa ekoro ehoreru.Aribha kureho okwabhwirwa na ebhwigongi. ² Muhikye obhuzomererwa bhwane kwa omutima gumwe na okubha na obhuseegi bhumwe, mubhe hamwe kwe ekoro ehoreeru, no okubha na iseegorimwe. ³ Mutakora kwa okwirutira abheene na omwigumo. Nawe kwo obhwihombi nehomrarora aabhandi kubha ni bhazomu kubhakira. ⁴ Kira oumwe wenyu atarorerera gano gakumutunia omweene, nawe arore nagano gakutunia na abhandi. ⁵ Mubhe na omutima kya gano anagwe Kristo Yeesu. ⁶ Ingabha ewe ni kya Eriobha. Nawe gatamuturirya okubha kye Eriobha ni kigiro kya kugwatana nakyo. ⁷ Akiisuhya omwene, akagega etuubho yoomubhagati. Akikora kutuubho ya abhatu. Akarorekana mutu. ⁸ Ewe akihomba homba no okubha msuuki tee oruku, oruku rwo omusarabha. ⁹ Kweego bhoono Eriobha akamugungya bhukong'u. Akamuhana erina ikuru rino rikuhitira kiraeriina. ¹⁰ Akakoreego kwookubha kuriina rya Yeesu kira eriru tee rihigame. Amaru gaabhano bharimwisarona bhano bhari iguru wa ekyaro na iyaasi weekyaaro. ¹¹ Na akakoreego kwookubha kira orurimi rwikirirya kubha Yeesu Kristo ni Tatabhugya, kwo obhweru bhwa Eriobha Tata. ¹² Kweego bhasegwa bhane kyeego mkusuuka siku zyoosi, etari kwookubhaho kwane nawe bhoono na kukiraho bhukong'una hano nkubha ntareho, munyakire obhutuurya bhwenyu abheene kwa eheho no okurigita. ¹³ Mkore amangana goosi mtaaza kwing'eherya na ezihaka. ¹⁴ Mkore amang'ana goosi mtaaza kwing'eherya na ezihaka. ¹⁵ Mkoreego kwookubha mtaza kuganbwa bhubhi na mubhe bhaana bha Eriobha abhaare bhano bhatana masoro. Mukoreego kwookubha mubhe no obhweru bhwe ekyaaro, kuruganda ryoobhwangi bhwe engana na obhokya bhwa amabhi. ¹⁶ Mugwate bhukong'u eng'ana ya obhuhoru kwookubha nibhe na obhwitamiriryo kya okugungya orusiku rwa Kristo. Kweki ndamenya kubha ntaryariri bhusa na ntaanyakiri bhusa. ¹⁷ Nawe ingabha ndikiriribhwa kya ekihaanwa mwisengero iguru wa kino kikusinzwa na emirimo gya obhwikirirya bhwenyu, ndazomererwa, na ndazomererwa hamwe na nemwe mwoosigo. ¹⁸ Kweego na nemwe mrazomererwa, hamwe na neenye. ¹⁹ Nawe ndiseega kuu Tatabhugya Yeesu kumtamania Timotheo kwimwe kuuzisiku zya haguhi, kwookubha ninagya kusiigwa hano ndamenye amang'ana genyu. ²⁰ Kwookubha ntana owundi wuno akurora kure kya neewe wuno ana omutima gwe eheene iguru weenyu. ²¹ Abhandi bhosi bhano ningatumiri kwimwe bharamohya amang'ana gaabhu abheene, na agatari mang'ana ga Yeesu Kristo. ²² Nawe mmenyiri eriguri ryaaye, kwa okubha kyoomwana wuno akutuga wise wabhu niigo ahokirye hamwe na nenye ku kiina. ²³ Kweego ndiseega okumtumania bhwenyu hano ndamenye kino kiraze kwinye. ²⁴ Nawe nanaobhu heene ku Tatabhugya kubha enye omwene nosi ndaza kizisiku zya haguhi. ²⁵ Nawe ndiseega kumukyoorya kwimwe Epafradito. Ewe ni muhiri waane na muhokya wa emirimo mrikyaane na msirikare murikyaane, mutumwa na mubhagati wenyu kwa okubha ya gano nkwenda. ²⁶ Kwa okubha yaari neehaha na ahagonerya okubha hamwe na nemwe mwoosi, kwookubha mkiigwa yaari mrweri. ²⁷ Heene yaari murweri bhukong'u kuhikira kihiko kyookukwa. Nawe Eriobha akamurorera ebhigongi, na orubhango ruyo rutaari iguru waye omwene, na kwinye nosi rwari iguru wane, na nenye ntabha na obhutaka iguru wo obhutaka. ²⁸ Kweego ndamu kyoora kwemwe bhwangu kyeego eranagike, kubha hano muramurore kweki mzomererwe na nenye ndabha ndusibhwe obhwobha. ²⁹ Mumugwatire Epafradito ku Tatabhugya kwa obhuzomererwa bhwosi. Mubhasuke abhatu kyanewe. ³⁰ Kwa okubha yari iguru wa emerimo gya Kristo kubha ahabha haguhi kukwa. Akatuura obhuhoru bhwaye muunyako kwookunturya enye na akakora kirya mtanagirye okukora kukunihana gano narinkwenda.