¹ Pauro na Timotheo, abhahokya bha Kristo Yeesu, kubhano bhatigirwe ku Kristo bhano bhakwikara Firipi, hamwe na abhamahiriri na bhashemasi. ² Obhweru bhubhe na nemwe no obhuhoreru bhuno bhukureka ku Eriobha Tata yetu na Isatata wetu Yeesu Kristo. ³ Ndakukumya Tatabhugya wane hanonkubhahita emwe mwosi. ⁴ Ibhaga ryoosi kubhusabhi bhwane kwookubha yemwe mwosiigo, ndabha no obhuzomererrwa hano nkubhasabhiira. ⁵ Nina ndabhukumya bhukuru kwookubha yoobhhhumwe bhweenyu ku makerenio kwanzira orusiku rwo obhutangi no obhumariryo. ⁶ Nina obhuhakiika kubha wino akataaanga emiriimo kubhaneetwe arendereera kumaririrya mpaka orusiku rwa Tata Yeesu Kristo. ⁷ Ni bhuzomu kuneenye okwiyigwa iguru weenyu emwe mwoosi kwookubha nituriri mukoro yane. Maana emwe mubheri bhumwe na neenye kurubhango mukibhohe kyane kubhusakirirya no obhuheene bhwaane bhwa amang'ana. ⁸ Eriobha ni mwimerereri waane, kyego nina obhuzomererwa obhwene bhwoosigo mukoro yoobhusegi bhwa Yeesu Kristo. ⁹ Na ndasaabha kuubha: obhuseegi bhweenyu bhwongeriibhwe kuzihakiri zyoobhumenyi bhwoosi. ¹⁰ Ndasabha kuriino mubhe no obhunagya bhwo okuroora nookuchaghura amang'ana amazomu saana. Tena ndabhasabhira mubhe bhazoomu bhira kubha na mabhihu bhwobhwosi kuziisisku zya Kristo. ¹¹ Na muhabhwe emisumogye eheene gino gikubhonekana kuu Yeesu Kristo, kwo obhuhoru no obhwikumya bhwe Eriobha. ¹² Abhahiri bhaane, ndenda mumenye kubha, amang'ana gano gerekiri kunenye gakoriri makerenio kugendererya. ¹³ Nikweokukora ebhibhoho bhane ku Yeesu bhimenyekeni kubhasirikare bhi ikuru yoosigo na kira mutu. ¹⁴ Abhahiri abhaaru ghatighati Tatabhugya kwookubha yeebhibhoho bhyane bhakikirirya kurirarika ering'ana bira nyaako. ¹⁵ Abhandi abhuhene bharamurarika Kristo kwa kisiomba na kwiyooge, na abhandi kwa obhuzomu. ¹⁶ Bhano bhakumurarika Kristo kwa bhusegi kubha nterwe hano kwiguru woobhuhakaniri bheekina. ¹⁷ Abhandi bhano bhakumurarika Krsito kwa aamang'ana mabhihu. Bharamenya kubha bharamkorera mang'ana kuminyororo gyaye. ¹⁸ Kugayo ntakujaari, enzira hata kwa bhubhi au kwo bhuhene, Kristo arararikwa, na kurino ndazomererwa! he, ndazomererwa. ¹⁹ Kwookubha nimenyiri rino rirareta okutezurwa kwane. Ering'ana rino riraza kwookubha amasabhi gane na kwo kunsakirya kwa ekoro ya Yeesu Kristo. ²⁰ Okuring'ana na amiseego gani ga henehene no obhuheneno kubha, ntakurora soni. Kwibhaga ryaye, kwe ekisebhesubhe kyoosi, kyego kuzisiku zyosi na bhoono, ndiseegera kubha Kristo aragororokibhwa ku mubhiri gwane, irabhe kubhuhoru nooruku. ²¹ Kwookubha kunenye, okwikara ni Kristo nookukwa ni obhwera. ²² Kama, bharikaara kwo omubhiri bharibhura amazomu kuu kazi yaane, na ntakumenya nirihe ryookuchagura. ²³ Bhono ndahunwa sana neenyako yo omubhiri. Nina ehamu yookutiga omubhiri kwookubha hamwe na Kristo nikigiro kino kina orubhanga saana. ²⁴ Kwookubha okusaga kwo omubhiri rino niing'ana muhimu kunetwe. ²⁵ Kwookubha nino obhuheene iguru wa rino, nimenyiri ndasaaga nookundererya kubhahamwe nanemwe mwoosi, kwiiguru ya amagendereryo noobhuzomererwa bhwa obhwikirirya. ²⁶ Nayino erereta obhuzomererwa bhwenyu obhukuru ku Kristo Yeesu, kwookubha yane eraaruha, kwookubha yokubhaho kwane kweki hamwe naneemwe. ²⁷ Mrenderwa okwikara bhwenyu kubhugenderiryo bhuzomu bhuno bhukwenderwa kukiina kya Kristo. Mukoreego hano ndaaze okubharora hamwe hano ndatame kuuza, nigwe kubha mwimereri kwobhukong'eru kwe ekoro yiimwe, murahakanire ehene yeekiina kwa hamwe. ²⁸ Mutakangwa na kigiro kyokyosi kino kikukorwa na abhabhihu bhenyu. Ino kuneebho erereekwa ni bhusarya. Na kunemwe erereekya ni bhuhoru kureka ku Eriobha. ²⁹ Kwookubha emwe musegirwe kwo Kristo, etari kumwikiriirya okweene, na kunyakibhwa kuuneewe. ³⁰ Kwokubha munayo enyako ilya ilya ino mukarora kunenye na muriigwa ninayo mpaka bhoono.