¹ Abhahiri bhetu muzomererwe kuu Tatabhugya. Nitakurora okunyakibhwa na mang'ana garya garya. Amang'ana gano garabhahana obhuhoru. ² Mwiyangarire neembwa. Mwiyangarire naabhahokya bheemirimu abhabhihu. Mwiyaangarire na bhano bhakwikebha emibhiri gyabho. ³ Kwookubha etwe nitwe abhasarwa. Etwe bhano okunyoora tukurisabha Eiobha kwookusakiribhwa neekoro. Tukwihemera Kristo Yeesu, na bhano tutanaekisubhe kumubhiri. ⁴ Nawe kyego yangabheriho omutu wuno akwisigira omubhiri guno enye ninganagirye kukorarya bhukong'u. ⁵ Nawe nikasarwa rusiku rwa kanane, nikibhurwa kuukabhira rya bhaisraeri. Neebhekebhira rya Bhabenjamini. Ne Mwebhrania wa waebhrania. Kwookumara eheene yee ehatike ya Musa nihabha Farisayo. ⁶ Kwoomukya gwaane nikarinyakya erisengero ntabheeri na amasoro muhateka. ⁷ Nawe kumang'ana goosi gano na mijukubha gano obhweera kuunenye nkagabhara nkyo obhunyaka kwookubha yoo kumumenya Kristo. ⁸ Kwookubha nigamenyeri amang'ana goosi kubha gatana bhwera okurwa kubhuzomu bhwa Kristo Yeesu Tatabhugya wane. Kwookubha kwaye nitigiri amang'ana gaye ndagabhara kyoo obhunyaka bhoono nimubhone Kristo. ⁹ Tee ndorekane kuunewe, ntanayo ehene yaane omweene kureka kweehatika, nawe neenayo eheene yino ekubhone kuumikiriryo kuu Kristo yino ekura kuu Eriobha bhunimu obhutangi kuumikiriryo. ¹⁰ Bhoono ndeenda kumenyana na neemwe na amanaga gokunyakibhwa kwaye no obhughuratibhwa bhwe enyaku yaaye. Ndeenda ngamribhwe ne Kristo kwu itubhyo yo oruku rwaye, ¹¹ hakriku nagye kubha amiseego kwo obhuryokibhwa bhwa abhaku. ¹² Etari bhuheene kubha nimariri kugabhona amang'ana gano, awe kubha nebheri muhikibhwa kuugayo. Nawe ndikong'ereryaninagye kubhona kino na kirya kibhoneke kuu Kristo Yeesu. ¹³ Bhahiri bhane, mtaseega kubha munariri kugabhona amang'ana gano. Nawe ndakora ing'ana yiimwe: ndeebha giinyuma ndagarorera go obhukagati. ¹⁴ Ndakora omukya kuhikira amisego ninagye kubhona omuheero gwiiguru kubhirikirwa bhwe Eriobha ku Kristo Yeesu ¹⁵ Twoosi bhano tukakurira kuu kubhuturibhwa, turenderwa kwiseega kyego ego. Nookubha owundi arisega kyego kinu kitatubheene nee ering'ana ryoryosi, Eriobha rirahumburii gayo kubhanemwe. ¹⁶ Kweego, tutakuihikira na tugendererye kwe-eteemwa yiyo. ¹⁷ Bhahiri bhane muniege enye mubharorere kwa mikengerero bharya bhakugenda kyaabhanetwe. ¹⁸ Bhaarya bhakwikara nii bharya iribhaga eryaru, nii bhano mbabhuriri nabhano ndabhabhura kuzingusiri - abharu bharikara kyaa abhabhisa bhoomusarabha gwaa Kristo. ¹⁹ Obhuteero bhwabhu ni bhwabhu nii bhakasarya kwookubha Eriobha ryaabhu niinda neekisubhe kyabhu kiri gati gati weezisoni zyabhu bharisega amang'ana gee kyaro. ²⁰ Amikaro getu gari kwisaro, hano tukamuganyira omuturania wetu Yeesu Kristo. ²¹ Okukyorya emibhiri gyeetu noobhusihirwa kubha kyeego omubhiri gwaye kubhweru; kubhunagya bhurya bhurya bhuno bhukusakirya okukukumania ebhigiri bhyoosigo.