¹ Bhoono obhrage bhwo okutanga bhuhaabha na manga go obhuseengeri mukyaaro hano na amahokya goobhusengeri. ² Kweego mwihuna kyaari kirimu ekinyumba kino kyaari kiterweho, ekinyuumba kiiguta, kikabhirikirwa ahagiro aheeru. Ahaghiro hayo hahaabha na ekinara kyookwikaryaku ekimuuri, emeeza ne ezimembe zyoobhwerekenio. ³ Inyuma woomwenda gwa kabhiri kihabhaho ekinyumba ekindi, eho hakabhirikirwa aheeru bhukong'u. ⁴ Hahaabhamu ahagiro hokusengerera hano hakorirwe kwe ezahabhu hookugundirirya obhurumba kweki Abrahamu ehunguru yoobhurage, yino ehaabha yombokirwe kwe ezahabhu eyeene. Muuhunguru muyo kihabhamu ekitubha kyeezahabhu kyaatemwa yaye, etumbago ya Haroni yino ahabha emeriri amatu, na amagina gano gabhaazirwa goobhurage. ⁵ Iguru we hungur yoobhuragye ebhizururu bhy6a amaserafi bho obhweru bhano bhakundikirye amabhabha gabhu kubhwerekera bhweekitumbi kyaobhutwanio/ kino bhonwego tutakunagya kutonda tee mwosi. ⁶ Hano ebhigiro bhino bhikabha bhimariri okukorwa, abhasengeri kusinuka yaabhu bharasikira mu ekinyumba kyiigutu kye erihuuna nookutanga okusengera. ⁷ Nawe omusengeri omuhiku arasikira muukinyumba kya kabhiri ewe omwene rumweego kumwaka, nawe omwene atakutiga kuteeho ekigiro kyo okusengererwa omwene, nakweebhibhi bhyaabhatu bhino bhyakorirwe na abhatu kwoobhutamenya. ⁸ Ekoro ehoreru arakumirirya kubha ahagiro aheeru bhukong'u hakyari kukundukurwa kwookubha erihuuna rirya ryookutangira rikyareho rimereri. ⁹ Kino .ni ..k.imenyekereryo kyeeribhagha rya bhoono rero bhino bhikurusibhwa bhono bhitakunagya kuhikya amiseego goomitima gwa wuno akusengera. ¹⁰ Niwbhyakurya na ebhinywebhwa ebhyeene bhigwatanibhwe kumahokya gano gataungirwe goobhuseengeri bhwookwiyogya muumanzi. Goosi gano gari mahokya goomubhiri gano garigateerweho tee gize amakumiriryo ahahya ghyano gataturweho kuugobhutangiro. ¹¹ Kristo akaaza kyoomusengeri omuhiku waamang'ana amazomu gano gaziri. Kuhitira obhuhiku noobhumarigo bhwe erihuuna erihiku rino ritakorirwe naamabhoko gaabhatu, neego ritari rya ekyaaro kino kiteemirwe. ¹² Etari yaamanyinga geemburi na geekimori, nawe kawaanyinga gaye omwene kubha Kristo akasikira ahagiro aheeru bhukong'u rumweego kwoomutu wumwe wumwe nookutumirirya obhuturya bhweetu bhwa kirakeego. ¹³ Aribha kwa amanyinga geemburi na ezing'ombe eezimbahi nookususutirya kweeribhu ryeebhimori mubhano bhatari bheeru bhakatuurwa embarika okurwa ku Eryobha nabho bhakakora emibhiri gyabhu myeeru. ¹⁴ Bhoono gakirireho bhukong'u amanyinga ga Kristo wuno kuhitira ekoro ya kirakeego akiirusya omwene kuhitira ku Eryoobha no obhubhihu bhutabheeriho; okwoogya amiseego getu okurwa gano gaarigakuri kumukorera Eryoobha wuno anobhuhoru? ¹⁵ Kuugayo Kristo nomutumwa woobhurage obhuhya. Yino niyoeigirirye oruku rubhatigiri mwasi bhoosi bhano bhanoobhurage bhwo obhwemero kureka kuubhusarya bhweebhibhi bhyabhu, niho bhano bhabhirikirwe na Eryoobha bhanagye okugega obhurage bhwe engabho yaabhu kirakeego. ¹⁶ Aribha bhureho obhurage bhwa kimera, nikyo bhukwenderwa bhwerekerye oruku rwoomutu wuno yabhukoriri. ¹⁷ Bhoono ob hurage bhurabha neezinguru ahagiro hanorukuzaho oruku, kwookubha zitareho nguru kwibhaga omwene kwikora akyareho arahezera. ¹⁸ Kweego hutari bhurage bhwokutangira, bhkaturwaho obhwene, butaterweho kwa amanyinga. ¹⁹ Eribhaga Musa hano yaari arusirye amaragiriryo ga amakumiriryo kubhatu bhoosi, hamwe na amanzi, ne ekitambara ekikangaru neerihuro rya ehisopo, no okubhasusutirya erigombo iryene abhatu bhoosi. ²⁰ Okumara akabhuga "Gano niamanyinga goobhurage gano Eryoobha abhaheeri amakumiriryo" ²¹ Kuutamwa yirya yirya, akasusutirya amanyinga iguru we erihuuna neebhigiro bhyoosi bhino bhyahokeribhwemu kweemirimo gya abhasenggeri. ²² Kwookuring'ana na amakumiriryo, bhoono kira ekigiro kirasindurwa kwa amanyinga, Aribha manyinga gatiitikiri kwabhirwa kutareho. ²³ Kweego nihabha itahike kubha ebhigiro bhino bhihatubhanibhwa na bhyamwisaro bhihogibhwe na emanyinga ge emitugo. Ebhigiro bhyamwisaro ebhyene bhihenderwa kwoogibhwa na ebhihirwa mwisengero ebhizomu bhukong'u. ²⁴ Kwego Kristo atasikiri ahagiro aheeru bhukong'u hano hakorirwe na amabhoko gaabhatu, eyo ni tiubho ya ekigiro ekyene. Kwego akasikira mwisaro eryene, ahagiro hano ari mubhwerekera bhwoobhusyo bhwa Eryoobha kwoobhubhi bhweetu. ²⁵ Atasikiri eyo kwookwirusya kigiro kyookusengerera kweewe omwene kira ibhaga, kyeego akukora omusengeri omuhiku, wuno akusikira ahagiro aheru bhkong'u rumweego kumwaaka hamwe na amanyinga go owundi. ²⁶ Aribha yiyo ehaabha eheene, bhoono ryaririrabha ihatike kwewe okunyakibhwa kubhe kwaaru okwemera mubhutangiro bhwe ekyaro. Nawe bhoono nirumweego tee obhuteero bhweemiaka ghino giikundukiri okurusya ebhibhi kwo ebhihirwa mwisengerero ebhyyaye omwene. ²⁷ Kyeegoeri kuomutu kukwa rumweego, na kwiibhaga erindi riyo riraza erisinziro rya amahokya go omuutu omwene. ²⁸ Nigo Kristo wosi akarusibhwa rumweego okurusya ebhibhi bhyaabhaaru, araza kukyora rwakabhiri, atakuza kuhokya geebhibhi, nawe kwoobhuturya kubhano bhakumuganyirira kwa obhuganyi.