¹ Bhoono ering'ana rino tukuhaya ni rino tunawe omukangati omukuru wuno yikeri hasi wookubhoko kwo obhuryo bhwe kitumbi kyasimika mwisaro . ² Ewe ni mwimereri wa ahagiro ahazomu erihema ryaehene rino Taata ariteriho atario omuutu wowosi wo okutwa. ³ Kwookubaha omukangati omukuru araturwa kurusya ebhigiro ebhisengo kwego erenderwa kubha nekigiro kwo orukusya. ⁴ Kweegyo okubha Kristo yari iguru we esi, ewe atari kubha omukangati kweki wa hayo, kwookubha bhari bhamariri okurusya obhunagya kugendenia ne etrihatike. ⁵ Bhakasakirya ekigiro kino kihabha kumenyekererwa nekirir kya ebhigiro bhya mwisaro, kyego okubha Musa yahonibhwe ne Eryoobha eribhaga hano akwenda okwomboka erubhuru. "Rora" Eryoobha rikahaya "Okubha mukore ebhighiro kugendenia ne eteemwa, kyegho werekerenibhwe iguru we ekiguru". ⁶ Nawe bhoono Kristo aghegiri amahokyo amazomu ghoosi kwookubha ewe niwe omugwatania wo obhurage obhuzomu, rino amariri kurikong'erya kwo obhurage obhuzomu. ⁷ Kwego obhurage bhwo okukangata ritari kubha no obhusarya, niho atendiri kukomia obhurage bhwakabhiri. ⁸ Kwookubha eribhagha Eryoobha hano ryamenyiri amabhihu gha abhatu, akahaya, "Rora ezisiku ziraza, "anrahaya Taata kwibhagha kukora obhurage obhuhia hamwe ne enyumba ya Israeri na enyumba ya Yuda. ⁹ Ritakubha kyoobhurage bhuno nakoriri hamwe na bha wise wabhu orusiku runo nkabhagegha kukubhoko kubhakangata kureka mukyaro kya Misri. Kwookubha bhatakugendereria ghati yo obhurage bhwane nosi bhatakuntunia kweki arahaya Taat. ¹⁰ Kwookubha bhuno nibhwe obhurage ndakora kwi huna rya Israeri kuzisiku ziyo; arahaya Taata. Ndatura erihatike ryane mumisegho ghabhu, nkazikama muzikoro zyaabhu. Ndabha Eryoobha ryabhu bhosi bharabha abhatu bhane. ¹¹ Bhatakwengania kwo owumwe no omunyarobho waye, kwo owumwe no omuhiri waye "Akahaya," mumenye Taata" kwegho bhoosi bhanimenyiri enye, kuraka kumusuhu no omukuru wabhu. ¹² Kwegho ndabherekya obhusegi bhwabhu ghano ghatana obhuhene, ntakuhita amabhi ghabhu kweki". ¹³ Kwo okuhaya "Erihya arikoriri eriraghano ryembere kubha ikunghu, na riyo kwegho atirarikiri kubha ikunghu ririrhaghuhi kurwaho.