¹ Amaragiriro ne kizururu kya amang'ana gano gakuza amazomu, atari garya atorekenia amakumiriryo rumwe atakunagya kubhahikya bharya bhano bhakwisukya Eryoobha kwenzira yokusengera ziryazirya zino abhakangati bhagererya okurusya omwaka ku kumwaka. ² Hamwe kwego irisengero riyo zitari ziranagya okutiga okurusya? kwookubha kiyo bhano bhakud=sabha, bhakubha bheribhe kworumwe, bhatari bharabha no obhumenyekeryo obhukong'u bhukasarya. ³ Bhano bharimuumabhi gayo okuhitya kurimu bhobhubhi bhuno bhakakora omwaka kugundi omwaka. ⁴ Kwookubha atakunagya kumanyinga zimbari ne ezimbari okurushaho obhusrya. ⁵ Eribhaga Kristo hano akaaza mkyaro akabhuga, mtagongerye okumurusisya, okukukirania no kubhikora kimwe kimwe ku nawe. ⁶ Mtabheri no obhwera kumrushirya gosigo gokukorwa omuhero kwo omuhero. ⁷ Niyo nabhugiri "Rora ndakora amazomu gaye, Eryoobha kyego bhikaamirwe kuntunia enye ekisisiga". ⁸ Akahaya kyego eri hayo iguru, "muutendiri omuhora, omuhero kwo omhero okusarya kwookubha amabhihu, kweki atarushi obhusome bhwenyu" omuheru guno gukuhanywa kuringana neerihatike. ⁹ Kimwe akabhuga "Rora, ndihano kukora amazomu gaye" aturi embarika amerekererwa kwego akongererye zirya zakabhiri. ¹⁰ Amaragiriryo ga kabhiri, tumariri kwahurya ku Eryoobha kumega gaye kuhitira okwirusha kwombhiri gwa Yeesu Kristo kwibhaaga rimwe na kumabhaaga gosi. ¹¹ Ni hene abhaa zama bhosigo bharimerera okusakirya orusiku kwo rusiku, ararusha omuhero gyrya gurya, guno bhobhosi bhurya rumwe etanagya okushaho obhubhi. ¹² Hano Kristo yamari kurusha obhera rugendo rumwee kwobhubhi kiraka yosigo akikara kukubhooko kwoobhuuro kwe Eryoobha. ¹³ Akiaganya tee abhaabhisa bhaye bhaturwe hasi na kukora ekitumbi kwookubha ya maguru gaye. ¹⁴ Kwookubha kunzira erirusho erimwe abhamariri kira kaabharya bhaano bhaahurwe ku Eryoonbha. ¹⁵ Ne koro enzaru no kumenyekererrya etwe, Kwookubha omukangati akabhuga, ¹⁶ Rino ni iragano rino ndakore hamwe nabhoo kwibhaaga kuzisiku zino arahaya Taatabhugya "Ndatura amahatike gane mosi we zikoro zyabhu ndazikama mubhongo bhabhu. ¹⁷ Akamara akabhuga bhatakugahita kweki amabhiyu na matemiyo gabhuu. ¹⁸ Bhoono ahaagiro amabhiiro kuubhano hatana kweki omuheero wowosi kwookubha na amaraga. ¹⁹ Bhoono omuhiri, tunakyo ekisubhe kyo kusikira ahagiro aheru bhukong'u kumanyinga ga Yeesu. ²⁰ Yiyo ni nzira ino ayigwiri kwa kubha ya netwe kwe enzira yo muubhiri gwaye, ehya ne horu ino ekuhita kwiibhisikiryo. ²¹ Kwa kubha tuanwe omuzama omukuru iguru wenyumba ye Eryoobha. ²² Tumwisakirye ne koro yehene yokubha woobhuhene we hene tubhe ne ezikoro zino zitirirwe bhuzomu kurwa mribhuturibhwa bwehene no kuubha ne mibhiri gwetu gino gisabhibhe na amanzi amazomu. ²³ Bhoono tugwaatire kwo bhuhene gati wo bhisasami bhwe kisubhe bhwa mahene getu, tutaza kwikyosha, kwehene ye Eryoobha uno akaraga ni muhene. ²⁴ Twenderere gwisaga kiego turamuturire ekoro kira oumwe kusega amatemio gahene. ²⁵ Tutatiga kwikumana hamwe, kiego bhakukora abhaandi, kumweya guyo, kuturaana ekoro kira oumwe bhukongu na bhukongu kiego mukurora orusiku rurisuka. ²⁶ Aribha turakora erizebhe okugendererya okukora amabhiyu hano turabhe tumaari okunyoora obhwegibha bho bhuuhene, emiheero egindi gya mabhiihu gitakusaga kweki. ²⁷ Kumweya gwaye gareho amisego agene gerisinziro ryo kuhahia, no uhari bwo omuuriro guno gurasikye abhaabhiihu bhe Eryoobha. ²⁸ Wowosi wuno yangiri amanaga ga Musa arakwa atana bwabhirwa kubhukangati bwo kurora bwa bhataniia bhabhiiri hamwe bhataatu. ²⁹ Mibharooki iguru we nyako oritengerera kiramuring'anaira kira ekimwee uno azeeri omwana we Eryoobha wowosi uno akoriri amanyinga ga amaragaro aribha kigiro kitari kyeru, amanyinga gano kwewe akagatura kubhookon kwe Eryoobha uno amutukiri ekoro yo obhuraabhu? ³⁰ Kwookubha tumenyiri oumwe yabhugiri, ekisiomba ne ekyane, ndariha na kweki "Taatabhugya arabhasiinza abhaatu bhaaye". ³¹ Ni eering'ana ryokobhoya omuutu okugwe mumabhooko ge Eryoobha yari muhooru? ³² Nawe ohituke esiku zino zihitiri kumweya gwokutuura kwenyu obheeru, nigaaki mkanagya okwimirya amanyahariko amahari. ³³ Mwari mturwe mwasi mwo kusakya amatukiano no okunyakibhwa mwari bhagaatani haamwe na bharya bhano bhahiitiri amanyakiibho kya gayo. ³⁴ Kwookubha mwari nezzikoro ne ebhingongi kubhayo bhari abhabhoohwa, mkageega kweraha enyako yobhuugabhi bhenyu omumenyiri kubha emwe abhene muabhanga nengabho nyakora nibhahokerye kiraka. ³⁵ Kweego mtarekera obhusubhe bhenyu bhuno bhuna obhusabhira ya obhukuru. ³⁶ Kwookubha murenda okwigumirirya kubha mgwate kino Eryoobha ribhaaragiri, hano mkubha mumariri kugakora amego gaye. ³⁷ Kukubha ikyari ibhaga isuhu oumwe uno akuza, araza hene atakukeezera. ³⁸ Omwene hene wane arikaara kwo obhuhene. aribha arakyoora inyuma, ntakuzomererwa nawe. ³⁹ Nawe etwe turikama bhaarya bhakukyora kihuteti kwo kusikibha, kumweya gwaye, etwe niabharebhe bhabhrya bhari noobhuhene bholkuziriibha ezikoro zyetu.