¹ Abhasegwa, mutige kwikirirya ekoro yiyo yosi, nawe mzisakye ezikoro aribha zirarwa Kuriobha, kwookubha abharoti abharu bhorurimi bharuhiri mukyaro. ² Kugayo mramenya Ekoro ye Eriobha, ekoro yino ekwikirirya kubha Yeesu Kristo yiziri mumubhiri gwe Eriobha. ³ Ekoro yino etakwikirirya Yesu atari ye Eriobha yiyo niekoro yokumuahakania Kristo, yino mkigwa kubha eraza, na bhoono eribhahene mukyaro. ⁴ Emwe Nibheriobha, abhana abhasegwa, mumariri kubhahiza kumang'ana ewe wuno arimuosi wenyu ni mukuru ukyaro. ⁵ Ebho nibheriobha kuchino bhakuhaya nkya kyaro, nekyaro kirabhitegerera. ⁶ Eti Nibheriobha, ewe wuno amenyiri Eriobha aratuitegerera etwe, ewe atari we Riobha atakunagya kutuitegerera, kurino tumenyiri ekoro ye hene yo orubhehi. ⁷ Abhasagwa, tusegene abhene kwa bhene, kwokubha obhusegi Nibheriobha, wuno wosi owune asegiri yibhurwe Neriobha amenyiri Eriobha. ⁸ Wuno atasegiri atamenyiri Eriobha, kwookubha Eriobha nioobhusegi. ⁹ Kurino obhusegi ritarikubha kwe Eriobha bhukuno/ukirwe ghati wetu, kyego Eriobha rikatuma Omwana waye mukyaro tuikare kuitira ewe. ¹⁰ Kuriyo obhusegi, ritarikubha tukarisega Eriobha, nawe ewe yatusegiri, akamuhira Omwana waye amare ekisiombha kya amabhihu getu. ¹¹ Abhasegwa, kwookubha Eriobha rikatuseega etwe, bhuyobhuyo turenderwa kusegana abhene kwa abhene. ¹² Atariho wunowosi yaruzi Eriobha. Hano turasegene abhene kwa abhene, Eriobha ririkara muosi mwetu no bhusegi bhwetu bhubheri mwosi mwetu. ¹³ Kuriyo turamenya turikara mwosi waye, wosi mwetu wetu, kwookubha atuheri ekoro yaye. ¹⁴ Turuzi no okumirirya kubha Tata amutumiri Omwana waye omuturya we kyaro. ¹⁵ Kuwuno akuikirirya kubha Yesu no Omwana we Eriobha , Eriobha ririkara mwosi waye mwosi we Eriobha. ¹⁶ Tumenyiri no ukwikirirya obhusegi bhuno bhune Eriobha mwosi mwetu. Eriobha ni bhusegi ne Eriobha ririkara mubhusegi ne Eriobha ririkara mwosi waye. ¹⁷ Obhusegi bhuno bhumariri kubha ghati wetu, tubhe ne kisubhe orusuku rwo obhusinziro kyego ari twosi nigo turi kukyaro kino. ¹⁸ Bhutario obhwobha mwosi wobhusegi. Nawe obhusegi bha abheene bhurahekerwa obwobwa igutu, kwookubha obhwbha bhurigwane no obhusinziro, nawe ewe wuno okwobhaha akyari kuikiriribhwa no obhusegi. ¹⁹ Tusigiri kwookubha Eriobha ryakangatiri okutusega. ²⁰ Aribha wumwe arabhuga nisegiri Eriobha nawe ndamubhihirirwa omuhiri waye ni mubhehi kwookubha wino atasegiri omuhiri waye, wino akumurora atakunagya kurisega Eriobha akyari kumurora. ²¹ Riyo niryo amaragiriryo gano tunago kurwa kunewe wuno wosi asegiri Eriobha, aranderwa kumsega omuhiri waye kweki.