¹ Nawosi wuno akwikirirya kubha Yesu Kristo yabhurwe Neeriobha na wowosi wuno amusegiri ewe arwiri Kutata kwego arabhasega abhana bhaye. ² Kurino tumenyiri okubha tubhasegiri abhana bhe Eriobha hano tukumsegha Eriobha nokukora amahatike gyaye. ³ Ego nigo kyego turisegiri Eriobha, kwookubha tuzigwatiri amahatike gyaye. Na amahatike gyaye ni mahoru. ⁴ Kwookubha kuwuno yibhurwe nee-Riobha arahiza ekyaro ekyaro. Bhuno mbwe obhuhizi bhookuhiza ekyaro, okwikirirya kweetu. ⁵ Niwi wewi arihizi ekyaro? Ni wurya yikirirye kubha Yeesu niwo Omwana wa Eriobha. ⁶ Wuno niwe akaza kwaamanzi na amanyinga Yesu Kristo atiziri kwa-amanzi ewe akaza kwa amanzi na amanyinga. ⁷ Kwookubha bhariho abhatu bhatatu bhano bhakuroraho: ⁸ Ekoro, amanzi na amanyinga abhatu bhano bhatatu bharikiriryaana. Bhagumirye amang'ana gano ''Tata, eng'ana, ekoro enzeru'' gatakurorekana ghata wa amahitya amazomuge kare. ⁹ Aribha turabhugega obhukumirirya bhwaa abhatu obhukumirirya bhwe Eriobha nibhukuru kubhuyo kwookubha ubhukumirirya bhwe Eriobha ni bhuno kwookubha anabhwo obhukumirirya kwokwigwana na Omwana waye. ¹⁰ Ewe wuno akumwikirirya Omwana we Eriobha omwene akumirirye mwosi. Waye omwene na wowosi atakwikirirya Eriobha amukoriri kubha mubhehi, kwookubha atamwikirirye obhukumibhwa bhuno Eriobha ribhuretiri kuhitira Kumwana waye. ¹¹ Nokumwikirirya nibhwe bhuno --rikatuha obhuhoru ebhekiego noobhuhoru bhunu bhuri mwosi woo Mwana waye. ¹² Wuno anawe Omwana waye anabhwe obhuhoru wuno atanawe Omwana wa Eriobha atana obhuhoru. ¹³ Nibhakamiri Gayo mumenye kubha mno obhuhoru bhwaa kirakaemwe bhanu mnikirirye kwerina rya Omwana wa Eriobha. ¹⁴ Nabhuno nibwe obhusubhe bhuno tunawe kubhwerekera bhwaye okubhaa hanotukusabha kigiro kyokyosi kisikisi noobhusegi bhwaye okutwigwa. ¹⁵ Aribha turamenya kubha aratwigwa kyokyosi tukumsabha turamenya kubha tunakyo kino tumsabhiri. ¹⁶ Kyego omutu akumurora omuhiri waye atakora amabhihu gano ghatakumuhirira oruku, erenderwa asabhe ne-Eriobha riramuha obhuhoru. Ndahaya kubharya bhano obhubhi bhwaabu bhutakubhahirekera oruku - bhureho obhubhi yinoekureta oruku - ntakuhaya kubha arenderwa kusabha kumabhi ghayo. ¹⁷ Okutiga kwosi ni kubhi nawe bhureho obhubhi bhuno bhutakureta oruku. ¹⁸ Tumenyiri kubha akibhurwa nee-Riobha atakukora amabhihu kyego. Wuno yibhurwe nee-Riobha araribhwa nawe bhwahene kiraka-eego noo-mubhihu waye atakunagya kumsarya. ¹⁹ Tumenyiri kubha etwe ni bhe Eriobha tumenyiri kubha ekyaro kyosi kiriiyasi wabhakangati wa abhabhihu. ²⁰ Nawe tumenyiri kubha Omwana we Eriobha yaari natuheri obhung'eni kwego tumenyiri niwe omuhene na kwego turimwosi waye eweeomuhene na ghati wo Mwana waye Yeesu Kristo ni-Eriobha ryehene nookubhuhoru bwa kuraka. ²¹ Abhana abhasegwa, iturya ne ihunduguru.