¹ Murore ni bhusegiki atuheri Tata, kubha turabhirikirwa abhana abha Tata bhugya, neego nigo turi. Kwookubha yino esi etatumenyiri kwookubha etamumenyiri ewe. ² Abhasegwa etwe bhoono nia-abhana bha Tata bhuya, naho ekyarikumenyekana kyego turaabhe. Tumenyiri kubha Kristo ararorekane, turatubhana newe, turaza kumurora kyegoari. ³ Wuno arabhe nee-kisubhesubhe kino kwibhaga rino rikuza kinokyerekeribhwe kwewe, ariyogya omwene ebhibhi kyego ewe omwene ari mrabhu. ⁴ Kumutu wuno akugyaembele nookuhokya amabhi aratiga emuma. Kwookubha amabhi nukutiga emuma. ⁵ Mumenyiri Kristo akeerekibhwa arusyeho ebhibhi chwe. mumubhiri gwaye ebhibhi bhitarimo. ⁶ Atareho wuno araabhure obhuteero wuno arikunewe naho aragyaembere kwookukora ebhibhi. Atareho wuno araabhure obhuteero ibhagaryoosi arahokya ebhibhi naho amuruzi hamwe okumumenya ewe. ⁷ Abhana abhasegwa, mtaza kwikirya kung'enereribhwa no omutu wowosi. Wurya wuno akukuora eheene no weeheene, kyego Kristo aneheene. ⁸ Wuno akukora amabhihu niwisambwa, kwookubha eri sambwa nihokya rya amabhihu kwemera obhutangi. Kwookubha yino Omwana wa Tata bhuya akerekibhwa niho anagye okusarya emerimo gya erisabwa. ⁹ Wowosi wuno yibhurwe no Tataabhuya atakukora amabhi, kwookubha eheke yo Tata bhuya erikaro mwosi waye. Atakutura kugyaembere kuhokya amabhibhu kwookubha yibhurwe no Tatabhuya. ¹⁰ Kurino abhabna bha Tatabhuya no bhana bheerisambwa bharamenyekana. Wowowsi wuno atakuhokya kyeehene, atari wa Tatabhuya, no wurya atakunagya kumsega omuhiri waye. ¹¹ Nawe bhuno nibhe obhurariki bhuno mwigwiri kureka kubhwemero, kubha turenderwa kusegana etwe abhene kwo abhene. ¹² Etari kya Kaini wuno yaari noomusagarya kyamwe aramwita wamwaabhu. Kwaki akamwita? Kwookubha amahokyo gaye gati mabhihu, nogawamwabhu gaarige heene. ¹³ Bhahiri bhane, mtazakutangara, hano esi erabhabhihirirwe. ¹⁴ Tumenyiri tumariri kurwa muruku nookusikira mubhuhoru, kwokubha tubhasegiri abhahiri. Wowosi wuno atanaobhusegi arikara muruku. ¹⁵ Omuntu wowosi wuno akumtindira wamwabhu no mwiti. Mumenyiri kubha obhuhoru bhwa kilakeego bhutakwikara mumubhiri gwoomwiti. ¹⁶ Kurino turamenya obhuseegi, kwookubha Kristo akabhurusya obhuhoru bhwaye mwitwe. Twosi turenderwa okurusya ekikarire kyetu kubhahiri bhetu. ¹⁷ Nawe wowosi wuno anaebhighiro, nawe ararora amuhiri waye wuno asuhire, araribhira ekoro yaye yeebhigongi kuneewe; bhono, obhusegi bhwa Tata-bhuya bhurikarabwi mwosi waje? ¹⁸ Abhana bhane abhasegwa, tutasega kwaeminwa hamwe kwa amang'ana ageene tusege kumahokya neehene. ¹⁹ Kuriko tumenyiri kubha etwe turikuhene, emitima gyetu gimenyekene kwewe. ²⁰ Aribha hamwe emioyo gyetu giratusinzira, Tata-bhuya no mukuru kukira ezikoro zyetu, nanewe aramenya amang'ana gosi. ²¹ Abhasegwa, aribha ezikoro zyetu zitakutusinzira, tunakyoekisubhesubhe Kutata-bhuya. ²² Kyokyosi kino turasabha turahanwa kurwa kwewe, kwookubha tugwatiri emuma yaye,naho turakora amang'ana gano gakuzomera embere yawe. ²³ No yino niyo emume yaye kubha gatutunirye kwikirirya kurina rya Omwana waye Yesu Kristo nookusegana etwe abhene kwa abhene kyego yari atuheri ekihindo kyaye. ²⁴ Wuno akusuka ebhihindo bhaye arikara kweewe, no Tata-bhuya arekara kunewe. No kwookubha tumenyiri kubha arikara mwosi wetu, no wurya ehoreru wuno atuheri.