¹ Abhana bhane abhasegwa, ndabhakamira amang'ana ghano kwimwe kwego mtahokya amabhihu. Kwookubha owumwe wenyu alihokya amabhi, tunoomwimereeri huno arihamwe na Tata, Yeesu Kristo omwimereeri we ehene. ² Ewe niwe omutugwatanya kumabhihu ghetu, kwookubha kumabhihu na kuubhubhihu obhwetu abhene kwookubha yeng'ana ye kyaro kyosigo. ³ Kuurino tumenyirikubha tumumenyiriewe kama turabhwangaraare obhuhene bhwaye. ⁴ Wuuno okubhuga, ''Nimenyiri Eriobha'' nawe atakugwaata amakumiriryo gaaye ombheeri nooheenebhutaari mumutima gwaye na wowosi akugwaata eng'aana yaaye. ⁵ Heene kuomutu wuuyo obhusegi bhe Eriobha bhubheeri, kuurino tumenyiri kubha mumutima gwaaye. ⁶ Wosi wuno akubhuga arikara mumutima gwe-Eriobha arenderwa omwene kweki agende kyego Yeesu yariakugenda. ⁷ Abhaseegwa, nitakubhakaamiryo emwe amakumiriryo amahya naweamakumiriryo ge kaare gano mumariri okubhanago kwemera kubhutangiro. Amakumiriryo geekare nie ng'ana yino mkiigwa. ⁸ Kweego nirabhakaamira emwe amakumiriryo amahya, naago nieeheene ku Kristo na kwimwe, kwookubha ekiirima kirahita, no bhweeru bhwe eheene bhubheri bhurabhanza. ⁹ Wuno akubhuga arikubhweeru neeno omuhiri waye wuyo arimuarabhihirirwa no kirima no bhoono. ¹⁰ Wuno aseegiri omuhiri waaye ariikara kubhweru na ritareho ing'ana ryoryosi rikutura kumtindya. ¹¹ Nawe wuno akubhihirirwa noomuhiri waye arimukirima na aragenda mukiirima; Ewe atamenyiri hanoakugya, kwookubha ekiirima kumuhukurye ameso gaye. ¹² Ndabhakaamira ewe, abhana abhasegwa, kwookubha mwabhirwe ebhibhi bhyenyu ku riina ryaye. ¹³ Ndabhakaamira emwe, bha tata kwookubha mumumenyiri yaari omukangati wa kubhutangiro. Nabhakaamira emwe, abhamura, kwookubha mumuhiziri omubhisa. Mbhakaramiri emwe abhana abhasuhu kwookubha mumumenyiri Tata. ¹⁴ Mbhakamiri emwe, bha Tata, kwookubha mumumenyiri wuno nyakangatiri. Ndabhakamiira emwe, abhamura, kwo kubha mbagumiru, ne ng'ana yee Riobha eri mzikoro zyeenyu, mumuhiziiri omubhisa. ¹⁵ Mtaseegwa ekyaaro na amahookya gano gari mukyaro. Ariza kubha asegiri ekyaaro, ubhusegi bho okumsega Tata bhutari mwoosi waaye. ¹⁶ Kwookubha kino kyoosi kiriimukyaro- omgoono gwo omubhiri, omugono gwo omeso, ekigoti kyoobhuhoru bhitaakurwa ku-Tata, nawe bhirabhoneka muukyaro. ¹⁷ Ekyaro noomugono gwaaye bhirahiita. Wosi wuno akukora obhusegi bhe Eriobha ikare kimera. ¹⁸ Abhana abhasuhu, ne erbhaga ryoobhuteero. kyeego mwigwiiri omwangi waa Kristo araaza, na bhoonego omwangi waa-Kristo iiziri, eribhaaga ryabhoneego tumenyiri ndya-bhutero. ¹⁹ Bhbagiiri zyaabhu kureeka kunetwe kwookubha bhatari bheetu. Bhingabheri bhetu twatuuragendererya kubha hamwe. Eribhago rino bhagiiri zyaabhu, kio kikeerekya bheetu. ²⁰ Nawe muhakirwe amaguta noomweeru, mwosigo mumenyiri obhuheene. ²¹ Ntabhakamiri emwe, kwookubha mtamenyiri eheene, kubha mumenyiri no kwookubha bhubhehi bhutaroho kuirya eheene. ²² Niwii omubheehi, niuno akwaanga Yeesu ni Kristo? Wuuyo no omwangi wa Kristo, hano akaanga Tata na Omwana. ²³ Atareho wuno akwanga Omwana na Wise. Wuyo wosi akwikirirya Omwana ariihamwe na Wise. ²⁴ Kwookubha yenyu, kino mwigwiri kwema mubhutangiiro tiga kikorekhubha muusi yenyu kyego mwigwiri kwibhaga ryobhutongiro kiriikara mwosi wenyu, kubha murikara mwosi yo Omwana na Tata. ²⁵ Na bhuno noobhurage bhuno yatuuheri: obhuhoru bwe ekimera. ²⁶ Mbakamiri gayo emwe, bhano bhingabhakangatiri emwe munyako yookubhura. ²⁷ Kwookubha yemwe, amaguta gano mwangwatiiri kureka kwemwe garikara mumyoyo gyenyu, na mtakubhona mutu uyo wosi wokubherekerya, hene arabhe amaguta gaye garabherekerya kugano goosi, naniheene rutari rurimi, na kwookubha gingabha gabherekererya, mwikare munda yaye. ²⁸ Kwookubha, abhana abhasegwa, mwikare munda yaye, hano arihwaruka, tubhe bhasubhesubhe, tutaza kukorakezisoni, kwibhaga ryokuza kwaye. ²⁹ Aribha mumenyiri kubha ewe niwarubhango, mumenyiiri kubha kira oumwi unoakuhokya amang'ana amazomu arwiri munda yaye.