¹ Bhoono iguru we ebhyakurya bhino bhiruusibhwe ekimweso ku hwuguru: tumenyiri kubha "etwe twoosi tunamang'eeni." Amangeeni garareta omwigumo, nawe obhuseegi bhuromboka. ² Aribha mutu wowosi ariseega kubha amenyiri ing'ana irebhe, omutuuyo atamenyiri kyeego ekwenderwa okumenya. ³ Nawe aribha owumwi waho arimuseega Eriobha, omutuoyo amenyekeni nanewe. ⁴ Bhoono iguru wookurya ebhyakurya bhinobhirusibhwe ekimweso ku hunguru: tumenyiri kubha "ehunguru kitari kigiro ku kyaro kino" na kubha etareho Eriobha nawe wumweego." ⁵ Kwookubha bhareho bhaaru bhano bhakubhirikirwa amasambwa aribha ni mwisaaro hamwe mukyaaro, kyeego bhari "masambwa na bhakaruka bhaaru." ⁶ "Ingabha owetu areho Eriobha wumweeego nawe ni Taata, ebhigiro bhyoosi bhirwiri kunewe, na netwe turikara kwewe, na Taatabhugya wumwe Yeesu Kristo, wuno kunewe ebhigiro bhyoosi bhikabhaho, na kwewe etwe tureho." ⁷ Kweego obhukaami bhuno bhutari mwosi kukira omutu wumwe. Nawe, abhandi bhakasakirania obhusengeri bhwa ehunguru ekare hayo, nabhoono bhararya ebhyakurya kyeekigiro kino kirusibhwe ekimweso ku hunguru. Emitima gyabhu gibhuribhwe kwookubha ni mirosu. ⁸ Nawe kyakurya kitakutuhikya etwe ku Eriobha. Etwe tutari bhabhihu bhukong'u arabhe turatame kurya, naabhe bhuzomu aribha turarya. ⁹ Nawe mwirihe okwigaraganzirya kwenyu kutaza kumtindya omutu omuhahu mwibhwikirirya. ¹⁰ Singa iseega kubha omutu akuruzi, awe wuno onobhukaaari, orarya ebhyakurya munyumba ya okusengerera ya ehunguru. Omutima gwaye omutuoyo gutakwikiriribhwa na newe arye abhigiro bhino bhirusibhwe ekimweso ku hunguru? ¹¹ Kweego kwookubha yoobhumenyi bhwazo bhweeheene iguru ye eteemwa ya ehunguru, mura waye na musubhati wazo omuhahu, wuno Kristo akakwa kwi iguru waye aranyaribhwa. ¹² Kweego, hano okukora ebhibhi iguru ya bhwa mweenyu bheekikari na bheekisubhe nookugikorera ekisaro emitima gyabhu emihahu, mrakora ebhibhi iguru wa Kristo. ¹³ Kweego, aribha ekyakurya kirakora wa mwenyu weekisubhe hamwe weekikari, yitegetege ntakurya nyama kweki, ntazakukora wamwetu weekisubhe na wamwetu weekikari bhagwe.