¹ Enye ntari uyo? Enye ntari omubhagati? Enye ntamuruuzi Yeesu wetwe? Enye ntaruzi emisumo gya emirimo gyane gatigati we Eriobha? ² Nawe enye ntari omubhagati owundi, hakiri ku omubhagati wenyu ewe. Kwookubha emwe ni kumenyekererya obhubhagati gatigati we Eriobha. ³ Bhuno nibhe kubhano bhakundora enye. ⁴ Nawe tutana obhwera bhukurya no kunywa? ⁵ Tutana obhwera kugega omukari wuno we muma kyeego bhakukora abhabhagati abhandi, na abhahiri bha Taatabhugya, na Kefa? ⁶ Hamwe ninye omwene na Barnaba wuno turenderwa tukore emirimo? ⁷ Niwi akukora omurimo kyo omusirikare obhuturo hwaye omwene? Niwi asegiri omuzabibu na atige kurya omusumo gyaye? Hamwe niwi akurisha erigara atige okugusya amabhera gaye? ⁸ Nawe ndahaya gano kumaraika kyo mutu? emigiro kyosi kitakubhuga ego? ⁹ Kwookubha ekamiirwe emigiro gya Musa, "atamubhoha eng'ombe omunwa hano akuhura ebhyakurya." Ni hene kubha hano Eriobha rimenyiri ezing'ombe? ¹⁰ Awe atakuhaya gayo kwookubha netwe? Ekamirwe kunetwe, kwookubha eweararima ebhyo akurya arenderwa arime kwa bwisigwe, nawe wuno akugesa okuganya okugwatana gatigati wo obhugesi. ¹¹ Kwakubha tukemya ebigiro bha mumutima gyenyu, Ni ng'ana! ikuru kunetwe tukugesa ebhigiro bhoomubhiri okurwa kunetwe? ¹² Kwookubha abahndi bhakabhona ehene kurwa kunemwe, nawe! etwe turi bhukong'u? Kwookubha ego, tutasabhiri ehene ino. Omweya gwaye, tukigumurya kuamang'ana gosi go omweya okwookubha kitegitegi kwing'ana rya Kristo. ¹³ Mutamenyiri kubha bhosingo bhano bhakukora emirimo mwisabhiro bharabhona ebhakurya bhabhu okurwa mwisabhiro? mtamenyiri kubha bhano bhosi bhakukora emirimo mwisengerero ndabhona omweya kino kirushibwe mwisengerero? ¹⁴ Kwokubha bhuyo bhuyo, Taatabhugya akatumania kubha bhosigo bhano bhakurarika eng'ana ye Eriobha emirigo bhabhone okwikara kubhiyo ering'ana rye Eriobha. ¹⁵ Nawe ntakubhasabha ehene bhosigo bhiyo. Na ntakwandika gano kwo kubha eng'ana yoyosi ekoreke kunenye. Ili hakiriku enye nikwe mutu atikyora eno kwikumya kwaye. ¹⁶ Kwo kubha ndakerenya rye Eriobha ntana kino kikukora nikumye kwo kubha erenderwa nkorego. Aribha takerenye ekina! ¹⁷ Kwo kubha ndakorego kwo kusega kwane nina obhuru, Ebhe etari kwa kwisasama kyari nemirimo gino nkahabhwa mwimerereri. ¹⁸ Amariho gane niki? kwokubha hano kukerenia ndakora amakerenio bhira mariho otakikorera kwa ubhuhene bhwe hene yane yino ninayo iguru we kina. ¹⁹ Kwo kubha mberino omweya kubhosigo, nkakorwa mbhagati wa bhosi, kwo kubha ninagye kubhabhona abhandi abharu. ²⁰ Kubhayahudi nkabha kyo muyahudi, nibhabhone abhayahudi. kubharya bharihasi we emigiru, nariumwe wabhu wono arihasi we emigiro nibhabhune bharia bharihasi emigiro. Nkakorego ningabha enye orungera ntahabha hasi ya emigiro. ²¹ Kubhano bharigutu we emigiro, ngabha kwo oumwe wabhu igutu we emigiro, ingabha enye awe amweene ntaberi igutu we emigiro gye Eriobha, bharye bhiesi ye emigiro gya Kristo. Nkakora bhuyo nibhabho bharigutu we emigiro. ²² Kubhano omutobhu nihabha mtobhu, nibhane omutobhu. Nibhere na bhosigo bha bhatatu kuzinzira zosi nibhone kubhaturya abhandi. ²³ Nosi ndakora amang'ana gosikuring'ana rya Eriobha, nibho obhugwatani gatigati we orubhango. ²⁴ Mtamenyire kubha gatigati we ndari bhano kuhakana kuno okutema endyari, nawe wuno akuturung'ana obhurito no bhumwe? ego muteme endyari mubhone obhurito. ²⁵ Omubharani arirekya ku gosi hano akubha kukwega bhayo bhono bhaturung'ane engosira ino yino etakusarika. ²⁶ Bhoono enye omwene ntakuryara bira eng'ana au ndarwana ziingumi kama ndatema ehewa. ²⁷ Nawe ndanyakya omubhiri gwane kukorwa kyo omubhagati, hano hanokubha kurarika abhandi, enye omwene ntige kubha kwangira.