¹ Nkamaha omona waring'ondi hano yatashooywe omobhaaso oghomwe kogheera muhungate, nkaighwa omohoru omwe kobhane bhaara araghamba engamba eno itubhaini nenkobha, "Nshoo!" ² Nkamaha yarengaho efarasi endabhu, ono yarrinireko yarenga naritubha na akahanwa engata. Yaishire kyomotangati ono yamara kotangata. ³ Hano omona Waring'ondi yeghoye omobhaaso ghwa kabhere, Nkaighwa omohoru omwe aranghamba., "Nshoo!" ⁴ Gwiki efarasi emmwe enkangaru ekatokera kyo-omoro ono yaghirinire yahaywe obhotooro bhukuru syaho abhohoru mukyaro, kuigho abhanto bhaghoghane, uyo yamurinire yahaywe umuhyo omonene ⁵ Hano omona waring'ondi yeghoye omobhaso ghwakatato, nkaighwa omohoru omwe araghamba, "Nsho!" Nkamaha efarasi imwamu, na ono yaghirinire yarenga na endengo mokobhoko kwaye. ⁶ Nkaighwa engamba eno yamahekaini niyaomohoru omwe eraghamba, "Ekerengo kye -engano ko-tongoro emwe, nebherengo bhitato bye shayiri ko-tongoro emwe. Kuigho otakaghanyahara amaghuta na amarwa. ⁷ Hano omona waring'ondi yeghoye omobhaso ghwa kane, niighure engamba yomohoru wakanne erabherekera, "Nshoo!" ⁸ Gwiki nkamaha efarasi endabhoku. ono yaghirinire irina ryaye yabherekerwanga uruku, hanse monse hamwesheranga, mbahaywe obhotonge ritene rikyaaro, kubhuita numuhyo kunshara nakomaroye, na kusityenyi syamwisisi rikyaaro. ⁹ Hano omona waring'ondi yeghoye omobhaaso gwakatano, naroshe hanse ya risengeero naroshe obhohoru bhwabhara bharenga bhitirwe kuring'ana rya Waryobha na kobhono bharimereye bhuuya. ¹⁰ Bhakakura kunkubha enene ndohe omobhahi wa bhyonse, omohoreru nomoheene, "Ndo he orebhoha bhano bhakwikara kighoro yikyaro nokotohakera ikisiyomba kyamanyinga gheto?" ¹¹ Na gwiki kera omwe yahaywe eng'ansho endabhu, nabhakatebhibhwa bhara takerwa koghanya hakigho abhatomeki bharikyabho bhaisane na bhahiri bhabho bhekekari na bhikishasha bhano bharakwe kyabhono bhonse bhaitirwe. ¹² Hano omona waring'ondi yeghoye omobhaso ghwa kasansabha, naroshe nkyareho ikirighiti ekenene. Iryobha rekamwama kyarighonera rya -isinga, numweri ghonsigho ghokabha namanyinga. ¹³ Sinyonyori syakighoro shekaghwa hanse, kyahano omote ghwaghwesya shehagho enkagha yembeho hano ghwasingisibhwa nikighumbe. ¹⁴ Kighoro harureho kyabhono ogghoghena ghukusingoribhwa. Kera inguku na righinga mbyang'anyibhwi hano bhaare. ¹⁵ Gwiki abhakama bhaikyaro na bhanto bhano bhamanyekaini na abhakare, na kera abhaghorwa na bhano bhataghorwa, bhakaibhisa momasana na momatare ghinguku. ¹⁶ Bhakateebhya shinguku namatare, "Mtwighwere! Mtubhise totakamahekana kubhusyo bhwa ono akwikara kukitumbe kyobhokoro na kukurwa kobhooro bhwa omona waring'ondi. ¹⁷ Kobhono urusiko oronene rukunyanka kwabho rwahikire, na nang'we akokora kwimeera?"