¹ Gwiki nkamaha kokobhoko kwa bhoryo ora yarenga yikaaye kukitumbe kyobhokoro, omote ghono ghwandekirwe mberre na nyuma nangwarenga nemebhaso mhungate. ² Naroshe omonto omorabhu ono yanashinguru arahotobhera inkuha eenene, "Nang'hwe akotakerwa kweghora omote nokotabhora emebhaso?" ³ Taho monto kighoro hande mukyaro hande hanse yikyaro ono yatore kweghora omote hande okoresoma. ⁴ Nakurire kobhora tiyatokire omonto wowanse ono yatakerwanga kuryeghora rite rikwitumbagherya nokoresoma. ⁵ Omoghaka omwe akanteebya, "Otakakura. Maha! endwe yekabila ya Yuda, rishina rya Daudi, ryakora bhuya, na aratora kuryeghora ritumbagheryo nemebhaso ghako muhungate. ⁶ Ghateghate yikitumbe kyobhorkoro na abhahoru bhanne nabhaghaka bhakigho, naroshe ring'ondi rya Waryobha rimereeye, reramahekana kya reno ryakwa. Ryare namatera mhungate naamaiso mhungate bhayo nabhakama bha Waryobha mhungate, bhano bhatomirwe mukyaro kyonso. ⁷ Akaya akareghegha iritumbagheryo kukurwa kokobhoko kwa bhryo kwa ora yarenga ikaye kukitumbe kyobhokoro. ⁸ Hano yagheghire ritumbagheryo abhahoru bhanne na bhaghaka merongo ebhere na bhanne bhakahighama kobhoronge bhwa ring'ondi kera omwe yarenga nekenubhi naritubha rye sahabhu eno yishoye ubhubhumba bhono bhorenge amasabho ghabhano bhakwikeerya. ⁹ Mbareeteri omobharo omohya: "Nkotakeroore koghegha ritumbagheryo nukueghora emebhaso ghakokobhono washinshirwe, nakomanyinga ghaho okaghoora Waryobha abhanto abhebheghambo bhyonse, ebheghambo, ubhuhiri na ikyaro. ¹⁰ Okabhakora abhakama na abhasubhi bhatomekere Waryobha weto. Mbarabhaare kighoro yikyaro." ¹¹ Gwiki nkamaha nukwighwa abhanto abharabhu abharu bhainare ikirumbe kyobhonene kubhwaru bhwabho bharenga 2000,000,000 abhahoru nahaghaka. ¹² Bhakaghamba ko -inkubha enene, "Nkotakerware omona wa ring'ondi ono ashinshirwe koghegha obhotooro, ubhwame, esoko, singuru, obhong'ore, na ubhukumya." ¹³ Nkaighwa kera keno kyabhombirwe keno kerenge kighoro, nahanse, nahanse ya ikyaro, na kighoro yinyansha, kera ekento monse yaye kekaghamba, "Kowe ono akwikara kighoro yikitumbe kyebhonene na komona waring'ondi, kobhe okotonibhwa, ukwisoka obhong'oore na shinguru syokobhaho nsiko syonse." ¹⁴ Abhahoru bhanne bhakaghamba, "Na ebhe igho" Nabhaghaka bhakahighama hanse nukwighombeerya.