1 Kurwa komang'ana ghano naroshe, nkamaha ekeseku kyeghoywe kighoro. inkubha yambere ekaghamba naoni kikirumbeeta, ekaghamba, "Nsho hano ndakoroki ghano gharisha." 2 Nareenga komokama, naroshe kyarengaho ikitumbe kyobhokoro ketoorwe kighoro nomonto akikareye. 3 Omwe ono wanyoore akikareye yamahekaini kya-righena rya yaspi na Akiki. ryare ngaho rite ryebhasi rikii nare ikitumbe kyobhukoro. Rite ryebhasi ndyamahe kaini kya-zumaridi. 4 Ukwinaara ikitumbe kyobhukoro bhyarengaho ibhitumbe bhyobhukoro ibhyende merongo ebhere na bhine, na bhano bhaikaye kubhitumbe bhyobhokoro bhare abhaghaka merongo ebhere na bhanne, bhibhohibhwi singibho sendabhu nengata ye zahabhu kometwe ghabho. 5 Kukurwa kukitumbe kyobhonene nsyatokeeye semesyo syenkobha ikirumo na enkobha. Setara muhungate nsyokanga kobhoronge bhwiki tumbe kyobhonene, Setara seno serenge obhokama muhungate bhwa Waryobha. 6 Gwiki kobhoronge bhwikitumbe kyobhonene yarengaho inyansha eno yare ekyekyerore. Bhonse kukwinaara ikitumbe kyobhonene, bharenghaho abhakoru bhanne, bhano bhaishoye amaiso nyuma na mbere 7 Ekebhombirwe kyambere ekehoru nkyarenga kyendwe, ekebhombwa kyakabhere ekehoru nkyarenga kyekemori, ekebhombwa kyakatato ekehoru nkyare nubhusyo kyubhomonto, nomohoru ora wanne yatubhaini nyamoko ono akubhuruka. 8 Ebhebhombwa ebhehoru bhinne kera ekemwe nkyarenga namabhabhaa sansabha, bhaishooye amaiso kighoro na hanse. Ubhutiko nomobhaso tebhatighire koghambahe, "Omohoreru, Omohoreru, Omohoreru nomonene Waryobha, omokama wa bhonse, ona yalengaho, na ono yaho na ono arisha." 9 10 11 Kera enkagha abhabhombwa bhano bhana obhohoru mbarusyanga obhong'ore, esoko, nukukumya kobhoronge bhwa ono yikaaye kukitumbe kiyo kyobhokoro, ono yana obhohoru nsiko syonse. Abhaghaka merongo ebhere na bhanne mbahighamire kobhoronge bhwa -Ono yikareye ikitumbe kiyo kyohokoro, mbahighamire hanse kuuyo ono yana obhohoru nsiko syonse, nokorekera hanse sengata syabho kobhoronge bhwikitumbe kyobhokoro nokoghamba, "Omonene weto na Waryobha weto nkotakeroore kohanwa obhong'ore na essoko na singuru. Kokobha wabhombire ebhento bhonse na kokohansha kwaho, mbyareho na mbyabhombirwe"