¹ Kobhontho naroshe omonto omorabhu uwonde araika hanse kukurwa ighoro muryobha. Nawe yare omontho omorabhu omonene na ikyaro ekamoreka kobhonene bhwaye. ² Akakuura kukikure ekenene, akaghamba, "Oghoye Oghoye umughi omonene Babeli! obhaye ahase hano amasambwa, ghaikaye na ahase hano imiyo emesareku, ghemenyire na ahase hano kera kento ikighundo na ikinyonyi keno kekosarya. ³ Kobhora abhakyaro bhonswe bhanyoye ekerebhi na ethemo iya obhohoyeri bhwaye eno ekomorethera obhoserani. Abhakama abhekyaro bhakora amaigha nawe. Abhakori abhaibhyasara abha ikyaro bhabha abhame kushinguru ishya obhomenyi ubhwaye ubhwa ebhento ibhiya. ⁴ Gwiki nkaighwa obhoghambi ubhwonde kukurwa muryobha ekaghamba, "Murwe harewe bhare bhanto bhanekore mothasha kobha hamwe komasarya ghaye kase mothasha kohabhwa obhotemi ubhwa ono wenswe. ⁵ Obhosarya bhwaye bhwaishora ighoro kya Muryobha, na Waryobha aghahitire amang'ana ghaye amaghogho. ⁶ Mo-mohane kyabhono yabhahaye abhande, na mo-mohane kabhere kyabhora yakore mokekombe keno yaishoghaini umwishoghaniri kabhere harewe. ⁷ Kyabhora yaikumiri we umwene akamenya komsarya mo-mohane inyanko enene iyokobhabhayera kobhora akoghamba mumiyo ghyaye, "Nikaye kya omonto omorabhu, na thumusino he, na gwiki thendema uruku he.' ⁸ Kubhuyo murusiko oromwe obhotemwa mburimonyahara: uruku, okomaha uruku, ni inshara. Naresaribhwa na omoro kokoha omonene Waryobha newe anashinguru nawe omobhothori uwa ekebhohe kyaye." ⁹ Abhaku abha ikyaro bhano bhakore amaigha na okoreng'ana hamwe nawe mbalikura na mbare mokora uruku hano bharemaha iryoki iryokorongora kwaye. ¹⁰ Mbarimera hare nawe kubhwobha ubhwa obhoro bhwaye araghamba, "Uwe, uwe umughi ughwa Babheri, umughi ghono ghona shinguru! Kokangha emwe ekebhohe kyaho yishire." ¹¹ Abhakori abhaibhiasara abhaikyaro mothakura hare we umwene kobhora athaho hatha omwe ono akoghora ebhentho bhiye gwiki. ¹² Ebhentho ibhya esahabhu, shehera, ajmaghena ghano ghana ubhuya, na bhento bhena ilulu, ekenthe ikiya kena ezambarawe, ehariri emberetho na emethe gyonswe gheno ghakunyuka buya, na kera kento kena shenthera ishya inshoghu na kobhento keno kekorwe na emethe igya ubuya, na ekeghera na ikyoma narighena. ¹³ Modalasini, ebherongo na amanemane, ibhentho ibhyokusambwa, amarwa amaghuta, obhose ubuya, nengano, eng'ombe na ering'ondi, engareya naamathoka hamwe na abhathomwa na immiyoigya abhanto. ¹⁴ Shehagho sheno waighombire kushiguru shyaho shyarure hairuwe. Na umushebha gwaho gwenswe na ubhwikoni bhwarusibhwi h thubhunyore he. ¹⁵ Abhakori abhaibhaibiasara abha ebhento bheno mbanyore ubhuame komaigha ghaye mblimera hare kukurwa harewe kubhuobha ubhwa ukunyahareka kwaye bhara kura na amang'ana agha uruku. ¹⁶ Bharaghamba, "Uwe, uwe umughi omonene ghono go fwaribhwi engansho inshiya, esambarawe, na emberethu na ukwikona na esahabhu na ebhento ibya ubhuya na ilulu!" ¹⁷ Konkagha emwe ubhwame bhwabho bhuyo mbwa hoye. Na abhagendya abha emeri, na abhaeremi na bhonswe abha momanshe nabhano bhakokora emeremo munyansha, mbaimereye hare. ¹⁸ Mbakure hano bharoshe iryoki iryokohiya kwako. Bhakaghamba, "Mughi ke ghono ghuthubhaini na umughi omonene?" ¹⁹ Bhakaihomera urutho ighoro komethwe ghyabho na ukukura bhararusya amaisori na uruku uwe, uwe ulimughi omonene ahase aha bhonswe mbare na shemeli shabho munyansha nabhamebhare koreng'ana na ebhento bhyabho. Konkagha emwe ghokasaribhwa." ²⁰ Mushomerwe ighoro yaye, ighoro bhenyu abhasasami, na abhatomwa, na abharothi, kobhora Waryobha yarethire ekebhohe kyenyu ighoro yaye!" ²¹ Omonto omorabhu ono anashinguru akainyokya righena kya righena rinene iryokosera na akarethabha munyansha, akaghamba, "Kunshera eno Babeli umughi ghora omonene norethabhuthwa hanse ukonkoro engogho na thoremahekana gwiki he. ²² Nkaigwa abharethiya na abhabhini abha hutha esirimbi, na ebheronda, thebarighwa he gwiki kobhenyu. Hatha omokari webhentho tharemahekana hare bhenyu. Na umwika omonene thighurighwelibwa harebhenyu he. ²³ Obhorabhu ubwa ekemore thebhoremahwa he hairuwe engamba iya omonene uwa inyangi na omothethwa thishiriighwebhwe he hairuwe, Kobhora abhakori abhaibhiasara bhaho mbare abhanene abha ikyaro, na ekebhara, mbang'ainire kubhuthuruthumbi bhwabho. ²⁴ Mwaye amanyinga agha abharothi na bhano bhaikereyi ngaroshwe na amanyinga agha bhonswe bhano bhaithirwe ighoro iya ikyaro."