¹ Komang'ana ghano naighure ekeghambo kikya ikikuro ekenene kukurwa kwikomo rinene irya abhanto abhaighoro bharaghamba, "ubhuya. Mbuyo obhothorya, obhonene, na shinguru ni shiya Waryobha weitho. ² Ekhebhohe kyaye nobhohene obhohene kobhora abhohire omoraya omokoro ono yasari ikyaro na obhoraya ono yasari ikyaro na obhoraya bwaye. Yakora eng'ana komanyinga agha abhantho bhaye ono yaitheye we umwene." ³ Urwa kabhere bhakaghamba, "Haleluya! na iryoki rerarwa harewe nsiko shonswe." ⁴ Abhaghaka bhara merongwe ebhere na bhane abhabhentho bheno bhena ubhohoru bhane bhakamwihenyera na okomosasama Waryobha ono akwikara kukitumbe ikya obhonene mbhagambagha, "Naebhe igho. Haleluya!" ⁵ Neho eng'ana ekarwa kokethe ikya obhonene, ekaghamba, "Mumukumi Waryobha wetho bhenyu bhare bhathomwa bhaye bhonswe mbenyu mukumwikerya we kobhana bhatana ubhwera na bhono bhothana shinguru. ⁶ Neho naighure ekeghambo ikya rikomo rinene irya abhanto kya okong'ona ukwa amanshe amaru na kya okong'ona ukwa iye enkobha eraghamba, ubhuya mbuyo omonene Waryobha wetho, omothangathi kobhonswe, nkobha kerare ⁷ Nathorethi na ukushomerwa na okomohana ukumiya kobhora myangi na ukushomerwa ukwa umona uwa ring'ondi yishire na umwenga abhaye kemwe." ⁸ Akwikeribhwa afwaribhwi amang'ana agha obhohene agha abhagha). ⁹ Abhanto abharabu bhakaghamba naoni, "Andeka ghano: Bhaghongirwe bha bhararekirwe kwangu iyo omona uwa ring'ondi." Bhorabhora akanthebhya ghano na amang'ana agha obhohene agha Waryobha." ¹⁰ Naihinyire komaghoro ghaye nkamosasama kase akanthebhya, othakara igha oni nomekori uwe meremo murikyaho na uwaabhantho bhenyu ono akughota obhohene ubhwa Yeesu no omoyo ughwa obhorothi." ¹¹ Kase nkamaha ikyaro kighoye na nkamaha engareya endabhu! ora yarinire arabherekerwa omomaheri uwa obhohene ararusya ekebhohe na ukurusya rihe. ¹² Amaiso ghaye rikya shensase ishyo omoro na ighoro iya omotwe ghwaye ana shengata shinsharu. Ana irina reno ryandekirwe ighoro yaye renorethamanyirwe na montho ono wenswe kasi umwene we aremanyire. ¹³ Afware ingibho eno ishabhibhwi komanyinga na irina ryaye akabherekerwa eng'ana iya Waryobha. ¹⁴ Abhasirikare abha muryobha mbare kumurwa nyuma ighoro iya engareya endabhu, nshiasware engansho inshiya endabhu. ¹⁵ Mumunywa ghwaye ghorarusya umuhiyo omoghe ghono ghukuwita abhakyaro nawe narebhathangatha ninyimbo iyikyoma. ¹⁶ Nawe nkothashare ebhentho ibhya amarwa kobhoro ubhwa Waryobha ono akobhaha ighoro iya bhonswe. Nawe nandekirwe kunghibho na ekenama kyaye irina, OMOTHANGATHI UWA ABATHANGATHI NA OMONENE UWA BANENE. ¹⁷ Naroshe omontho omorabhu aimereye komobhaso. Akabhabherekera bhokonghu inyonyi bhyonswe bheno bhikubhuruka ighoro, "Mushe, mwikome hamwe kubhiyakore ebhenene ibhya Waryobha. ¹⁸ Mushe more inyama iya omothangathi, inyama iya abhakare inyama iya abhanto abhanene, inyama iya engareya na abharina mengareya na inyama iya abhanto bhonswe bhano bhathare abhabhohe na abhakori abha emeremo bhano bhana ubhwera na bhano bhana shinguru." ¹⁹ Naroshe ithienyi iya omonene uwekebhara hamwe na abhasirikare bhabho mbarenge bhaimereye kokokora irihe na omwe akarina engareya na abhasirikare bhaye. ²⁰ Ithienyi ekaghotwa na omorothi uwa obhorongo ono yakore ithubhanyo kobhombere bhwaye kuthubhaniyo iyo akabhang'hania bhara bhaighure aghaye na bhaka habhwa omobhaso ughwa ithienyi nabhano bhaihinyire ekesosa kyaye. Bhonswe bhabhere mbathabhu thirwe bhakerenge abhahoru mwibheri irya omoro reno rikwokania ekeghothiryo. ²¹ Bhara bhathighaye bhano bhaithirwe numuhiyo ghono ghwarure mumunywa ughwa umwe wabho ono yarinire ighoro iya engareya. Ibhinyonyi bhyonswe mbiareye emebhere gyabho.