1 2 Omwe uwabhanto abhalabhu muhungate yale na sishabhi muhungate iyaishile nkantebhia, "Nsho, nkoloki ihukumu iyomosono omonene ono aikaye igholo komanshe amalu, Bhano abhakama bhikyalo bhakore amang'ana gha amaigha nawe ghose igholo ia marwa agha amaigha ghaye bhano bhaikaye mwikyalo bhalebheli." 3 Abhanto abhalabhu yangeghile ko nkoro akahila kwibhala, nkamaha omokali aikaye igholo iyitienyi emberetu eno yishoye malina aghalikomo. Itienyi yalenge nemetwe muhungate na amatela ikomi. 4 Omokali yaibhohibhwi ingibho iya lisambalawe, hamwe ne mberetu akaibhola esahabhu, amaghena amaiya, hamwe ne ekento ikiya. Wanyore aghotereye mokobhoko kwaye eghekombe ikya esahabhu keno kyaishoye ebhento ibya mareryo agha unyanku ubwa obhosono bwaye. 5 Igholo yubhusio bwaye leng'oorwe ilina likibhisile: "BHABELI OMONENE, NYAKUWABHO ABHASONO HAMWE NE BHENTO IBYA MAGHOGHO AGHA IKYALO." 6 Naloshe kobhola omkali ono wanyore alehulwe amanyinga agha sasami hamwe na amanyinga gha bhano bhakule hale Yeesu. Hano namoloshe, naroghole bhokong'u. 7 Ghasimbe omonto omolabhu akantebya, "Kughila ke okologhola? nendakotebhi emaana iya omokali hamwe na itienyi eno ekoghegha (Itienyi iyo eno emetwe muhungate hamwe na amatela likomi). 8 Itienyi eno waloshe nho yale, teho bhonoigho ghasi tiyabahe kulina kukulwa mwiloma leno letana umuhiko. Gwiki nalaghenderi nobhosalya. Bhala bhaikaye igolo iyikyalo, bhala amalina ghabho ghatang'orwe moghetabho keno ikyobhoholu kululwa okotolwa imili igya igholo mbalighole hano bhalamahe itienyi eno yaleho, igha kobhono igho tehohe, ghasi nhanyi elenge yishe. 9 Ukobhelekelwa kono nkwalenge obhong'aini bhono walenge na esoko. Emetwe muhungate mbelenge ibhighuku muhungate hano omokali yaikaye ighole yaye. 10 Ndamaha gwiki abhakama muhungate abhakama bhatano mbaghoye, omwe huale uwonde talahika he; hano alisha nalikala konkagha enke igho. 11 Itienyi eno yaleho, kobhono igho tehohe, onswe nomokama uwa kane; ghasi omwe uwabhakama muhungate, nabho bhalaya kobhosalya. 12 Amatela ikomi ghala waloshe na abhakama ikomi bhala bhatalaheribhwa obhokama, ghasi mbalitung'ana abhalabhu kya abhakama koesaa emwe hamwe ne itienyi. 13 Bhano naghambela namwe ne mbhala mohane shinguru shiabho omolabhu ola uwa itienyi. 14 Mbalakole lihe lyabho hamwe na omona uw ling'ondi. Ghasi omona wa ling'ondi nalebhakela kughila ono omonene uwa bhanene na omokama uwa bhakama -na kowe ntwabhelekeywe, tokakolwa abhakumubwa." 15 Omolabhu akantebya, "Amanshe ghano oloshe, haala yaikaye mosolale na abhanto, enkomo, ibyalo hamwe nebheghambo. 16 Shentela ikomi shela waloshe shiyo hamwe nitienyi mbalamoleghe omosolale ola. Nabho mbalakole abhabhayele, abhe nekenabhi mbalamole omobhele gwaye, ghasi mbalamsiki komoro. 17 Kughila Waryobha yatore monkolo yabho kughegha okori komaikereranio agha okohana itienyi shinguru ishiya okomobhaha mbhaka amang'ana agha Waryobha hano ghalihika. 18 Omkali ola waloshe numughi omonene ghola obhotanghati bwale ighole iyabhakama abha kialo.