¹ Kwiiki nkamaaha ikituubhaanya kyeende kighooro eneene iya okorooghoorya. Bhareengaho abhaaraabhu muhungate bhaare na amaateemo muhungate ghaano ghaare amaateemo ghu umuhiiko (Ko ghaayo enkooro ya Waryobha yaare ihiikire). ² Narooshe keera kiisyoori kobha inyaansha iya bilauri eno yishoghaniibhwa no omooro. Na ekaimeera mbareeka yi nyaansha haano bhaara bhabhaaye abha keeri ku-itienyi na ikituubhan-ya kyaaye na kighooro ye enaamba eno yamaanyeereeyi iriina ryaaye. Bhaareenga bhaghoteereeye ibhihuto bheeno bhahaaywe na Waryobha. ³ Bhaareeetyaanga omobharo ghwa Musa, omokoori we emeeremo uwa Waryobha, na omobharo ghwa omoona wa ring'oondi" "Emereemo ghyaano menene gheno gheekooroghoorya, Waryobha omoneene ono obhaahire bhyoonswe, omooheene na sensheera syaaho nsya bhoheene, omokaama wi-ibhyaaro. ⁴ Nawe ataataamwe kikoobhooha uwe omonene na ukuliikuumya iriina ryaaho? Kobhoora nuuwe umweene omoohooreeru ibhyaaro bhyoonse mbiriisha kokoseengera kuwe bhoroonge ki-bhoora muuya ore na ghano waakoora ghamanyeekana." ⁵ Kukurwa ko-amang'ana ghaayo namaheereye, na ahaase ahahooreru bhoong'u hano areenga na righutu ryu ubhwiimeereeri eno yiyeeghooreye kighooro. ⁶ Kukuurwa ahaase ahahooreeru bhokoong'u bhakaasha abhaaraabhu muhungate bhano bhaana amatemo muhungate, bhatoore im-yeenda imiiya gheeno ghekong'esang'esa na orokoobha urwa ezahabhu kwiinarya ibhikuubha bhyaabho. ⁷ Uwomwe mo bhahooru bhane akaruusya ko abharaabhu muhungate ibhiituubha muhungate ibhya ezahabhu ghano ghaishooye enkoro ya Waryobha ono aho amakoora na amakoora. ⁸ Ahase ahahooreeru bhokoong'u haishooye iryooki kuurwa ko obhohoreeru bhwa Waryoobha na kukuukurwa ko obhotooro bhwaaye. Taaho kura omweehe ono yaatoora kusooha ho amatemo muhungate agha abharaabhu muhungate ghahooye.