¹ Bhahiri bhane motakaikyerya ubhukumya bhomonene Yeesu Kiristo, omonene wobhonglore kokohansha nyebhorebhe. ² Omonto nyabhorebhe hano arasohe mwighara ibhohire ekeghera kyedhahabu, nasinghibho shinshiya, gwiki akasoha omotobhu na singhibho sinyanku. ³ Na mokorokya ukumwikerya bhokong'u ono ibhohire shinghibho shinshiya nokoghamba " Uwe ikara ahaiya hano gwiki mokatebya omotobhu" Uwe imera haara, na nyore notora wikare hata hanse ya amaghoro ghane. ⁴ Kubhuyo temokobhohana bhenyu abhene, nokobha abhendengo bhano bhana amaiteghero amaghogho? ⁵ Mwiteghere abhahiri bhane abhaghonshe, Waryobha tiya shaghoye abhatobhu bhikyaro kobha abhame bhubhukumya nokohanwa abhokama bhono yatebheri abhaghonshe. ⁶ Kokobha mwasera abhatobhu, kuigho taabhame bhakobhanyankya bhenyu, kubhuyo tebho bhakobhahira mokebhohe? ⁷ Kubhuyo tabhame bharatoka ling'ana iliya leno mwabherekereywe? ⁸ Hata igho nyora mwakora obhotoro bhobhokama kyabhono amang'ana ghandekirwe, norrahanshe murikaho kyabhono wiheshire umwenel kuigho morakore bhuya. ⁹ Nyora mohanshe abhanto bhande kokera abhande, morakora ekebhe na morabhohwe kbhono nabhasarya bhobhotooro more. ¹⁰ Kubhuya ono wonse akwikerya obhotooro bhonse, na gwiki akaitimba kokento ekemwe, noranyore asari obhotoro bhonsigho. ¹¹ Kobhono waryobha yaghambire atakatara nomokari wonde, newe gwiki yaghambire " Otakaiti" nyore tokotarahe nomokari wonde na oraita noranyore wasarya obhotooro bhwa Waryobha. ¹² Kuigho mushumashe nukwikerya kyabhano molenge hang'i kunyora obhohoru. ¹³ Kobhono ekebhoke nkushakere bila kwabhenoa, ukwabherwa nkwiyorokya kore kighoro- yekebhohe. ¹⁴ Bhono mbuyake bhahiri bhane, nyore omonto araghamba neena ubhukumya, na tana ghano akokora he kuigho ubhukumya bhuyo mbomotoorya? ¹⁵ Nyore numuhiiri wikishasha, labha uwekekari nkutunare singhebho labha isyakorya bhyakile siko. ¹⁶ Mlikyenyu akabhateebhya moghende kobhohoru koota omorro namole bhuya, kuigho mokatamwa kobhahana amatomerro ghomobhere, hayo mbuuya? ¹⁷ Kubhuyobhuyo ubhukumya ubhwene nyore bhotana obhokorri bhuyo mbukurre. ¹⁸ Gwiki omonto wonde yahokoghamba uwe woona ubhukumya na woni nena amakoryo, nyorokya ubhukumya bhwaho bhono bhotana amakorryo, naoni nendakoroki ubhukumya bhwane komakoryo ghane. ¹⁹ Ulikeryaigha yaho Waryobha omwe, mbuyaore, kokobha amasambwa nkwikerya ghare nukurighita. ²⁰ Kuigho oratuna komanya olemokangi kobhono ubhukumya bhuyo bhira amakorri tekentohe? ²¹ Kuigho tata weto Abraham yaabyarreywe ubhuya hano yarusirri omona waye Isaka kighoro yalisengero? ²² Moramahe ukukumya kwaye nkwakore emeremo na-amakoryo ghaye, komakoryo ghaye, ukukumya kwaye nkwahikire bhonoyatunanga. ²³ Amandeko ngabhaye ghanoghakoghamba, Abrahamu yikereyi Waryobha na akagheerwa kobha omokori wubhuya, kubhuyo Abrahamu yabherekeywe mosani wa Waryobha. ²⁴ Moramaha, kobha komakoryo omonto nkogheerwarre ubhuya na tikubhukumya ubhwene he! ²⁵ Kuigho Rahabu umwighorya tiyagherreywe ubhuya komakoryo ghaye hano yaturung'aina abhanto nokobhahira komohanda ghonde? ²⁶ Kobhono omobhere hanoghotana enkorro ngukure, kuigho igho ukukumya hano kotana amakoryo nkukure.