¹ Yakoobo omotomwa w Waryobha na omonene Yeesu Kiristo. Kobha kyaro ikomi na bhabhere ghano gha nyaraghaini, ndabakherya. ² Mobhare igha nu bhuyo bhokong'u mbhahiri bhane hano mohetere kunyanko haghalehaghale. ³ Momanyigha, hano motemirwe kobhohoru bhwenyu erabhana obhoghomerya. Mtigha obhomerrya omare emeremo gyaho igha motore kohera bhokong'u otekasha kusuhuwa kokento kyonswe. ⁶ Igha sabha kobhoru otakobhola kobhora ono akobhoha kya masarwa ghi nyansha koghegwa ghare na omokama nokorekerwa iyo na iyo. ⁷ Kobhohene omonto uyo atakaiteghera iigha arituraganwa okosabha kwaye kurwa komonene. ⁸ Omonto ono nkhabhere arre tarenge nkonshera yahenehe. ⁹ omonto omotaka aratakerwa aiheme kukumera kwaye ighoro. ¹⁰ Enkagha iyo muheri umwene kobhohene bhwaye kobhora anarishaka kyarinyanki rya mukyoro kya omoghondo reno akoheta. ¹¹ Iryobha reratora na ensaki naeromyia ibyakoria na manyanki gharagwa na ubhuya bhwako kukwa nigho igho abhanto abhame bhalaghote kumeremo ghyabho. ¹² Yaghorwa omonto uyo ono akumerya amatemo kokobha inkagha ya kere amatemo ghayo. ¹³ Alanyore engatha kobhara bhashire Waryobha, omwene takotema monto he. ¹⁴ Kera monto kutemwa are na amang'ana gaye umwene amaghogho ghano ghakomothebya nukumuruta ahare. ¹⁵ Neho yamarre kwighomba iya masarya okoghegha enda amasarya ghakaibhora nakurwa ko kusarya kokobha bhuyo bhuyo gharahwera kukwa. ¹⁶ Abhamwetho abha hanshi mothakanghainwa. ¹⁷ Nakeno mohaywe ikiiya nakeno mohaywe kenokebhaye kukurwa ighoro nkersike hanse kukurwa hare thatha uwo obhohoru. na gwiki thakwisyoryahe kikiriri kenokiswisyorya. ¹⁸ Waryoha yashaghoye kothohana bheto obhohoru ubhwa eng'ana iyo bhoheene, kore thomanye kobha kyu urwibhoro orothangati mobhento bheno bhabhombwa ibhyaye ¹⁹ Momanyire rene abhamwetho abhahanshe. Kila montho arathunwa abhe umwango uwa ukwighwa na atakabha umwango uwa ukushumansha na okorera. ²⁰ kokobha okekera ukwa omontho thekokore amaiya hee agha Waryobha. ²¹ Kuriyo mothore hare ubhghundo ubhwa amasarya no obhoghogho bhwonswe bhono bhorenge hanohonswe igho nubhwisoki mogege eng'ana renoremibhwa mweny, reno rena shinguru ishya okotorya omokama gwenyu. ²² Mughigwere eng'ana motha ighwa igho, morang'hainana abhene kobhene. ²³ kobhora ono wenswe aighure eng'ana na yangire koghekora emeremo nkya omontho ono akwimaha ubhusiyo bhwaye kemwekemwe kukimahero. ²⁴ Nwibharare ubhusyo bhwaye na ukuya gyaye na konkagha enke nkwebhare. ²⁵ Nomontho ora akwimaha ko bhono are umughiro ghono ghobhaye, umughilo ghona ghona umweya, nakoghenderya kwikerya kobhora we numwighuka ono akhwebha, ono nomontho ono arehabhwa hano areghekora. ²⁶ Hano onyore omontho ono wenswe araikeri umwene kobhaigha omontho uwa inyumba iya okosasamera, kase thakothora kona ghiya ororeme rwaye, nkong'ainare omoyo ghwaye ni inyumba iya kosasama yaye bhosa. ²⁷ Inyumba eno erenge inshiya iyo kosasamera naeno ethakosareka hare Waryobha wetho na thatha neno, okothorya abhakwerwa na abhasino kunyanko yabho nukwirenda abhene nubhughundo ubhwa ikyaro.