¹ Bhahiri bhane, tebhonswi he morator kobha abhegha momanyire toreghegha eke bhohe eke nene bhokoghhu. ² Kobghora tokosaraya koseshera sharu ono wonswe akwituratura amang'ana ghaye. Omonto omoheene koto rare konagha omobhere ghwaye. ³ Hano tokotoraa ghinsiri kofarasi kuminywa ghabho bharatwighwa kotoratore kusorya emebhere ghabho bhonswe. ⁴ Omanye igha emeli enene erahutwa no mokama omororo kondibhwere nna usukani obhoke hano honswe akutuna omoghenda ⁵ Igho igho oroleme ekento ekeke komobhere kena ubhwikumya amanene maha risinsi rinene rera ghotibhwa ne sanse yomoro. ⁶ Oroleme ronswe moro ni kyaro kyobhorogho bhwatorwa hamwe nebhento bhomobhere ghwento ghono ghwatorwa ubhumwamu omobhere ghonse ghoratorwa omoro eshera yobhoroghe ono akosabhwa omoro ghwa abhakure. ⁷ Ityenyi yonso ya mwinsisi, ikinyonyi, keno kikwaghura ekento kyakunyasha keremerwa no monto. ⁸ Ataho omonto omwe ono akotora konanghaa oroleme nobhoghogho bhhono bhotaimereye bhwishoye obhonsongo bhukwita. ⁹ Kyoroleme toramushengera omonene nna tata weto nna bhuyo toraihima abhanto bhano bha bhobhirwe kukutubhana nna Waryobha. ¹⁰ Kuminywa ghiyo ghiyo toraghabha amang'ana amaiya nna amihimo bhahiri bhane amang'ana ghano teghakutuna hee. ¹¹ Rilibha limwe relarusa amashe amaiya na amaroro. ¹² Bhahiri bhane omonto umutini tighwe bhore seha gho nsa mzeituni kose Mzabibu ghorebhora sehagho nsa mtini? Ekensekani kena amashe ghomonyo tikirusi amashe ghano gha tana omonyo? ¹³ Nawe mobhenyu ono ana obhoomanyi omonto uyo yoroki obhohene bhwaye komeremo ghyaye obhohabhu bhunu wele omotere. ¹⁴ Nyore mona rihari riroro abhene mosekoro senyu temokaihema hee. moraghabha obhorongo nna mokoro yenyu morakana obhoheene ¹⁵ Bhwinsoki bhono tubhwa ighoro hee. bhono bhwikyaro tobho koro hee nubhwarisambwa. ¹⁶ Kobhora hano hana rihali ukwilotela koho ibhurungo nna amang'ana amaghogho. ¹⁷ Ubhwinsoki bhono bhukuho ighoro obhorabhu bhohashire nobhohashe bhwishoye ukwabherana nna sehagho sinshiya tokakumiya bhanto bhande hee bhaiya. ¹⁸ Ehagho inshiya kwenwi bhwere komorebhe ghwamang'ana amaiya.