¹ Kose Sauli, akagheendeerya kughamba arobhoeerya uruku ko abhieghya abha omonene, akaya ku umusubhi omonene. ² Akamosabha ritashandighi kukughira amaseengeero agha damesiki igha hano akamunyoora omoonto ono areenge konshera eera, abhe mushasha kose omokari abhaibhe abharete Yerusalemu ³ Hano yarenge koroghendo, ekabhaigha hano yahikire haang'i Damesiki, obhorabhu kukuurwa ighoro bhoka morasa hoonse hoonse. ⁴ Wonse akaghwa haanse akaighwa engamba eramoteebhya, " Sauli, Sauli ndaara ora nyaanya ooni? ⁵ Sauli akahonshora, U nani we omonene? Omonene akaghamba, " Oni naioni Yeesu onoukunyaankya; ⁶ Kasi bhooka, osohe mjini, noratebhibhwi ghano ukutunwa oghakore. ⁷ Abhanto bhaara bhaghendanga hamwe na Sauli bhakameesha bhukiiri, bharighwa engamba bhatakomaha omonto. ⁸ Sauli akabhoka kuurwa haanse, hano yamisokeeri amaiso ghaaye, tiyatoore komaha ekeentohe, bhakamoghoteera okobhooko bhakamoreeta bhakamuhikya Damesiki. ⁹ Ku-sinsiko isato takomahahe takooryahe, takunywa amashe he. ¹⁰ Yaareno umweeghya Damesiki iriina na ryaaye Anania, Omonene akashumasha nawe mokerooto, " Anania" Akaghamba, " Maaha, Omonene hano nde. ¹¹ "Omonene akamoteebya, "Booka ogheende ahase hano hakobherekerwa igha nyoofu, mumuughi ghwa Yuuda obhabhoori omonto oono yaarweera Taaso arabhereekeerwa igha Sauli; nhwa akere arasabha; ¹² Na yamorooshe mokerooto omoonto ono akobherekeerwa igha Anania arasooha komotoora amabhooko iighooro igha amaahe. ¹³ Kase Anania akahoonshora, " Omonene niighuure amang'ana agha omonto uyo kukurwa ko abhanto abhaaru, bhoono yakoora bhghogho abhahoreeru abha Yereusalemu iyo. ¹⁴ Hano aana obhotooro kuukurwa umusubhi omonene koghoota oono wonse akwibherekeera iriina ryaaho. ¹⁵ Kose omonene akamoteebhya, " Gheenda, kobhora we nkeento kishaghoywe kuwoni, aregheghe iriina ryaane bhoroonge mubhyaaro no abhakama bha abhaana bha Israeli. ¹⁶ Nendabhooroki bhono ghareenge amaaru ghano gharegheera anyankiibhwi ku-ukughira iriina ryaane. ¹⁷ Anania akaghenda akasoha muunyumba muyo, akamotoora amabhoko akaghamba, " Muhiiri Sauli Omonene Yeesu, ono yakohoomeeye koonshera hano waashanga aantomiire igha omaahe ghwiiki na wishooribhwi enkoro ehooreru. ¹⁸ Bhekaghwa ebheento kuurwa ko amaiso kya amakanda, akamaaha akaimeera, akabhatisiibhwa, akarya ibhyakoorya akanyoora ghinguru. ¹⁹ Akaikara hamwe na abheeghya Damesiki iyo sinsiko nshaaru. ²⁰ Enkagha iyoiyo akamoraghania Yeesu momaseengeero araghamba igha Yeesu no omona uwa Waryobha. ²¹ Bhano bhonse bhaighuure bhakaro oghoora bhakaghamb, " Omonto ono teewe yabhasaari bhaara bhoonswe bhibherekeeraanga iriina reno Yerusalemu iyo? Na hano yaishiire igha abhasibhe abhahire ko abhasubhi." ²² Kose Sauli yatooribwi koraghania na akabhakora abhayahuudi bhanobhamenyire Damesiki bhaabhe na ekeehwe na okorookya igha ono we Kiristo. ²³ Sinsiko nshaaru sekaheeta, abhayahuudi bhakakora hamwe ikiina igha bhamwiite. ²⁴ Kose Sauli akamanya iniko yaabho. Bhakamwitaghania mokeseeku omobhaso na ubhutiiko bhamuunyoore bhamwite. ²⁵ Kose abhaeghya bhaaye bhakamogheegha ubhutiko bhakamwituumirya kuundighi, bhakamwikiirya haanse mwitoonga. ²⁶ Na sauli hano yahiikire Yerusalemu akashasha kwihombania na abheeghya kose bharenga bharamoobhona, bhatakukumia igha wonse mweighya. ²⁷ Kasi Barinaba akamoghegha na komohira ko bhatomwa, akabhatebya igho Sauli amloshe omonene na igho amotebiri, na Sauli aghambire ko bhokong'u irina rya Yeesu Dameski kuyo. ²⁸ Yahomeeraini nabho hano bhasohiire kukuurwa Yerusalemu. Akaghamba ko-obhokare ku-iriina irya omonene Yeesu. ²⁹ Akahonshoraana na abhayahuudi abha ikiyuunaani kose bhakashasha hake hake kumwiita. ³⁰ Hano abhahiiri bhamanyiire eng'ana iiyo bhakamogheegha kuhika Kaisaria, bhamuhiire gheende Tariso. ³¹ Riseengeero ryoonse Uyahudi, Galilaya na Samaria obhohooru bhokabhayo, na rekahaghaashwa, na okogheenda ko orobhoha Omonene na enoonkwe iya enkoro ehooreeru, riseengeero rekahera, ku ukwaruuha. ³² Ekamara ekabha igha Petero hano yainaara naaranga mbaara syoonse isya orong'ong'o, akabhahe keera abhaikeerya bhanobhamenyiire umughi ghwa Rida. ³³ Akamaahayo omoonto oomwe arabherekeerwa Aineeya. Omoonto uuyo yaabha koobhoore imioka monaare, Wanyoora yameesha. ³⁴ Petero akamoteebya, " Aineeya, Yeesu Kiristo akuhweeni; bhooka wiyaari obhoore bhwaaho" kamweigho akabhooka. ³⁵ Na abhaanto bhoonse bhano bhamenyiire Rida na Sharoni hano bhamahiire omonte uyo, bhakamwisyoorya. ³⁶ Yaareho umweighya yaafa, arabherekeerwa Tabhita, reno ryasyooriibhwi kobha, " Dorikasi" omokari ono yaishooye emeremo imiya na amakorwa gha amabhe ghano ya koore ko abhatoobhu. ³⁷ Yabhaaye ku sinsiko siyo akaroora akakwa,hano bhamoogheri, bhakamuriinia ikinyuunba kya ighooro bhakamoraariya ³⁸ Koo-bhoora Rida nhareenga haang'i na yaafa, na abheeghya bhaighuure igha Petero nhwaare, bhakabhatooma abhaanto bhabheere koowe bhakamuukumiirya, " Nshoo ko bheento otakashereerwa" ³⁹ Petero akabhooka akatanoora haamwe nabho. Hano yahikiire, bhakamuhira mukinyuumba kya ighooro. Na abhasino bhoonse bhakaemeera haang'i nawe bharakuura, bharamoorokya ghekooti na ghingibho gheeno Dorikasi yabhato mweeye hano yaarenga hamwe nabho ⁴⁰ Petero akabharuusya bhoonse igho keebhaara muukinyuumba, akahighama ibhiiro akasabha, akamara akaghwiisyoorya omobheere akaghamba, " Tabhitha, bhooka" akamiisookya amaiso ghaaye na hano yamaahiire ⁴¹ Petero akaikara haanse. Petero akamara akamohana okobhooko kwaaye akamwimookya, na hano yabhabhereekeeye abhaikeerya na abhasino, akamobhahaana areenge mohooru. ⁴² Ring'ana reno rekamaanywa Yaafa yoonse, na abhanto abhaaru bhakamukuumia Omonene. ⁴³ Nho yarwereeye Petero akaikara ghinsiko nshaaru Yaafa hamwe na omonto ono akobherekeerwa Simoni, omokori uwa amaseero.