¹ Yareho omonto oonde kumughi ughwa Kaisaria, irina iryaye terabhe hekerwa Kornelio, yare omonene uwairighanda irya Kiitalia. ² Yare amanyire Waryobha na yare kosasama Waryobha na umughi ughwaye ghonswe,yarusiri ishimbirya ishiaru kobhayahudi na yare kosasama ko Waryobha ishinsiko shonswe. ³ Konkhagha isa kenda yomobhaso akamaha obhomahi. Omontho omorabhu uwa Waryobha arasha hariwe omonto omorabhu akhamothebhia "Kornelio" ⁴ Kornelio akamahera omonto omorabhu na yare na inyanthariki enene bhokong'u akaghamba, " Omonene keno kyonkee? " Omontho omorabhu akhamothebhia, " Amasabhi aghahona imithuho ighiaho ko abhathaka sirini na ighoro kya abhohethokya ubhwa Waryobha" ⁵ Bhono thoma abhanto kuyakumughi ughwa Yafa kosora omontho ono akobherekerwa Simoni ono onawe akobherekerwa Petero. ⁶ Araikhara na omokori uwa amasero ono akobherekerwa Simoni ono inyumba iyaye erenge mbareka iya inyansha." ⁷ Hano omontho omorabhu ono yare kushumasha nawe kurishoka, Kornelio akabhabherekera obhakori abha emeremo abhawaye bhabhere, na omosirikare ono yare kosasama Waryobha ko abha serekare bhano bhare Komokora emeremo. ⁸ Kornelio yabhathebhiri ghano ghonswe ghahoye na akabhathoma Yafa. ⁹ Urusiko rono lwoseye enkagha iya kasansabha bharenge munshera bhahangi kuhika kumughi, dhethero akharina ighoro koekesonso kosasama. ¹⁰ Nahonswe akabha nainshara akhathuna ekentho ibhyakorya, okobha enkhagha eno abhanto bhakotheka ibhyakorya akaono kibhwa amamahi. ¹¹ Akamaha iryobha riighokire na ekentho kheraikha na ekhanto ikyande kya ingibho enene kheraikha kusha kwitobha ko shembareka ishiako shonswe inye. ¹² Monse mwako yaremo kera thienyi eno ena amaghoro anne na sheno shikwaghura ighoro iya tirobha na ibhinyonyi ibhya kuryobha. ¹³ Gwiki ghambo ghokhaghamba kowe, " imokha, Petero ghogha na orye." ¹⁴ Okobha Petero akhaghamba, " Tighohe, Omonene kobhora thenakereye ekento kyokyonswe ekhebhe na ikinyanku. ¹⁵ Okobha omoghambo ghokasha kowe ghwiki kurya khabhere, " Keno keng'orwe na Waryobha othakhakebherekera ikhebhe hatha ikinyankhu. ¹⁶ Reno ryaikore khathatho, na ekhentho khera khekha ghegwa ghwiki Kuryobha. ¹⁷ Na enkhagha eno Petero yare koamaitheghero agha ukwisyorya kukughirya amaorokyo ghayo kobhono ghare maha abhanto bhano bhare bhathomirwe na Kornelio bhaimereye ukukihitha bhara bhorya inshera iya ukuya kunyumba. ¹⁸ Na bhakhabherekera na bhakha bhorya nyora Simoni ono onswe yabherekeywe Petero nyora yare kwikhara hara. ¹⁹ Enkhagha iyo Petero yare kuitheghera ighoro iya amaorokeryo ghayo, enkoro ekhaghamba nawe, " Maha abhagheni bhara kuthuna. ²⁰ Imokha na wikha hanse na uyi nabho. Othakobhoha kuya nabho kobhora nembathomire. ²¹ Petero akhaikha hanse kobho na akhaghamba, " Oni newe ora mughuthuna. Nkwanke mushire?" ²³ Bhakaghamba, " Akida omwe ono akobherekerwa Kornelio, omontho urwa obhohene na ono ahanshire kosasama Waryobha na abhanto bhara moghamba bhuya koikyaro ikyonswe ikya abhayahudi, athebhibhwi na abhantho abharabhu abha Waryobha kokothoma kori kuya kunyumba iyaye, kori aighwe eng'ana kukurwa kuumwe. ²² Petero akabhasohia munyumba na akhaikara nabho hamwe inkyo hano ya kikire akhaimokha akaya hamwe nabho, na bhairi bhaye abhake kukurwa Yafa bhakaya hamwe nawe. ²⁴ Urusiko rono loseye bhakasha Kaisaria. Na Kornelio yare kobhaghanya; nayare abherekeye bhasani bhaye na bhahiri bhaye abhahang'i ²⁵ Enkagha eno Petero yarekosoha munyumba, Kornelio akhamuthurugha gana na ukwihinya komaghoro aghaye kookomosokha. ²⁶ Okobha Petero akhamwimokya akhamothebia, "Oni onswe no omontho ndenge" ²⁷ Hano Petero yare kushumasha nawe yagheye nyumba akhanyora abhanto bhaikomire hamwe. ²⁸ Akabhathebhia, " bhenyu abhene momanyire igha okothorania hatha orothaorwa na omontho ono atharenge uwa ikyaro keno. Okobha Waryobha anyorokeri igha theikunwa mberekere omontho ore onswe igha no omoghogho hatha umunyanku. ²⁹ Nakyo kighire nishire nthona enkhani hano nthomirwe kuliyo. Kubhuyo mbabhori nkwake mwathomirwe kuwooni" ³⁰ Kornelio akhaghamba, " ishinsiko inye shene shyahethire, enkagha kya eno nare kosabha enkhagha iya muhungathe omobhaso munyumba iyane. Nkamaha mbere yane omonto imereye ana ishingibho ishendabhu. ³¹ Akabhathebhia, " Kornelio amarabhi aghaho ghaighurwe na Waryobha, na imithuho ighiho kobhathobhu bhebhaye ekehethokyo mbere ya Waryobha. ³² Kubhuyo thoma omontho Yafa na amobherekere omonto omonene ono akobherekerwa Simoni asha waho, ono onswe akobherekerwa Petero. Ono amenyire ko omokori uwa amasero omwe ono akobheekerwa Simoni ono inyumba iyaye erenge mbareka iya inyansha. ³³ Angarera: orongaara rono nawe hano arasha naraghambe nabhenyu," Theghorenga komang'oro agha kare. ³⁴ Neho Petero yananoye umunywa ughwaye na akhaghamba, " Obhohene kumiri ighaa Waryobha thaghothora kobha na obhonshi ubhwa orobhara oromwe he. ³⁵ Okobha kera kyaro omonto ore onswe akomosasama na okokora amakoro agha obhohene arekeribhwa kowe. ³⁶ Omanyire eng'ana ino warusiri ko abha Israeli, hano yare koghamba eng'ana inshiya iya ubhukumia kohethera Yeesu Kiristo ono arenge omonene uwa bhonswe. ³⁷ Bhenyu abhene momanyire eng'ana eno yaikhore Yudea yonswe na rya waseye Galilaya, okomara ukwa obho bathiswa bhono Yohana yathangasire. ³⁸ Eng'ana eno yare ko Yeesu Kiristo kobhono Waryobha yamohakire amaghutha ko enkoro ehoreru na ku shinguru. Yagheye ana hueni bhonswe bhano bhathesirwe na irisambwa kokora amaiya. Kobhora Waryobha yare hamwe nawe. ³⁹ Bhetho na abhashuthi abha enghana ghonswe ghano yakore kukyaro ikya abhayahudi na Yerusalemu - ono Yeesu ono bhaithire na bhakha muthundia koomothe. ⁴⁰ Omontho uyo Waryobha yamuryokiri urusiko urwa kathatho na komohana okomanyekhana. ⁴¹ The kobhonswe, okobha nkobhara bha mahareye na bhano bhashaghoywe na Waryobha. thebetho abhene he bhano thwareye nawe na kunywa nawe hano yaryokire kurwa kobhaku. ⁴² Athothomire okoghamba kobhantho na okoghamba kobhantho igha ono newe Waryobha ya shaghoye kobha omobhothori uwa abhahoru na abhaku. ⁴³ Kowe abharothi bhonswe bhaghmbe. Kori ighaa ore onswe ono akukumia kowe naranyore amabhe agha obhosarya kohethera kurina iryaye. ⁴⁴ Enkagha eno Petero yare koghenderya koghamba ghayo. Enkoro ehoreru ekha bhaishora bhano bhonswe bhare kuitheghera eng'ana iyaye. ⁴⁵ Abhantho bhara bhano bharikomo irya abhakumia bha bhano bhafwa- bhara bhonswe bhashire na bharoghore. Kukughirya ukwa obhonga'aini bhwa enkoro ehoreru eno ya homirewe honswe kuibhyaro. ⁴⁶ Kobhora bhaighure bhara abhaibhyaro bhara shumasha na ebheghambo ibhende na bharasasama Waryobha. Petero akhabhahonshora, ⁴⁷ "Aho omonto ore onswe ono akothora kokhania amanshe kori abhanto bhanko bhatiswa, abhanto bhano bhanyore enkoro ehoreru kya bhetho? ⁴⁸ Neho ya ghambire bhabhatiswe kurina irya Yeesu Kiristo. bhamare bhakha mosabha ikyare nabho ko inshinsiko nyabhorebhe.