¹ Abhathomwa na abhahiri bhara thano thare Yudea iyo bhaighwe igha abhaikyaro bhaithabherei na eng'ana iya Waryobha. ² Petero hano yashire Yerusalemu iyo. abhantho bhara bhasarwa bhakhawanza komoghamba. ³ Oghothaini na abhantho bhano bhatarasarwa na okorya nabho. ⁴ Okobha Petero yawansire koghamba eng'ana bhuya bhono ekabha akhaghamba. " ⁵ Nare kosasama kumughi ughwa Yafa na nkhamaha abhomahi ubhwa ingibho enene eraikha hanse kukurwa kuryobha na eshmbarekha inge kekaikha kumuoni. ⁶ Naghemahereye na ukwitheghere kokyo. Nkamaha isithienyi seno sena amaghoro anne sheno semanyire kuirobha iryomo, naisithinyi seno shemenyire mwisisi nashera shekogha shiknuaghusa na ibhinyonyi bhya kuiryobha. ⁷ Nkamara nkaighwa omoghambi ghoroghamba naoni, " imoko, Petero, ekogha na urye!" ⁸ Nkaghamba, " Thighohe, omonene, mumunywa ughwane thya the kya kosohire enkento ekeghoghohe ahatha inkinyankhu. ⁹ Okobha omoghambo ghokanhonshara ghwiki ghukurwa kuryobha kera waryobha aghambire igha ne ekerabhu wankoghamba igha ne ekheghogho. ¹⁰ Eno yabhaye hare kathatha. na enkentho kera kekhaghaghwa kuryobha ghwiki. ¹¹ Maha enkagha iyo abhantho bhathatho bhaimereye ko ekhesaku ikya inyumba era naremo, bhathomirwe kurwa kaisaria kusha kuuoni. ¹² Enkoro enkhanthebhia kuya nabho , na nthankaga kuthubhana nabho, abhashasha bhasansabha bhano bhakaya hamwe na oni na thwagheye kunyumba iya omontho omwe. ¹³ Yathothebhiri bhora aroshe omonto omorabhu imereye munyumba iyaye araghamba ighaa, " Nthoma Yafa nsore Simoni ono irina iryaye iryende Petero. ¹⁴ Naraghambe eng'ana kuuwe na kong'hana iyo norathoryibhwi na inyumba iyaho yonswe. ¹⁵ Hano na wansire koghamba nabho enkoro ehoreru ekhaika kobha ekhaghamba nabho kyabhora yaghambire naoni ekhemere. ¹⁶ Ndahethokha amang'ana agha omonene bhono yaghambire, Yohana yabhatisiri na amashe, okobha morabhatishwe na enkoro ehoreru." ¹⁷ Okobha hano Waryobha arusiri imithuho kyagheno yathohaye bhetho hano thwakumiri ko Yeesu Kiristo, oni nawe igha ndathora kwanga Waryobha? ¹⁸ Hano bhaighure amang'ana ghano, thabha honshoye kenthohe, okobha bhakumili Waryobha na bhakaghamba, " Waryobha arusiri obhothorya ko abha ibhyaro bhonswe." ¹⁹ Bhoyo bhakumya bhano enyanko ya wanseye kuuruku urwa Stephano bha thiambire kukurwa Yerusalemu abhakumya bhano bhageye hare, kuhikha Foinike, Kipro na Antiokia. Bhamothebiri eng'ana kughirya riyo Yeesu umwene ko abhayahudi the ondahe hatha oreonswe. ²⁰ Okobha abhamwe kobho na abhanto kurwa Kipro na Krene, bhashire Antiokia nakoghamba na abhayunani na okoghamba eng'ana iya Yeesu. ²¹ Na okobhoko ukwa omonene kware hamwe na bho, na abhantho abharu bhakumirya na ukwithabheria Omonene . ²² Eng'ana iyabho ikya bhalikera ko amathwe agha irisengero irya abha Yerusalemu: na bhakathoma Barnaba ayi Antiokia . ²³ Hano yashire na komaha obhong'aini ubhwa Waryobha yashomeye, na akhabhahana enkoro bhonse bhagenderi kothama na omonene koimyoyo ighiabho. ²⁴ Kobhora yare omonto umuya na yahuthirwe na enkoro ehoreru na ubhukumia ubhwa abhanto abharu bhokha iyengeria ko Waryobha. ²⁵ Barnaba yamare akhaya Tarso komaha Sauli. ²⁶ Hano yamonyore akhamerentha Antiokia. Ikabha ko omoka umughima bhakaikoma hamwe na irisengero na kweghia abhanto abharu. na obhagha bhakabherekerwa abhakiristo ekembere Antiokia iyo. ²⁷ Na kushinsiko siyo abharothi bhakhaika kukurwa Yerusalemu kuhika Antiokia. ²⁸ Omwe ubho na Agabo ndyo irina iryaye, Akhaimera na korokeria igha ishara enene erasha koghotha ikyaro kyonswe. Reno lyabhaye kusinsiko isya Klaudio. ²⁹ Kobhuyo, abhaigha, kera motho bhano yanyore bhaithebheri kuira obhothoria ko abhahiri bhano bharenge bho Yahudi. ³⁰ Bhakore igha, Bhathore ishimbiria kokobhoko ukwa Barnaba na Sauli.