¹ Enkagha iyo omothangathi Herode akhainyokya okobhoko ukwaye ko abhamwe bhano bhakuthurwa kuli komo korya ko bhanyankya. ² Akhaitha Yakobo muhiti uwa Yohana na epango. ³ Hano yamare komaha igha erarabha bhuya ko abhayahudi, akhaghotha na Petero Ghwiki. Hano yare koenkhagha iya emeghathegeno ghe thakothondora. ⁴ Hano ya moghothire akhamothora moke bhore akhathora aghanda anne agha abha serekare abha okomoranda. Yare kuthuna amuhire kobhanto hano epasaka erahwe. ⁵ Petero akathorwa mokebhohe okobha amasabhi gha koghenderia kowe na rikomo rekaghenderia kosasama ko Waryobha. ⁶ Urusiko Herode atharaya kumurusia, ubhutiko bhuyo Petero yaraye ghathe iya abhaserekale bhabhere na abharendi bhare mbere iya ekhebhahe bhararenda. ⁷ Maha, abhanto abharabhu abha Waryobha bhakamoghera na ethara ekha mokera. Akhathema Petero korobharu na akamothebhia, " imokha" bhongo neho iminyororo gheno ghware ghe mobhohire ghekha thanshoka kukurwa komabhoko ghaye. ⁸ Omontho omorabhu akamothebhya, " Fara inshingibho ishiho na ufare ebheratho ibhyabho" akhakora igho. Omonto omorabhu," Fara amafaro aghaho undwe nyuma. ⁹ Igho Petero akhamurwa nyuma omonto omorabhu na akhamurwa nyuma akaishoka kebhara. Theyakumiryi na keno kyakorwe na omontho omorabhu. Keno yamokoreye nyora ne ikya obhohene. Yakanyire ara maha ekerotho. ¹⁰ Hano yahathire obhorendi ubhwa mbere na ubhwa kabhere. bhakahika koekhesaku ikya ikyoma keno keghosoha kumughi, kekaighoka ikyene kobho. bhakaishoka kebhara bhakaya ko kishishi. Omontho omorabhu akhamuthigha. ¹¹ Petero hano imanyile, akaghamba, " Bhono nkumiri igha Waryobha yare athomire omontho omorabhu uwaye kori andusi komabhoko agha Herode, na koobhomanyi abha agha abha Yahudi bhonswe" ¹² Hano yamare komanya ghano, aghasha kunyumba iya mariamu nyakwabho Yohana ono arenge Marko, abha Kiristo abharu bhaikomire bharasabha. ¹³ Ano yahikire kokesaku ikya obhorendi, omokori uwa emeremo omwe omohara ono akobherekerwa Roda aghasha kuighora. ¹⁴ Hano yamanyire igha no omoghamo ughwa Petero ghware kookoshomerwa akhakerwa kwighora ekesaku, akakenya kuya mkinyumba na kobhathebhia ighaa Petero imereye kokesaku. ¹⁵ Koriyo, bhakaghamba, " Uwe nu umushuru ore" okobhaakhaghenderia koghamba ighaa nobhohene newe. Bhakaghamba " Uyo nomonto omorabhu uwaye" ¹⁶ Okobha Petero yaghenderei ku bherekera, na hano bhaighoye bharoghore bhokong'u. Petero akabha kiryaro okobhoko ng'ora na akabhathebhia bhore Waryobha umurusiri mo ekhebhohe, akaghamba, " ¹⁷ Mothebhi Yakobo nabhahiri bhaye amang'ana ghano" Akamara akaishoka kuya ahase ahande. ¹⁸ Hano bhwabhaye omobhaso mokabha na amashishi amanene ko abhaserekalel, kokughiria keno ke bhaya hare Petero. ¹⁹ Hano Herode yamare kumuthuna na akabhora akabhoria abharendi na akaghamba bhaithwe. Akarwa bhoyahudi akaya kuhika kaisaria na kwikara iyo. ²⁰ Herode yare na obhororo na abhantho abha Tiro na Sidoni. Bhakaya hamwe kowe. Bhakabha na obhosani na Blasto omothoria uwa omokhama. Kori abhathori komara bhakasabha ubhukumia, kobhora ikyaro iyabho kyanyore ibhiakorya kukurwa kokebhara ikya abhakama. ²¹ Urusiko rono rware kuthunwa Herode yafare iriswaro irya obhokama na ukwikhara kukithumbe ikyaye obhokhama, na akabhaghambera. ²² Abhanto bhakathema ikithuri, " Ghono no omoghambo ughwa Waryobha tho omoghambo ughwa abhantho he" ²³ Akhathokera omontho omorabhu aramtema, kukughiria theyahaye Waryobha obhonene he akarebhwa na risambwa akhakwa. ²⁴ Okobha eng'ana iyo Waryobha ekhakina na ikathiamba. ²⁵ Hano Barnaba na Sauli bhamara komara emeremo ighwabho bhakarwa hara nakuya Yerusalemu dhaka ghegha Yohana ono irina iryaye irya urywibhoro lyare Mariko.