¹ Bhono kulikanisa ilya Antokia bhahayo abharoti na abheigya. Bhare Barnaba, Simeoni (ono yabherekeywe Nigeri). Lukio uwa Kirene, Manaeni (Umuhiri kasi sio amanyinga uwa herode omotangati uwa ikyaro), na gwiki Sauli. ² Hano bhare kasengera omonene no kwanga kolya, enkoro ehoreru akaghamba, "bhatore mbareka Barinaba na Sauli, bhakore emeremo ghera mbabherekeye." ³ Koheta Likanisa kwanga kolya no okosabha no kobhatorera amabhoko kegoro yabho abhanto bhano bhakabhatigha bhagheende. ⁴ Igho Barnaba na onde Sauli bhakaisoke enkoro ehoreru, bhakateremoka kuya Seleukia, kurwa hiyo bhakaheta monyansha kuya mulighinga ilya Kipro. ⁵ Hano bhasohire ku mughi ughwa Salami bhakaghamba eng'ana eya Waryobha mo inyumba ya isaryo ya abhayahudi. Gwiki bhare hamwe na Yohana Mariko kya Omotari wabho. ⁶ Hano bhageye kulighinga lyonse bhakahika Pafo bhakanyora omonto wonde umuturutumbi omoyahudi omoroti wo bhorongo yalenga arabherekerya Bar Yesu. ⁷ Umuturutumbi huyo yale hamwe no omonene onde Serigio Paulus, ono yalenga na ghehakili, omonto huyo akabharareka barinabha na Sauli yale kutuna kuitegera ling'ana ilya Waryobha. ⁸ Gwiki Elima umuturutumbi bhono yamanyekaini akabhahitaniya akatemiya kumuisorya umuliwali ola atighe ubhukumiya. ⁹ Kasi Sauli ono yabherekeye Paulo aishoye enkro ehoreru akamomahera obhokong'u. ¹⁰ Akaghamba " uwe no omona uwa risambwa, hwishoye obhorongo no obhotamwa nuwe omoghogho uwa kila ubhuya . Tughutigha kughisorya nshenshera ishiya ghebhoronge ighya omonene no ratoore ^{11 12} Maha okobhoko ukwa Omonene kolenge ighoro yaho wakabhe umuhukuru. Wakange kumaha ilyobha ko enkagha mara kamwe ikintu na ubhutiko bhokaghora kegoro iya Elimas; akawanza kuinara hara arasabha abhanto bhamotangate kokomoghota okobhoko. Enkagha eno umuliwali yaroshe keno kyabhaye akaikerya ko komaha akaroghora ko amaragheryo agha omonene. ¹³ Bhono Paulo na abhasani bhaye bhakatanora hohetela momanshe kulwa Pafo bhakahika Perge moikyaro ikya Pamfilia. Kasi Yohana akabhatigha akakyora Yerusalemu. ¹⁴ Paulo na abhasani bhaye bhakaya. Perge bhakahika Antiokia ya Pisidia. Hiyo bhakaya muinyumba ya isango ya abhayahudi ulusiko ulya Sabato bhakaikara hanse. ¹⁵ Hano yahetire kosoma amakanisa na abharoti abhatangati abha lisinaghoghi bhakabhatomera eng'ana bhakabhatebhya abhahiri kama mona lingg'ana ilya koemokya ghenkoro moghambe hano. ¹⁶ Ko ing'ana hiyo Paulo akaimera akainyokya okobhoko akaghamba abhashasha bhonse abhaisiraeli na bhenyu muikuikerya Waryobha mwitegere. ¹⁷ Waryobha wa abhanto abhaisiraeli yashaghoye abhatata bheto na kobhakora bhaishore kuikyaruikya Misri, kohetela okobhoko kwaye akabhatangata kulwa kebara yaye. ¹⁸ Ko miyoko merongo na ene akabhaghomerya mo kebara. ¹⁹ Hano yamare monsansabha kuikyaro ikya Kanaani yabhahaye abhanto bhento ikyaro kyiyo. ²⁰ Amang'ana ghayo ghonswe ghakorekanini emioka amang'hana anne ne merongo metano. hano bhyahetile ebhento bhyonswe bhihyo Waryobha akabhahana Samweli omoroti. ²¹ Hano ghahetile ghayo gwiki abhanto bhakasabha omokama, higho Waryobha akabhahana Sauli Omona wa kishi omonto wa lighamba ilya Benjamini kobha omokama ko mioka merongo enne. ²² Gwiki Waryobha akamurusya ko obhokama, akamotorako Daudi abhe omokama wabho. Leno lyabhaye ko Daudi hano Waryobha yaghambire nyoore Daudi omona wa Yeese ono akoshomiya enkoro yane ono yakakole bhono bhonse hanshire. ²³ Kulwa moroebhoro ko monto ono Waryobha atohaye omotoli Yeesu kya bhono yaghambire arakora . ²⁴ Leno latangatile kusha mbele ya Yeesu Yohana akatangata kotema ikituli mobhobhatizo ubhwa kukyora abhanto bhonse abhaisiraeli. ²⁵ Hano Yohana yalenga akamara emeremo ighyaye akabhabhoria yake mukuitegera oni nawe, oni tewe oraa. Gwiki muiteghere ono yakusha nyuma yane ntakotora koghota ebherato bhaaye. ²⁶ Abhahiri, abhana bho bhokoo ubhwa Abhrahamu na bhale mokosengera Waryobha. Koobheto igha amang'ana agha obhotoli ghatomirwe weto. ²⁷ Ko bhara bhamenyire Yerusalemu nabhakama bhabho tebhamomanyire ko mahene gwiki tebbhamanyire eng'amba ya abharooti eno ekosomwa kila esabhato; kuliyo bhakamarerya amang'ana agha abharoti kuhokomera Yeesu uruku. ²⁸ Kasi tebhanyoore eng'ana inshiya iya kumuita, kasi bhakamosabha Pilato amuite. ²⁹ Hano bamare amang'ana ghonse muika kulwa ko mote na komolarya mo embehera. ³⁰ Kasi Waryobha akamuryokya kulwa muruku. ³¹ Akamahekana ku sinsiko sinsharu ko bhano yaghendaini nabho kulwa Garilaya kuya Yerusalemu abhanto bhano ko bhono bhabhaye abhaorokerya abha abhanto. ³² Kya higho tokobharetera eng'ana inshiya ko bhora abhaghuka bheto bhahaye. ³³ Waryobha akaghanyerya kusinsiko seno ko bhana abhabho kuliyo akamrokya Yeesu na kumukyorerya gwiki obhohoru. Leno gwiki lyandekirwe mo Ezaburi yakabhere igha nuwe omona wanne, lelo mbaaye tata waho. ³⁴ Gwiki yabhaye mahene igha akamurykya kulwa mu ruku igha omobhere gwaye gwange akosareka, akaghamba igha: ndakohane obhohoreru nu ubhunibhi ubhwa Daudi. ³⁵ Eno yakore akaghamba gwiki mo Ezaburi yende takuikerya omohoreru waho kunyora ubhughundo. ³⁶ Enkagha eno Daudi yakore ghano Waryobha ahanshire mu rikora ilyaye akalala gwiki akalalibhwa hamwe na abhasuwabho akamaha ubhughundo. ³⁷ Kasi ono Waryobha yamoryokeri tata mahire ubhughundo. ³⁸ Igho momanye wenyu, abhahiri, kuholeta omonto huyo amabhera agha obhoghogho ghaghambirwe. ³⁹ Kohetela kohwe kila ono akuikerya arahanuwa aghaye eno amakaniyo agha Musa teghakomohana aghaye. ⁴⁰ Mobhe abhang'aini eng'ana eno yashumashirwe na abharoti yange kobha wenyu. ⁴¹ Momahe, bhano mokosera, moroghore na musike ko bhola; ndakora emeremo ko sinsiko syenyu, eno mwangire kuikerya hata ano omonto yakabhatebhwi ⁴² Enkagha eno Paulo na Barnaba batanoye abhanto bhakabhasabha bhashumashe aamang'ana ghayo ulusiko ulwa esabhato eno ikusha. ⁴³ Enkagha eno likomo ilya sinagogi lyahoye, abhayahudi abharu na abhahoreru bhakabhafata Paulo na Barinabha, bhano bhashumaashire nabho bhakabhasingirya omorembe ughwa Waryobha. ⁴⁴ Esabhato eno yafatile umughikyo ghonswe ghokaikoma kuighwa ling'ana ilya Waryobha. ⁴⁵ Abhayahudi hano, bharosherikomo bhakaishora norong'era na koghamba amang'ana ghano ghangire ebhento bheno bhyaghambirwe na Paulo bhakamotoka. ⁴⁶ vvvKasi Paulo na Barinaba bhakaghamba kobhokale na kobhatebhya yale engana eno yemereye motebhibwi ling'ana ilya Waryobha mbele yenyu. Kokobha morarihingira ahare kulwa wenyu na kuhimaha temokutuna obhohoru obhonene momahe bhogheye mobhaikyaro. ⁴⁷ Kyabhono Omonene yatotebheri akaghamba bhatore mobhe etara ya abhaikyaro gwiki muhire obhotorya ko ghembareka yonse iya ikyaro. ⁴⁸ Abhaikyaro hano bhaighure leno bhakashomerwa na kwighomba eng'ana iya omonene, abharu bhano bhashaghoywe ko bhohoru obhonene bhakaikerya. ⁴⁹ Ling'ana ilya omonene likaishora muikyaro kyonse. ⁵⁰ Kasi Abhayahudi bhakasegerya abhakari ahanene na abhanene abha umughi, bhakasegerya enyanko ko Paulo na Barinaba bhakabhatabhuta kebhara yo orobhagho ghu mughi. ⁵¹ Kasi Paulo na Barinaba bhakarushya urutu ko amaghoro ghabho. Gwiki bhakaya ku mughi ughwa Ikonia. ⁵² Na abharagherya bhakaishora okoshomerya hamwe na enkoro ehoreru.