¹ Ekarwera monse ya Ikonia igha Paulo na Barinaba bhakasoha hamwe monse ya inyumba iya Isango ya abhayahudi na kushumasha bhono irikomo linene ilya abhayahudi na abhayunani bhakakumia. ² Kasi abhayahudi bhano bhangire abhaikyaro na kobhakora kobha abhaghogho ko abhahiri. ³ Ku liyo bhakaikara hiyo enkagha entambe, bhakashumasha kobhokare kusinguru isya Omonene, no Omonene akaghakora ghabe omorembe, yakoree iggha ko romesyo na amang'ana agha koroghorya bheka korwa kohetela amabhoko agha Paulo na Barinaba. ⁴ Kasi ekyaro ekenene ikya umughi kekabharokaa, abhamele bhare hamwe na abhayahudi na abhande hamwe na abhatomwa. ⁵ Enkagha eno abhaikyaro na abhayahudi bhakatemia okosegerya abhakoro bhabhakore obhoghogho na kobhatema amaghena Paulo na Barinaba. ⁶ Bhakarimanya liyo bhakakenya na ibhyaro bheno bhikuinaraa hayo. ⁷ Na hiyo bhakaghamba eng'ana inshiya ⁸ Na hiyo Listra yaleyo omonto omwe ono yale omobheru wa amaghoro kulwa monda ya nyakuwabho, taraghenda he. ⁹ Omonto huyo akaighwa Paulo arashumasha, Paulo akamomahera bhokong'u akamaha ana ubhukumia ubhwa obhoweni. ¹⁰ Akaghamba nawe ku ikituni ekenene emera ko maghoro ghao no omonto ora akabhuruke kegoro akawanza kughenda. ¹¹ Rikomo hano lyaroshe Paulo lekaenyokwa ikituli ko eng'ambo ya Kilikaonio, "abhawaryobha bhikire koheta abhanto. ¹² Bhakamobherekera Barinaba "Zeu, " na Paulo " Herme" kokobha yare umushumanshi omonene. ¹³ Umusubhi uwa Zeu ono yare no risengero kebara yu mughi akareta righaini ilya seng'ombe na amahua akahika mu kihita ikya umughi bhakatuna kurusya obhosengeria. ¹⁴ Kasi Barinaba na Paulo abhatomwa hano bhighure leno bhakatandora singibho isyao bhakaya bhehengoyia kebhara mu rikomo bhakakura. ¹⁵ Nookoghamba, " bhenyu abhanto kwake moratune kokola ghano? na heto na abhanto kya bhenyu. Tora bharetera eng'ana inshiya igha mwisyori kurwa ko bhento bheno ebheghogho na kumahera Waryobha ono arenge omohoru ono yabhombire kegoro na ikyaro, enyansha, na ebhohili bhonse bheno bhemo. ¹⁶ Ko ghenkagha gheno ghyahetire akabhahatera, abhaikyaro koghenda kghenshera ighyabo abhene. ¹⁷ Kasi teyatanoye bila kumhekana kuliyo akakora amaia akabhahana imbura kulwa keghoro ne ghenkagha ighya ibhyakorya. Akabha ishorya imioyo ghyabo ebhyakorya no okoshomerwa. ¹⁸ Ko mang'ana ghano Paulo na Barinaba ko enyanko bhakabhakania abhanto kurusia risengera. ¹⁹ Abhande kobhayahudi kulwa Antiokia na Ikonia bhakasha okosengerya rikomo bhakamotema amaghena Paulo na kumuruta kebhara yu umughi bhakakanya amare kukwa. ²⁰ Kasi abharagheribhwa bhare bhimereye hang'i nawe akaemoka akasoha mushini, urusiko ulya kabhere yagheye Derbe na Barnaba. ²¹ Hano bhamare kubhaheghia eng'ana inshiya ku mughi ghora na kokora abharageribwa abharu bhakakyora Listra, Ikoniamu, gwiki, Antiokia. ²² Bhakaghenderya kokong'ia ghenkoro ighya abharageribhwa koghenderya na ubhukumia akaghmba ndazima tosohe mobhokama ubhwa Waryobha kohetela ghinyanko ghinsharu. ²³ Bhakashaghora abhaghaka ko rikomo ilya abhakumia, hano bhamare kusabha na kutigha kolya bhakamohana Omonene abhanto bhano bhare bhakumiri. ²⁴ Gwiki bhakaheta Pisidia, bhakahika Pamfilia. ²⁵ Enkagha eno bhare kushumasha ghayo Periga bhakateremoka Atalia. ²⁶ Kulwa hiyo bhakarina obhwato kuya Antiokia hano bhare bhairusire ko omorembe ughwa Waryobha kokora emeremo gheno bhekore. ²⁷ Hano bhaikire Antiokia, bhakatuna rikomo hamwe, bhakarusya, engambo ye mang'ana ghano Waryobha yakore wabho, na bhono yafongoye emeryango ighu ubhukumia ko bhanto abhaikyaro. ²⁸ Bhakaikara enkagha entambe na abharagheribhwa