¹ Abhanto nyabhorebhe, bhagharare kurwa Uyahudi, nokobheghya, abhahiri bhakaghamba, hano mothasarwe, kyabhono, umughire gwa Mosa, themothoribwi he. ² Enkagha eno Paulo na Barnabha bhabhaye na rihe, nokobha nabhohamwe, abhahiri bhakaghamba Paulo, Barnaba na bhande, nyabhorebhe bhagende, Yerusalemu, kobhatomwa na bhaghaka, kughira ring'ana riyo. ³ Koghayo, koghothomwa kwabho na risengero, mbahetire Foinike na Samaria bhaghantansherya ukusyoribwa kughutuna kwikyaro. Mbaretire ubhuya obhonene kobhahiri bhonswe. ⁴ Hano bhaishire Yerusalemu, mbakaribhishibwe na abharisengero na bhatomwa bha bhaghaka, na mbahikiri orobhothi rwa amang'ana ghonswe ghano Waryobha akore hamwe nabho. ⁵ Gose bhono abhanto nyabhorebhe mbakerya kurwa kurikomo rya bhakanakana, mbaimereye nokoghamba, nighogharekobhasara nokobhatebhya bhaghothe imighiro ghya Musa. " ⁶ Koghayo abheghibwa na bhaghaka mbaimereye hamwe gwitheghera ling'ana leno. ⁷ Hano bhamare amashumasho amathambe, Petro akaimera no koghamba harebho, " Bhahiri momanyire igha ekethebi ikya keno kyahetha Waryobha yakore obhorobhori kobhenyu, igha kumunywa gwane abhahamathe bwaigwe eng'ana yobhohene nugwikerya. ⁸ Waryobha ono manyireimoyo, arabhaghanerawabho, arabhahana enkoro ehoreru, kyabhora yakore kobheto; ⁹ Natiyakore he ukwanga ghuthubhna bhetho nabho, yareghokora imioyo ghabho ghebhe emerabhu kwigwikerya kwighomberya. ¹⁰ Koghayo, gwake moghothema Waryobha ighaa mothore oroghoye kighoro yo moghothi gwa bheghibwa bhano hatha tata bhetho hande bhetho titwa thore koghomerya he? ¹¹ Nokobha tugwikerya ighaa ntorethoribwa komorembe Omonene Yeesu kyabhono bhare. ¹² Rikomo ryonswe ndyakire hanobhare kumwiteghera Barnaba na Paulo hano bhare kurusya eng'ana yekemanyeryo nekeroghoro keno Waryobha yakore hamwe nabho kobhanto abhakyaro. ¹³ Hano bhatighire kushumasha Yakobo akabhahonshora akaghamba, " Bhahiri motaigwa. ¹⁴ Simioni nabhathebheri bhono ekembere Waryobha ko morembe akabhathorya abhahamathe igha anyore kurwa kobho abhanto kukughira irina ryaye. ¹⁵ Amang'ana gha bharothi gharaike reraniya naleno bhono ryandekirwe. ¹⁶ Hano thoramare amang'ana ghano nendaringe kohaghasha gwiki righutu rya Daudi leno ryagwa hanse nendareghoroki nukurithubhaniya no bhosarya bwako. ¹⁷ Hayo nighaa abhanto bhano bhathamile, bhathune Omonene, hamwe na abhanto, abhahamathe, bhano bhabherekeywe kurina ryaye. ¹⁸ Bhoyo mbo akoghamba, Omonene ono yakore amang'ana ghano ghamanyekeini kurwa amakora gha kare. ¹⁹ Kubhuyo mbe, ndaghamba igha thothakahana abhanto abhakyaro inyanko bhaisyori Waryobha. ²⁰ Hose bhono thong'ore kobho ighaa mobhe hare no bhosarya bha ikithubhaniyo, oronamba robhosono, na bheno bhang'etwa na manyinga. ²¹ Kurwa urubhoro rya bhaghaka mbaho abhanto kurwa kira umughi bhano bhaghoruthanserya nekughamba Musaa komasengero urusiko robhothoro." ²² Kubhuyo ekamahwa ighaa inshomile abhathomwa na bhaghaka, hamwe na lisengero ryonswe. Kushaghora Yuda ono yare kobherekerwa Barsaba, na Silas, bhano bhare abhatangati bharisengero, bhakabhathoma Antiokia hamwe na Paulo na Barnaba. ²³ Bhakang'ora igha, " Abhathomwa na bhaghaka na bhahiri, ko bhahiri bhabhakyaro bhano bharenge Antiokia, Shamu na Kilikia, torabhakerya. ²⁴ Twighure igha abahnto nyabhorebhe bhano thothahaye imighiro ghiyo mbarule kobhetho nokobhaha inyanyi komeghyo ghano ghakoronta inyanko kobhomanyi bwenyu. ²⁵ Kobhono ghamahirwe ighaa maifa kobhetho bhonswe ghushaghora abhanto bhoghotoma kobhenyu hamwe na bhahanswe bhetho Barnaba na Paulo. ²⁶ Abhanto bhano bhaikokereye amamenyo ghabho kukughira irina ryo Monene Yeesu Kiristo. ²⁷ Koghayo ntwathomire Yuda na Sila bhabhathebhi amang'ana ghayo ghayo. ²⁸ Kobhora ghamahirwe igha mbuya konkoro ehorelu na kometho kwanga kobheka umrigho omonene ghokera amang'ana ghano gharenge aghekebhanderyo. ²⁹ Ighaa mwisyori kurwa kobhento bheno bikurusibwa kughitubhaniyo amanyinga, ebhento bhyukubhuswa obhosorare. Hano morabhe nabhyo hare, nerabhe bhuya kobhenyu mthighare. ³⁰ Hano bhanyaraghanibwi, bhaang'arara Antiokia; hano bhamare ghokoma hamwe rikomo mbahire inyarubha. ³¹ Hano bhaghesomile mbashomeywe kobhono bhatiribwi enkoro. ³² Yuda na Sila na bharoti, mbahathiri enkoro abhahiri komang'ana amaru nokobhaha shinguru. ³³ Hano bhamare gwikara iyo enkagha entambe iyo. ³⁴ Mbanyaraghanibwi komorembe. Mbuya yabhaye Sila ughuthighara iyo. ³⁵ Paulo na bhande mbaikaye Antiokia hamwe nabhande abhara abharu hano bhegheri no ghontansera eng'ana yo Monene. ³⁶ Hano bhamare sinsiko nyaborebhe Paulo akathebhya Barnaba, " Turinge bhono no ghotara abhahirikila robheri lono twathansheyi eng'ana yo Monene tubhamahe bhono bhare. ³⁷ Barnaba yatunire gwiki bhagheghe Yohana ono yare kobhelekerwa Marko. ³⁸ Hose bhono Paulo aghaitheghera thekebhe bhuya he okoghegha Marko ono yabhatighire iyo Pamfilia gwiki tiyaghendelei nabho komeremo he. ³⁹ Gwiki hayo bhakalenta shekani shenene, kubhuyo bhakahokana na Barnaba akaghegha Mariko bhakaya oroghendo rwe meli kuya Kipro. ⁴⁰ Hose bhono Paulo akagegha Sila bhaghathanora, hano bhamare kughothibwa na bhahiri ko morembe ghwomonene. ⁴¹ Gwiki yagheye kohetera Shamu na Kilikia, alakong'ya amasengero.