¹ Paulo gwiki hanoyaishire Derbe na Lystra; na thamaha hara hare nu mweghibwa ono akobherekerwa ighaa Timotheo, numumura ono yaibhoywe na mayo wikiyahudi ono arene kusabha eng'ana ya Waryobha na suwabho nu Mgiriki. ² Abhanto Listra na Ikonia mbamo rengei bhuya. ³ Paulo yamtunire kori bhayi orongendo nawe, hoyamogheghire akamosala kughira Abhayahudi bhano bhareyo kobhora bhamomanyire igha suwabho nu mgiriki ⁴ Hano bhare kuya mbahethire korobheri nukurusya amakorwa komasengero gwiki kwigwa amakorwa ghayo ghang'orwa na bhathomwa na bhaghaka kuyo Yerusalemu. ⁵ Igho amasengero ghakakong'ibwa nu bhukumya bwa bhano bhaikerya bhakaiyengerya kila lusiko kokelengere ⁶ Paulo na bharikyaye bhakaya Firigia na Galatia, kobhono enkoro ya Waryobha yabhakaneri konthansherya eng'ana iyo ko kebara ke Asia. ⁷ Hano bhahikire hang'hi Misia, bhakathema kuya Bithinia, ghose bhono enkoro ya Yeesu ekabhakania. ⁸ Koghao mbahetire Misia bhaghasha mpaka mumuji ni Troa. ⁹ Paulo akaibhokerwa ne keroghoro ubhutiko, omonto wa Makedonia amare meleleye alamobherekera araghamba " mothasha mothotori eno Makedonia". ¹⁰ Paulo hano yaroshe ekeroshoro, ho yasemeli kuya Makedonia yamanyire ighaa Waryobha athoberekeye kuya kobhathebya injili. ¹¹ Ho thwathanoye kurwa Troa, thokaya kwemwe Samothrake, nurusiko rono roseye thokahika mumuji gwa Neapoli. ¹² Kurwa hayo tokaya Filipi ghono gorenge Makedonia, mumuji ghono gorenge Wilaya yo bhothonge bwi Kirumi nugwikara sinsiko nyabhorebhe. ¹³ Urusiko robhothoro intwagheye kebhara yikihitha konshera yo morothoghakanyigha ntorabhe nahase hoghokora amasabhi ntwakye hanse na bhakari thoghashumasha bano baishire hamwe na bhetho. ¹⁴ Omokari wonde ono akobherekerwa ighaa Lidia, omoghorya wa zambarau, kurwa mumuji gwa Tiatira, ono akwighomberya Waryobha akatwiteghera. Omonene akamweghora enkoro yaye noghothora harewe amang'ana ghano ghaghambirwe na Paulo. ¹⁵ Hano yamare kobhatiswa we na bhamnyumba yaye bhonswe, akathokeromerya akaghamba " Hano oranyore moroshe igha oni numweghibwa kughira Omonene, ndabhakoromerya, mosohe nugwikara wane". akathokoromeryo bhokong'u. ¹⁶ Ekabha ighaa hano twale kuya thoraghenda ahase hoghosabha, omohara wonde ono yare nirisambwa ryobhomanyi akasikana na bhetho. Akamolenthera Omonene waye ehorohoro insharu kokohanga. ¹⁷ Omokari uyo yarure nyuma Paulo hamwe na bhetho aghakonga alaghamba, " Abhashasha bhano nabhakori bhe meremo bha Waryobha ono alinge omokoro, bhano bhakobhathebhya bhenyu orobhoti robhothoribwa. ¹⁸ Aghakora igho kusinsiko nshinsharu ghasi bhono Paulo akabha aleribwi na rikorwa liyo, yaisyori nyuma no koghamba lisambwa ndakohenda kurina rya Yeesu urwe monse yaye. "naryo rekarwa nukumtigha kemwe. ¹⁹ Amanene ghabho hanogharoshe ighaa obhoghanyi bwe horohoro yabho bhothanoye, bakabhaghotha Paulo na Sila no kobhaghura mshipo kobhoronge bwabhano bhana obhothonge. ²⁰ Hano bhabhahikiri ko mahakimu bhakabhamba, " Abhashasha bhanona bhayahudi bhano bhakughira ighituri ekenene kerabha kumuji gwetho ghono. ²¹ Bhareghya amang'ana ghano ghathare imighiro bhetho okoghaghea hande okoghakora kama Abharumi" ²² Amakomo ghakabhayokera bhondigho Paulo na Sila abhahakimu bhakarandora shingibho shabho no kobharusya nokughamba bhathemwe sensahi. ²³ Hano bhamare kubhathema sensahi sinsharu bhakabarekera mwigheresa no kobhathebhya amashomba gha maghesa kobhanaghya bhuya. ²⁴ Hano bhamare kohanwa ekeghaka kiyo amashomba gha magheresa ghakabharekera riko monse nokobhabhoha amaghoro ghabho hayo bhabhashabhire. ²⁵ Enkagha yubhutiko bwa ghathe Paulo na Sila bhakabha bharasabha no korentya amamina ghughukumya Waryobha eno abhabhohe bhande bharabhaitheghera. ²⁶ Kwigwithakya ikirighithi ekenene kekarishoka, Imisingi ghagheresa gheghasingisa ebheseku bhyarigheresa bhekeghoka, miminyoroo yabhabhohe bhonswe ghekanyonyoghibwa. ²⁷ Omolendi wa ligheresa akabhoka kurwa mosethero no komaha ebheseku bhonswe gharigheresa gheghoywe akaghegha inshonge yaye kobhono yatunire kumanya ighaa abhabhohe bhonswe mbamare kwibhisa. ²⁸ Gose bhono, Paulo aghakonga kokero bhokong'u akaghamba utakainakara, bhonswe igho ntohano" ²⁹ Omorendi wa ligheresa akasabha shethara sherentwe akasoha monse ya righeresa bhongobhongo, araghankana nokobhoha akabhagwera Paulo na Sila, ³⁰ nokobharishokya kebhara ya ligheresa nokoghamba, " Abhasokwa yake ngakora kori nisori? ³¹ Nabho bhakamothebhya umwikereyi Omonene Yeesu nauwe naraisyori ninyumba yaho." ³² Mbashumashire ling'ana ryomonene waye hamwe na bhanto bhonswe bhumghi gwaye. ³³ Omorendi wa ligheresa yabhagegire ubhutiko bhora nokobhoghya ebhoraso bhera bhanyaharekire we na bhanto bhumughi gwaye bhonswe bhakabhathisibhwa hayo. ³⁴ Akabhahira Paulo na Sila kumughi gwaye nokobhaikarya ibhyakorya. Nawe akabha nubhushomerwa bhokong'u hamwe na bantho bhumughi gwaye kobhora bhabhaye nubhukumya bwa Waryobha. ³⁵ Hano yabhaye omobhaso abhabhohi mbathomire orobhothi omorendi ora warigelesa baraghamba, " othabhahathera abhnto bhara bhaghende", ³⁶ Omolendi wa ligeresa aghathebhya Paulo kughira amang'ana ghayo ighaa, " Abhabhohi bharekenye egheka igha mbahathere mothanore kubhuyo, murishoke moghende komolembe ³⁷ Gose Paulo akabhathebhya, " Bhathothemile keng'abhi igha abhanto bhano na bharumi bhakanga ghothohokomela bhakabharekera mwigheresa; gwiki bharatuna ghothurusya kwa kibhisire? tighohe thekebhe, bhashe abhene kuturusya mono. ³⁸ Abharendi bhakabhathebhya abhabhohi amang'ana ghayo, abhabhohi bhakobhoha bhokong'u kobhora bhamare komanya Paulo na Sila na Bharumi. ³⁹ Abhabhohi bhakasha kobhakoromerya bharishoke, na hano bhabharishokeri kebhara yarigheresa, mbabhasabhire Paulo na Sila bharishoke kebhara yu mjini gwabho. ⁴⁰ Ko hayo Paulo na Sila bhakarishoka kebhara ya ligheresa bhakasha kumughi gwa Lidia. Paulo na Sila hano bharoshe abhahiri kobhatheremya hobhamare bhaghathanora kurwa mumujini muyo.