¹ Hano bhahethire mumijini ghya Amfipoli na Apolonia, mbaishire mumujini gwa Thesalonike ghono bhare nirisengero rya Bhayahudi. ² Kobhono Paulo alenge yagheye wabho, kusinsiko isatho isyobhoro kurengya nabho kughira amang'orwa ³ Yale kobhahonyora amaghorwa no kobharagherya ighaa yaghire Kiristo anyanke gwiki aryoke kurwa mobhaku akabhathebhya, " Yeesu uyonkobhathebhya newe Kiristo. ⁴ Abhayahudi bhande mbaighambeye nokoghothana na Paulo na Sila, hamwe na bhaghirii hanobhakwighomberya Waryobha, abhakari abharu bhano bhang'anya bhaisyora kurwa mrikomo rinene ryabhanto. ⁵ Gose bhono Abhayahudi bhono bhathakumya mbaishore linari mbagheye mshiro bhakaghegha mo abhanto abhasarya bhaghakoma amakomo gha bhanto hamwe, hobhamare bhakanarya righuthu iya Jason, bharathuna koghotha Paulo na Sila igha bhabharente kobhoronge bwa bhanto. ⁶ Gasi bhono hano bhabhore bhakaghotha Yason na abhahiri bhande nokobhahira kobhoronge bwa abhanangwa bha mmujini bharakora ighithuri, " Abhashasha bhano bhasorya ikyaro bhahikire eno gwiki. ⁷ Abhashasha bhano bhakobhibwi na Yasoni bharasokerya imighiro ghya Kaisari, bharaghamba naho omokama wonde igha Yeesu. ⁸ Likomo na Bhanangwa bha mmijini hano bhaighure amang'ana ghayo bhakahaha. ⁹ Kobhono bhanyore bhagheghire entangoro ishira iyobhorendi kurwa ko Yason na abhande, mbabhahatheye bhaghende. ¹⁰ Ubhutiko bhora abhahiri mbathomire Paulo na Sila Beroya. Na hano bhahikire ela mbageye kulisengero rya Bhayahudi. ¹¹ Abhanto bhayo mbare nobhomanyi obhonene ghokera abhanto bhara bha Thesalonike, kobhora bhahanshire kuthurung'ana enghana kobhomanyi bwabho nughusyomerya amaghorwa ghano gha ghushumashwa mbo ghare. ¹² Kubhuyo abharu bhabho bhghikeya ebhe bhuyo bharemo abhakari bhano bharemo nubwisyorya obhonene bwikighiriki na bhashasha abharu. ¹³ Gose bhono Abhayahudi na Bhathesalonike hano bhamyire igha Paulo alathansherya eng'ana ya Waryobha Beroya, mbagheye iyo kosendera bhakamara bhaghasemora ighituri ko bhanto. ¹⁴ Kukwangoherya abhahiri bhakahira Paulo koshera yenyansha, gose Sila na Timotheo bhakatighara hara. ¹⁵ Abhahiri bhara bhahire Paulo mbagheye nawe mpaka Athene, hano bhamtighire iyo Paulo, mbagheghire amathomwa kukurwa hare we ighaa, Sila na Timotheo bhaghende hariwe bhangohe bhongo bhno bhaghothora. ¹⁶ Enkagha eno yarekobhaghanya Athene iyo enkoro yaye yareribwi Monse kobhono yaroshe mumjini owishoye ibhithubhaniyo ibhyaru. ¹⁷ Hobhashumashire mwisengero na bhayahudi bhara bhaghosasama Waryobha na kobhara bhonswe bhale ghugikana nabho mshiro ¹⁸ Gose bhono abhande bhano abheighya be eng'ana eno ya Bhaepikureo na Abhastoiko bhakaighotania. Na bhande bhakaghamba, " Kanaa nkyakoghamba ono omoghambi enderere? Abhande bhakaghamba, " Bhono thokomaha araghamba orobhothi rwa Waryobha omogheni, " Kobhono akoghamba orobhothi rwa Yeesu nu ubhuryokya. ¹⁹ Bhakaghegha Paulo nokomolenta Areopago, bhakaghamba, " Nthothora komanya ameghoamahya ghano aghushumasha" ²⁰ Kobhono okolenta amang'ana amahya momatwe ghetho. Kubhuyo thoratuna thomanye amang'ana ghano mbuya ke ghanabho? ²¹ ( Nabhanto bhonswe bhathere hamwe na bhagheni bhnobharengoe wabho, ngokora bhare umweya gwabho gwiteghera nughushumasha no kotegheerya amang'ana amahya.) ²² Koghayo Paulo akaimera ghatueghate ya bhanto bha Aeropago no Koghamba, " Bhenyu bhare bhanto bha Athene, ndamaha bhenyu na bhanto bhidini ha more bhono bhonswe, ²³ Kyabhono narekohetha ndamaha ebhento bhenyu bhoghosasamera, ndoshe amang'ana ghano ghangorwa komasengero ghenyu, gharaghamba " KO WARYOBHA ONO ATAMANYEKANI igho mbe, kuuyo mukwighomberya mothamomanyire, uyo mbe newe kobhatebhya bhenyu. ²⁴ Waryobha ono yabhombire ikyaro na keno nkyonswe kelenge monse, kobhora arenge omonene wighoro nu wikyaro thathore gwikara komaghuthu ghano ghakorwa na mabhoko. ²⁵ Na gwiki taghokorwahe na mabhoko gha bhanto obhohoru nu mwika ne bhentho bhyende bhyonswe ²⁶ Kokohethera omonto omo yakore ibhyaro bhonswe bhyabhanto bhano bhamenyire ighoro yubhusyo bwikyaro akabhathora enkagha na sentonga kubhibhure bheno bhamenyire. ²⁷ Koghayo, hayo ngutuna bhare bhamtune Waryobha uyora ngwa kohabhahabhala bhamohekere nukumunyora ebhohene tarenge hare na bhetho he. ²⁸ Kughira we thoramenya thoraghenda nokobhathoma obhohoru bwetho kyabhora omorentya wenyu omwe onoya senoya ring'oryo akaghamba ntorenge abhebhorwa bhaye. ²⁹ Kubhuyo hano anyore bhetho thorenge abhebhorwa bha Waryobha, thethoghothora gwitheghera ighaa Waryobha nke sahabhu hande nkishabha hande amang'hana nugwikonwa na matheghero gha bhanto. ³⁰ Kogha Waryobha yaghakereye enkagha era yobhokangi, ghosek kobhonwigho abhanto bhonswe bhashentaha shomswe bhahighame. Gano nkobhora yathore urusiko rono alihukumu ikyaro kobhohene komonto ola yashaghoye. ³¹ Waryobha yarusiri obhohene bho monto iyo, kughira kira omonto kobhora yamoryokiri kurwa mobhaku. ³² Na bhanto bha thene hano bhaighure amang'ana ghukuryoka kwa bhaku abhande. Paulo, ghose abhande bhakaghamba, "Ntoragwiteghere gwiki korobhoti rwang'ane eno" ³³ Hohamare Paulo, aghatigha. ³⁴ Gose bhono, abhanto abhande mbaghothaini nawe, bhaghakumya bhabho Dionisio Mwareopago, no mokari wonde ono akobherekerwa igha Damari n abhande hamwe nabho.