¹ Bhono amang'ana gayo, Paulo yatanoye Athene kuya Korintho. ² Iyo akamunyora Myahudi arabherekerwa Akwila omonto wa rikabhira rya Ponto uyo na mokaye arabharekerwa Prisila bhaishire kurwa iyo Italia kobhora Klaudia yaghambire Wayadusi bhonswe bhatanore Roma ; ³ Paulo akaya wabho. Paulo akamanya na kokora emeremo nabho okobha wa arakora emeremo gheno ghitubhaini na ighabho bho bhakoranga amahema. ⁴ Paulo akashumasha nabho mwisinagogi kera siko ya obhotoro akabhahoyera Abhayahudi hamwe na Abhagiriki. ⁵ Okobha Sila na Timotheo hano bhaishire kurwa Makedonia Paulo yasukumirwe na Roho kokomaria Abhayahudi igha Yeesu we Kiristo. ⁶ Khagha Abhayahudi hano bhamotemire no komosokya igho Paulo akasasamora ighibho yaye mbele yabho na akabhataebhia amanyinga genyu ghabhe igoro ya emetwe gheye abhene oni tenena eghosa he kurwa reno na koghenderia na ghabhahekire abhakyaro. ⁷ Hayo akarwaho akaya munyumba ya Tito Yusto, omonto ono akasengera Waryobha. Inyumba yaye erenge hang'i na Sinagogi. ⁸ Krispo yare omotangati wa Sinagogi hamwe na bhanto bha inyumba yaye bhakaikerya Omonene abhanto abharu abha Korintho bhano bhamwigure Paulo arashumansha bhakaikerya na bhakabhatisibhwa. ⁹ Omonene akaghamba Paulo ubhutiko koshera ya maono, otakabhoha, okobhashumasha " otakakira. ¹⁰ Okobha oni hamwe tore nawe taho ono arakotomaha kukunyahara he okobha ana abhanto abharu kumughi guyo". ¹¹ Paulo akaikara iyo omoka umughima monka gomwe na mueri esasabha areghya eng'ana ya Waryobha mobhari kyaye. ¹² Okobha Galio hano yakorwe omokama wa kumughi Abhayahudi bhataimereye hamwe na Paulo na kumuhira mbele ya ikitumbe kya ehukumu, ¹³ bharaghamba omonto ono aratohoyera abhanto bhamwikeri Waryobha bhono obhotongi bhatakutuna. ¹⁴ Hano Paulo hano yatuna koghamba, Galio akabhatebhia Abhayahudi, " Bhenyu Abhayahudi hano okanyore rikosa au hande obhoroseru hano okanyore bhohene kobhanyakera. ¹⁵ Okobha kobhora kuswali more amang'ana gha na marina, na obhotonge bhwenyu, gasi muhukumu bhenyu abhene oni tukutuna kobha hakimu komang'ana gayo he" ¹⁶ Galio akabhatebhia motanore kurwa mbele ya ikutumbe kya ehukumu. ¹⁷ Hayo bhakamogota Sosthene Omotangati wa sinagogi, bhakamotema mbele ya iketumbe kya ehukumu. Okobha Galio tiyaroshe keno bhakore he. ¹⁸ Paulo hano yaikaye hara kokaghatambe yatighire bhahiri bhaye akaya nemeri Siria hamwe na Prisila na Akwila hano yare ataratanora korodara akagingira shitukya siyaye okobha yathamire irigha mnadhiri. ¹⁹ Bhakahika Efeso, Paulo akamtigha Prisila na Akwila hara, okobha umwene akasoha Sinagogi na kuhahara na Abhayahudi. ²⁰ Hano bhamotebhiri Paulo aikare nabho kokagha tambe umwene yangire. ²¹ Okobha akatanora kobho akabhalabhia, " Nendakyore gwiki kobhenyu hano amaigha gha Waryobha". Hano akomara akatanora na emeri kurwa Efeso. ²² Paulo hano yahikire Kaisaria akarina kuya kokerania Mwisengero rya Yerusalemu akamara akaika hanse kurisengero rya Antiokia. ²³ Hano yaikaye hara kokagha Paulo akatanora kohetera korobheri rwa Galatia na Frigia nokobhotora ekoro abhagibhwa bhonswe. ²⁴ Umuyahudi omwe arabherekerwa Apolo ono yebhoywe iyo Alexandria, akasha Efeso yare no bhokare bhu kushumansha no bhokare bhukwandeka. ²⁵ Apollo yorokeribwi komegigwa gha omonene kobhora yare no motono gwa roho yashumashire na ukweghya kobhohene amang'ana ghano ghakorenga Yeesu yamanyire igha obhobhatiso bhwa Yohana. ²⁶ Apollo aka shaka kushumasha kobhokare mu hekalu. Okobha Prisila na Akwila hano bhamwighure bhaka kora obhosani nawe na bhakamotebhya koshera ya Waryobha kobhohene ²⁷ Hano yaighombire kotanora kuya Akaya abhahiri bhakomohana enkoro no kobhandekera ritasha olighi abhegha bhaye bhana bhare Akaya bhanyore kopokera hano yahikire konokwe yabhatoreyi bhokong'u bhara bha mwikerei. ²⁸ Kushinguru syaye no bhaigaini, Apolo yakare Abhayahudi maiso marabhu arorokya kohetera amandeko gha Yeesu we Kiristo.