¹ Ekabha igha Apolo hanoyare Korintho, Paulo akaheta korogongo ighoro nu kuhika umughi ghwa Efeso, akanyora abhegigwa nyabhorebhe iyo. ² Paulo akabhatebhya, "mwanyore ekoro ehoreru hano mwaikereyi?" Bhakamotebhya, " Hata, tilwatore hata ukwigwa kong'ana ya enkoro ehoreru." ³ Paulo akaghamba bhono bhenyu mwasorwe? bhakaghamba kokosorwa ubhwa Yohana. ⁴ Hayo Paulo akahonshora Yohana ya sorwe kokosorwa kwa toba akabhatebhya bhara abhanto igha bhara takerwa kumwikerya ora akaishire khagha yaye yani Yeesu. ⁵ Abhanto hano bhaigure amang'ana gayo akabhasora kurina ryo omonene Yeesu. ⁶ Ne ekabha Paulo hano yatore amabhoko gaye ighoro yabho omokama omohoreru ghokasha ighoro yabho na bhakasha koghamba kobhegambo no koragora. ⁷ Kobhomwe bhwabho bhare abhashasha kuhika ikomi na bhabhere. ⁸ Paulo akaya mwisengero akaghamba kobhokare kokagha yi myeri etato akabha aratangata amahoshorano no kobharuta abhanto komang'ana ghano gha koregera obhokama bhwa Waryobha. ⁹ Nokobha abhayahudi abhande bhare abhashema na tebhakwikerya bhakashaka koghamba amagogo gano ga korenga Kiristo mbele ya ekomo hayo Paulo akatigana nabho na akabhahora na bhano bhaikwikerya nabho. Wonswe akashoka kushumasha kera urusiko morobha rwa Tirano. ¹⁰ Iyo ekaghendeerya kumioka ebhere kubhuyo bhonswe mbamenyire Asia bhakaigwa eng'ana yo monene bhonswe Abhayahudi na Abhayunani. ¹¹ Waryobha yakoranga amang'ana amanene komebhoko ga Paulo, ¹² Igha hata abharoye mbahwenibhwi ne mekama iminyoku ghekabharwa ko khagha hano bhagegire eketambara na imyenda ghene gyarure komobhagwa Paulo. ¹³ Nokobha harengaho abhayahudi abhasesi bha emesambwa bharagenda kohetera ahase hayo bhara tomara irina rya Yeesu kokohetera amatomero ghabho abhene. Bhara bhatabhya bhara bhorene mesambwa iminyonku bharaghamba ndabhatebhye murweho kurina lya Yeesu ono Paulo akushumasha. ¹⁴ Bhono bhakore ghano bhare abhana muhungate abha umuhika omonene wa Abhayahudi, Skewa. ¹⁵ Omokama umunyanku bhakabhatebhya, "Yeesu nemomanyire na Paulo nemomanyire nokobha bhenyu nawe?" ¹⁶ Omokama umunyanku momobhere go monto ghoka mobhorokera abha sesi bha masambwa na akabhakera shinguru nokobhatema . Ho akobhatebhya kurwa munyumba bharenge kenambhi nukunyaharwa. ¹⁷ Eng'ana eno rekamanyekana kobhonswe, Abhayahudi na Abhayunani bhano bhamenyire iyo Efeso. Bhakabha na mashaka bhokong'u na irina ryo monene rekaneneha no kosokwa ¹⁸ Hataigho abharu bhukukumia bhakasha na kwighomba no kobhatebhya amang'ana amagogo ghano bhakora. ¹⁹ Abharu bhano bhakoranga obhoreri bhakakomanya ebhetabho bhyabho bha kabhesamba mbele ya kera omonto kagha bho hano bhabhara endengo ye bhento bhiyo mbyare ebhe tamunye ebhekwe merongo etano ibya gehera. ²⁰ Igho eng'ana yo Omonene ekabhakera hasa ko bhogere bhokong'u kushinguru. ²¹ Ya Paulo kuhikirya kotorya kwaye iyo Efeso omokama ghoka motangata kuya Yerusalemu kohetera Makedonia na Akaya; Akaghamba, " Ko nkagha iyo narengeko, ndatuna kumah Rumi." ²² Paulo akabhatoma Makedonia abhegya bhaye bhabhere, Timotheo na Erasto, bhano bhare bhamotori. Okobha we umwene akasagha Asia konkagha. ²³ Enkagha iyo rihe rekatekera rinene iyo Efeso ko nshela iyo. ²⁴ Sonara omwe irina ryaye Demetrio, ono yakore amatubhanio ibhya shehera ibhya waryobha Diana, kukyaro akareta ibhyasara ebhenene kobhafundi. ²⁵ Igho akabhakoma abhafundi abhemeremo giyo no koghamba, " abhantho bhakoro momanye, igha kubhasora bheno bhento toresahia shehera shinsharu. ²⁶ Muramaha nu kwighwa igha tigha tohano Efeso no kobha hashi Asia yonswe ono Paulo abhagenerei no kobhasyoria abhanto abharu araghamba igha taho bhya Waryobha bheno bhya korwa komabhoko. ²⁷ Nabhento torenge mohatari igha ibhiasara bhyeto bherabhe igha tibhikutunwa gwiki, nokobha igha risengero rya Waryobha omokari ono omonene Diana arotora kogegwa igha tana bhuya he. Gwiki akatore hata kosarwa obhonene bhwaye ono yabhaye Asia na kikyaro bhara mwikerya." ²⁸ Hano bhaighure ghayo bhaakagotwa na korobhakakora ikituri, bharagamba, "Diana wa Efeso no monene." ²⁹ Umughi gonswe ghokabha nyikaho na abharito bhakakenya hamwe morobha uro meharwe bhakabhagota abhagendi bharikyabho na Paulo, Gayo na Aristariko bhakarwa Makedonia. ³⁰ Paulo akatuna kosoha mokomo ya bhanto nokobha abhegibhwa bhare bhakamukyoria. ³¹ Hata igho amaobhisa abhe mkoa gwa Asia bhano bharenge amasani gaye bhakahira amang'ana ku shinguru komosabha atakushoha morobharwe mehorwe. ³² Abhanto bhande bhagambaga ekento keno na abhande eng'ana iyo kobhara ekomo ya bhanto bharenge bhaishagainyekewe. Abharu bhabho tebhalore komanya kokobhake bhageye hamwe. ³³ Abhayahudi bhakamoreta Iskanda kebhara ya ekomo ya abhanto nokomotora ighoro mbele ya bhanto. Iskanda akarusya ishara ya kobhoko kwaye amang'ana ko bhanto. ³⁴ Okobha hano shamanyire igha muyahudi, bhonswe bhakakora ikituri kwa omoghoro gomwe komasaa abhere " Diana no monene wa Efeso. " ³⁵ Nkagha ya umwandeki wa mughi kurarya ekomo akaghamba, ' bhenyu abhashasha wa Efeso nawe atamanyire igha umughi ghono ugwa Efeso no monagya gwa resengero rya Diana omonene na ipisha eno yagoye kurwa ighoro? ³⁶ Okomaha igha amang'ana ghano teghabhehe tora tunwa tunyohe natemokaore kyokyonswe kwa bhwango. ³⁷ Kobhora mobherekeye abhanto bhano hano munyumba ya maragha bhano bhatore bhaibhi mwisengero na bhano bhata kosera Waryobha wetho omokari. ³⁸ Kubhuyo nyora Demetrio na abhafundi bhano bharenge hamwe nawe bhana amashaka komonto wonswe wonswe, ginyumba gya maragha serenge wazi na abhaghambania hobhare bhahirwe mbele ya umughiro. ³⁹ Okobha nyora uwe oratuna kyonswe kyonswe komang'ana ghande, ngarakorwe kubhikaro byobhohene. ⁴⁰ Kubhuyo torenge mobhogogo bhono tukwitegerwa kuhusu kikirugho urusiko rono. Tekeho okobha ho inyanko eno natetobhe no bhotoro okoghamba. ⁴¹ Hano yamare koghamba gayo akanyaragania ekomo eno yasikaini.