¹ Hana riihe ryaahoye, Paulo akabherekera abheegha bhaaye akabhahaa na eghoryo. Gwiki akabharagha akatanora kuya Makedonia. ² Wonswe hana yare koheta momekoa ghiyo yaare kobhahaana enkoro bha bhaikeerya abhakumya, akasoha Bhuyunani. ³ Hano yaikaaye haara konkaagha ya imieri etaato, mbakoore iniko yaaye na abhayahudi hano yabhaye haang'i kobha korong'hendo kohetera enshera ya inyansha kogheera Shamu, naigho yaaringire kohetera Makedonia. ⁴ Bhano bhatongoteraini nawe kukuya Asia mbaare Sopatro, omona wa Pirho kurwa Berea; Aristariko bhana Sekundo, bhoonswe kukurwa abhakumya bha Abhathesalonike; Gayo uwa Derbe; Timotheo; Tikiko bhaana Trofimo kurwa Asia. ⁵ Ghasi abhaantobhano bhaisa kotangata na mbaare kotoghanyere Troa eera. ⁶ Koonshera ya inyaansha kukurwa Filipi shinsiko isato mbaare na emeghaate gheno ghetatobhekirwe, ntwabhahekeereye Troa. Kushinsiko isaano. Wiki tokaikara iyo kushinsiko muhungate. ⁷ Urusiko urwa mbere urwobhotooro, hano waanyoore tusikaini hamwe kuusuura omoghaate, Paulo yashumashire na abhakumya. Yaasemeri kotanora isho yaako naigho yaaghendereyi sushumaasha kohekera ubhutiko ghate. ⁸ Mukinyumba kya ighoro kene waanyoore tusikaini tuikaye mo mbiaaremo ebhemore ibhyaro bherokamo. ⁹ Kukisyeeri wanyore umumura wonde aikaye ho omwe arabherekerwa igha Utiko, yaakerwe na sheteero shindito. Na hano Paulo yashumashaga konkaagha intambe umumura uyo okanyoora ahiribwi akagwa kukurwa ighro kikinyumba kya ghatato na msamobhoshire okanyoora akuure. ¹⁰ Gasi Paulo yaikire haanse, akaisambeka umwene ighoro yaaye, akamukundiirya akaghamba, " Motakaakwa enkoro, koobhora mohooru." ¹¹ Gwiki akariina ighoro koghorofa akasuura omoghate, akarya. Kohekera komakeera hano yaamaare kushumaasha nabho konkaagha intaambe akatanora. ¹² Bhakareeta umumura oora arenge omohooru bhakashomerwa bhokong'u. ¹³ Bheeto abhene ntwatangatire Paulo mbere koomeri kogheera orobhereka rwa Aso, neho wanyoore tosemeeri ko gheghera Paulo mbareka iyo. Keno nkyo umwene yatunire ghokora koobhoora yasemeri koghenda haanse. ¹⁴ Hano yatohekereye Aso, iyo ntwaamogheghire momeeri tokaya miitilene. ¹⁵ Gwiki tokatweka kukurwa iyo na urusiko rwa kabhere neho twahikire umbareka rwa kabhere urwa righinga rya Kio. Urusiko rono rwa robheeye, tokahika righinga rya Samo, isho yako tokahika umughi gwa Mileto. ¹⁶ Kukughira ya ghayo Paulo wanyoore asemeri hohetera Efeso, Okoori atakaikara nkaagha yende Asia; kobhora yare koheeta bhongo kumuta ahike Yerusalemu kwa nyangi ya Pentekoste, hano okanyoore aratora ghokoraigho umwene. ¹⁷ Kukurwa Mileto akatoma abhanto kuya Efeso na akabherekera abhaghaaka bha mwisengero. ¹⁸ Hano bhamohekeereye akabhateebhya bheenyu abheene momanyire kukurwa urusiko urwa mbere rono naatashire Asia kobho naare nabheenyu nkaagha shonswe. ¹⁹ Nakoora Omonene emeremo kobhohoreru bhonswe na amaisori na inyaanko eno nanyoore umweene kukurwa kobhayahudi. ²⁰ Momanyire bhono oni umweene bhono niirebhereye koraareka ekento kyonswe igho kurwa hare bheenyu keno kyaare ikihiku, bhono naabheegheri maiso marabhu na kuya inyumba na inyumba. ²¹ Momanyire bhono naghendereyi koknia abhayahudi bhana abhayunani ighoro ya ikyabhera kya Waryobha na ukukumya ko Omonene weeto Yeesu. ²² Na bhoono, momaahe oni bhono nkosooka umwika omohereru na ukukumya kogheera Yerusalemu, ntakamanya amang'ana ghano gharembeera oni iyo. ²³ Kobhoora umwika omohoreeru ghukunyimeerera kuumighi gyonse araghamba igha iminyororo na inyaanko nebhyo bhekonganya. ²⁴ Ghasi oni tinkwiteegheera igha rimenya ryaane nkonshera yonswe ya bweera he kooni, Okoonri mareri oroghendo rwane rwa okotoorya rono nikereyi kurwa kotata Omonene Yeesu ukwimeerera eng'ana inshiya yakunyoora ya Waryobha. ²⁵ Na bhoono momaahe nemanyire igha mobhaara nagheye kobhateebheerya obhokama, temoremaaha ubhusyo bwane gwiki he. ²⁶ Kubhuyo ndabhaimeerera reero igha tenena isarya komanyinga gha monto wonswe he. ²⁷ Kubhuyo tenairebhereye korareeka amaigha ghonswe gha Waryobha. ²⁸ Naigho mwirarere bheenyu abhene kobheene ighoro ya umwiika omohoreeru ghono yabhatooreye na bheenyu mobhe abhamaheeri mobhe abhang'aini konagya rikomo rya Omonene, reno yaaghoore komanyinga ghaye umweene. ²⁹ Hano ndetanora nemanyire igha, ibhinyamobhwe ebheroro mberesoha koobheenyu, gwiki tebhariabhera ikomo he. ³⁰ Neemanyire igha abhande mwikomo ryeenyu abhande mbarisha na koghamba amang'ana amaghogho okoori bharute abheegha bhabharwe nyuma. ³¹ Kuigho mobhe maiso muhiite igha kumioka etato tenatighire kweghya kera omwe wenyu koomaisori ubhutiko na omobhaso. ³² Bhoono oni ndabhatoora ku Waryobha, Na komang'ana amaiya ghaaye ghano gharabhahaghashe na okorya umwando na bhoonswe igho bhano bhatoorwa obhong'ore bhwa Waryobha. ³³ Tenaibhombire sehera, esahabhu ghasi ngibho he. ³⁴ Momanyire bheenyu abheene igha amabhoko ghano ghamare kunyoora obhotoro bwane oni umwene na ubheera bhwa bhaara bharenge hamwe na oni. ³⁵ Koomang'ana ghano ghonswe ghano nabhahaye bhono moratore kotoorya abhatentero kooghakora emeremo, na bhono mukutunwa kuhiila amang'ana gha Omonene Yeesu, amang'ana ghano umwene yaghambire: " Ni ho ukurusya nkuya kokera okohaanwa." ³⁶ Hano yamaare koghamba bhuyo akahighama ibhiru akasasama hamwe nabho. ³⁷ Bhoonswe bhakakura bhokong'u bhakagweera Paulo mwighoti bhakamukundirya. ³⁸ Mbabhabha yeye bhokong'u kookeera wanyoore aghambire, igha tebhare maaha ubhusyo bhwaye wiki ho yamare akaherekeera emeeli.