¹ Enkaga keno twatighaini nabho, twa ghendanga nabho kunyansha, tokahika kamwigho kumughi ghwa kosi na isho kako tokahika kumughi ghwa Rondo, kurwa iyo toka hika umughi ghwa Patara. ² Tokanyora ubhwato bhono bhukwamboka kuya Foinike, ntwarinile tokaghenderya. ³ Hano twahikile kobhoronge bhwa lighinga rya Kipro, tokaitigha robhara rwa bhomosi, tokaghenda tokahika Siria, tokarekera reghena kumughi ghwa Tiro, iyo yoo ubhwato bhwiki ryanga imirigho ghyako. ⁴ Hano yaroshe abheghya, toghaikara sinsiko muhungate, abheghya bhano bhka tebhya Paulo ko hetera koghenkoro igha we tabatasha Yerusalemu ⁵ Hano twahikili sinsiko sela, bheto tokemoka tokaya igheto, bhonsigho hamwe, na bhakabho na to abhana bhabho, mbato herekereye koseshera syeto na hanao twarishokire kebhara yumughi, toka nighama mukito, tokasabha, toka raghana na bhoseigho. ⁶ Tokarina ubwato, bhonswe bhakakyora wabho. ⁷ Hano twamare anghendo rweto kurwa Tiro, toka hika Tolemai, hayo ntwakereli abhahili, tokaikara nabho rusiko romwe. ⁸ Isho yako ntwemokile tokaya Kaisaria, bheto toka soha mumughi ghwa Filipo, omoghambi wa injili, uyo arenge hamwe na bhara abhasansabha, na tokikara hamwe nawe. ⁹ Omontono yare na abhara bhane abhabhikira bhano bharotile. ¹⁰ Sinsiko siyo bhaikae iyo omoroti akaika kurwa Bhuyahudi ono yabhe rekerwango Agabo. ¹¹ We yaishire kobheto akaghegha umushipi ghwa Paulo, kughuyo yibhohile amaghoro na amabhoko aghaye umwene nokoghamba, " Enkoro ehoreru araghamba igha, " Abhayahudi bha Yerusalemu mbare bhoha omonto ono akonaghya omushibhi ghuyo nabho mbalemo ghotya momabhoko gha bhanto bhikyaro. ¹² Hano twaighure amang'ana ghayo bhento naa abhanto bhano bhaikaranga twamosasamire Paulo takarina kuya Yerusalemu. ¹³ Bhono ho Paulo ya jibishili, " Nkemeghokora, morakula mola nyahara enkoro yane? Ko hayo mbuyande, tigha kobhohwa kwenche, hata ukukuera Yerusalemu okohetela ilina ryomonene Yeesu." ¹⁴ Kobhora Paulo tiyatunile okong'ene ribhwahe, ntwatighile koghamba, "Ko hayo amaisha ghomonene gha koreke." ¹⁵ Kurwa ghinsiko ghiyo ntwagheghile ebheghonela bhyeto toghatila kuya Yerusalemu. ¹⁶ Abhegha bhande kurwa Kaisaria bhonswe ntwaghendaini, bhakareta omonto omwe ono ato bherekerwa Mnasoni, omonto kurwa Kipro, umweghibwa wa kare ono twikaye nawe. ¹⁷ Hano twahikile Yerusalemu abhahili mbatuturung'aini bha shomeywe. ¹⁸ Isho yako Paulo yegheye nabheto wa Yakobo, abhoka bhonsigho hobhare. ¹⁹ Hano yamale kobhakerya yabhahaye eng'ana emwe niyende amang'ana ghano Waryobha yakore mobhamwe abhemubhyaro kokohetela emeremo ghyaye. ²⁰ Hano bhaighule ghayo bhakakumya Waryobha bhakamotebya, "Oroshe muhili ebhekwe bherenga bhaikereyi kurwa mobhayahudi. Bhayo bhonsigho bhikereyi koghota umughilo. ²¹ Bhatebhibhwi uwe oreghya abhayahudi bhano bhemenyiro mubhyaro bhatighane na Musa, ola bhatebhya tebhakasarahe abhana bhabho he, tebhakegha ghetemo ghyakare he. ²² Keno tughutuna tonkore nke? Hata igho marighwa igha uwe wishile. ²³ Kohayo korakera tokokotebhya bhonigho, tona abhanto bhane bhano bharya imuma. ²⁴ Bhagheghe abhanto bhano na wiyoghi umwene hamwe nabho, obhaghotele lighoti ryabho, ili bhaghingire emetwe ghyabho, hayo kera omwe amanye amang'ana ghara bhaghotebhibhwe kuuwe ngabhorongo, bheghe igha uwe nkomanyerya ore imighiro. ²⁵ Komang'ana ghano bhabhae bhara kumya, twaghandekile na ntwaraghereyi bharatakerwa kutighana nebhento bheno bhirusibhwi kuya kosengera risambwa, na manyinga, ghakera kibhu sirwe bhatighane nobhoraya. ²⁶ Hayo ho Paulo yegheghile abhashasha, nurusiko rwa kabhere akirabhyya nabho akasoha nabho mwisengero akaya koghamba sinsiko sykwirabhya ikimwenso kekorwe kobhanto bhonsigho. ²⁷ Sinsiko muhungate hano syatunanga kohwa, zebhamwe bha bhayahudi kurwa Asia bha kamaha Paulo mwisengero, amakomo ghakarelaa bhakamwimokerya amabhoko. ²⁸ Mbakoranga ikituli abhanto bha Israeli, mototoli omonto ono nola akufundisha abhanto kela hase amang'ana amaghogho ghono ghikaye bhoghekana abhanto, umughilo ghwa hayo abhareteye abhayunani mwisengero nokohasarya ahhorelu. ²⁹ Kobhahekero mbamoroshe Trofimo Muefeso bharenge hamwe mumughi, mbakanyire igha Paulo namoretile mwisengero. ³⁰ Umughi ghonsigho ngwiroghore abhanto bhagakenya hamwe bhakaghota Paulo, bhakamulishokya mwisengero, kamwe igho ebhesaku bheghasika. ³¹ Hano bhatunile kumwita, amang'ana ngahekereye Omonene wa bhasilikare abharendi igha Yerusalemu yonseigho yare yeshoye lihe. ³² Hayo hayo yagheghile umusilikare nomonene waye aghakenyera likomo, hano abhanto bhaloshe Omonene wa bhasilikare na abhasilikare, bhaghatigha ghotema Paulo. ³³ Hayo ho Omonene wabhasilikare ya msughutareye akamoghota Paulo, Akabha hamela bhamobhehe iminyororo ebhele. Akamobhorya uwe newe na nkyoghokora. ³⁴ Abhamwe mulikomo mbasambuyanga ekento keno na abhande ikyende, kobhora Omonene wa abhasilikare tiyabhatebheeri kento kyonse kyonse he bhola bhakoranga ikituli, akabhatebya Paulo alentwe. ³⁵ Hano yakikire kumutilo akagheghwa numusilikare kobhora lihe ryarikomo. ³⁶ Rikomo ryabhanto mbamulure nyuma nokokora ikituli, "mumurusiho ono!" ³⁷ Hano Paulo yaretwanga mongome, yathebheli Omonene wabhasilikare, " Ndatola ko kotebhya eng'ana"? Omonene ola wabha silikare akaghamba, " ³⁸ Igha, olashumasha Ikiyunani? Igha, uwe tewe umumisili ora yarongoshile obhoghogho na okaghegha rangara ebhekwe bhine mwikongo?" ³⁹ Paulo akaghamab, " Oni numuyahudi nde, kurwa umughighwa Taso Kirikia, Ona numwebhorwande uwumughi Omonene, ndabhasabha, munyikereli nshumasha na abhanto." ⁴⁰ Omonene wa Abhasilikare hano yano yamohaye umweya, Paulo akemera kumutilo akorokya obhoronge kokobhoko kwaye. Hano bhahikile bhokong'u, akashumasha nabho kokehebrania. Akaghamba.