¹ " Bhatata weto na bhahili bhane, mwiteghero ubhwibheri bhwane bhono nkusha kobhakora." ² Amakomo hano bhaighure Paulo arashumasha nabho kukibrania, bhaghakila, akaghamba. ³ Oni numuyahudi nde, oni numuyahudi ne bhorwa kukyaro kyataso umughi ghwa kilikia na nyore ubhwegha kukyaro keno, momaghoro gha Gama lieli neghibhwi kohetela eshela ehene iyi mighilo ghyabha suwenyu. Oni nend umuananyo ghwa Waryobha, kyabhono mole bhonsigho merenge relo. ⁴ Nabhanyankeri kushera ene mpaka ughukwa, nkathoha abhashasha na abhakari nokobharekela mokebhohe. ⁵ Umusubhi Omonene na abhaka bhonsigho bharaweza kurusya obhohene igha na gheghile ebharua kurwa kobho kobha hili bhano harenge Dameski, kuoni okoghenda kuya iyo yale ndete abhanto Yerusalemu nkoshela ela ili bhabhohwe noghoteswa. ⁶ Hano naghendaga kansuntala Damesiki, enkagha yomobhaso kamwe igho obhorabhu obhonene bhokarwa ighoro iyo bhoka mereka. ⁷ Naghoye hanse kiighwa engamba ela ngambya, 'Sauli, Sauli kwake okonderya?' ⁸ Nkabhorya, 'uwe nuwewe, Omonene? Aghalebhya Oni noni Yeesu Omonazareti, nuwe okondorya.' ⁹ Bhara bhare naoni bhakamaha obhorabhu, tebhighule engamba yao la yashumashanga naonihe. ¹⁰ Nkaghamba, 'nkoreke, monene? Omonene aghatibhya, 'emela osohe Damesiki, iyo nolatebhibhwi kila kento keno oghotakerwa okore.' ¹¹ Tinatore komaha kobhorabhu bhora, ho nagheye Dameski kokorongoshwa na amabhoko gha bhara bhare nga naoni. ¹² Iyo nkasikana nomonto ono yabherekerwanga igha Anania, yarenge omonto ono yaghotile imighilo ono yasikwanga kobhoronge bhwa abhayahudi bhano bhaikaranga iyo. ¹³ Aghasha kuoni, akemela kobhoronge bhwane, nokoghamba, 'muhiri wane Sauli omahe, kosela nkamomaha. ¹⁴ Akaghamba, 'Waryobha wa tata weto aghushaghoye uwe amanye amaigha gha suwabho komaha omohene, nukwighwa engamba eno ikurwa mumunywa ghwaye. ¹⁵ Norebha umwimereli waye na abhanto bhonse bhano oloshe nu kwighwa. ¹⁶ Kwake okoghanya? Emoka, obhatisibhwi woghibhwi ebhebhe bhyaho, obhere kere ilina ryaye.' ¹⁷ Hano wakyore Yerusalemu, hano nasabhanga mwisengero, nkorokibhwa. ¹⁸ Mkamomaha arantebhya, 'Angoha urwe Yerusalemu bhongo, tebhaikeli uwe okonyemelela he' ¹⁹ Nkaghamba, " Omonene, abhene mbamanyire nabhabho hile nakabhatema bhano bhagwi keryanga mo masengero iyo. ²⁰ Na amanyinga gha shahidi waho umwimereli hano gheteywe, one wonse nemereye hang'e kwikerya ndarenda singibho syabha la bhamwitile." ²¹ Yantebheli kaghi oni nendaghotoma kobhanto bhibharo." ²² Abhanto bhaka mwikererya ashumasha kuling'ana reno, yahane kila engamba nokoghamba, "Rusya omonto ono kukyaro keno tarenge muya he kwikara. ²³ Hano bhahane kila engamba, oghotabhuta imyenda ghabho nokorekela urutu ighoro. ²⁴ Umusilikale omonene akahanerya Paulo aretwe mokebhohe, akahanerya abhoribhwi na eno aratemwa imishariti, amanye kwake bhamoranga ikituli kela. ²⁵ Hano bhamobhohile naghinsili, Paulo akatebhya omorendi ono yaimereye hang'i nawe, " Igha! Mbuya kobhenyu okotema omonto ono arenge umurumi na tatahanwa ekebhohe he?" ²⁶ Omorendi ola hano yighule amang'ana ghay, akaya kumusilikale omonene no komotebhya, " Nke ukutuna ko kola? Omonto Murumi." ²⁷ Umusilikale omonene akasha akamotebya, " Tebhya, Igha uwe wa ikyaro kya Abharumi ole? Paulo akaghamba, " Yee." ²⁸ Umusilikale omonene akaghamba, " Hano ndahetele ehela isharu ho nanyore ubhwikari." Paulo akamotebhya, Oni no Murumi uwa kwebhurwa." ²⁹ Bhano bhalenga bhuya Kuya komobhorya mbemokile bhakamutigha bhuyo bhuyo, Omonene wa abhasilikale akabhoha, hano yamanyire Paulo Murumi, Kobhora yamobhohile. ³⁰ Isho yako, to umusilikale omonene yatunile amanye obhohene bhwa Paulo na abhayahudi, hayo ho ya mweghoreye ebhebhohe bhaye akabhanderya abhasubhi bha amabharasha bhonswegho bhasikane, alaleta Paulo hanse nokomotola ghateghate yabho.