¹ Paulo akamahela abhanto bhalibharasha nokoghamba, " Bhahiri bhane, nikaye kobhoronge bhwa Waryobha nenkoro inshiya na lelo." ² Umusubhi omonene Anania akabhahamela bhala bharenga hang'e nawe bhamoteme umunywa ghwaye. ³ Hayo na Paulo yamotebheli, " Waryobha nuwe arateme, indighi eno yahakile ishokaa. Wikaye ora mobhoha kumughilo, nuwe okahamela ntemwe obhoghareku numughilo?" ⁴ Bhale bhemereye hang'e nawe bhakaghamba, " Igho nigho oghotoka umusubhi omonene wa Waryobha?" Paulo akaghamba, " Bhahiri bhane, oni tinamanyile igha ono numusubhi omonene. ⁵ Kobhora yandekirwe, tulishumasha bhoghogho ighoro yomokama wa abhanto bhaho." ⁶ Paulo hano yaroshe orobhara oromwe rwebhorasha na amasadukayo abhande abhafarisayo, ikahaneka akaghamba, " Bhahiri bhne, oni numufarisayo nde omona womufarisayo. Kobhono nkoghanya nde obhokare bhokonia abhaku bhano ndabhohwa nabho." ⁷ Hano yaghambile ghayo, ubhwighwelani bhokabhora, rikomo lela lekahokana. ⁸ Abhasadukayo nkoghamba bhare tebho ho bhohonia he, tebho ho bhononia bhwa barabhu he wala nkoro he, Abhafarisayo nkoghamba bhare ghayo ghonsigho hoghale. ⁹ Rihe rinene likemoka kobhandeki bhande bhano bharenga orobhara rwa Abhafarisayo bhekemela koghashumasha, bhalaghambe, " tototamaha kyokyonse ekeghogho komontono he. Ni yake hano enioro hamwe abharabhu mbashumashile nawe?" ¹⁰ Enkagha eno kyemokile ekeka ekenene, Omonene wabhasili kare yobhohile Paulo nakarutainwi amabharabhara nabhayo, akabhahama ba abhasilikale bhaike hanse konoghegha kusinguru kurwa kobhashama laribharasha nokomareta moka bhohe. ¹¹ Ubhutiko bwako omonene yemereye hang'e nawe akaghamba, " Tokobhohahe, kobhora wanyimerereye Yerusalemu, naarusi obhohene Roma." ¹² Hano bhwakeye, abhayahudi bhande mbaikererelaini nokobherekera obhosarya ighoro yabho, bhakaghamba tebhererya kyokyonse na hano bha lita Paulo. ¹³ Mbareho abhato ghokela emerongwe ene bhano bhakore ekenogho. ¹⁴ Bhakaya Kobhanene bha abhasubhi na abhaghaka nokoghamba, " Twitora abhene kobhosarya obhonene, twange korya kyokyoneehe nahano tulita Paulo. ¹⁵ Kohayo bhono, ribharasha retebhi omonene wabhasilikale amolete kobhenyu, nkyahano moghotaghanki amang'ana ghaye kobhohene. Bheto hang'e tore kumwita atarahika kobhenyu." ¹⁶ Omona wa mohara wabho Paulo yighure igha ekenogho kehayo, akaya akasoha mongome noghotebya Paulo. ¹⁷ Paulo akebherekera omorendi omwe akamotebya, "Ghegha umumula ono umuhile kumusilikare; ana eng'ana iyoko motebhya." ¹⁸ Hayo ho omorendi yagheghile umumula ola akamuhila kumusilikare omonene akamotebhya, "Omobhohe ono Paulo yare amberekeye yantebhya ndete umumula ono kuuwe. Yana eng'ana yokokotebya." ¹⁹ Omonene ola wabhasilikare akaghota umula ola okobhoko akamotola hanghare, nokomobhorya, " Nke ukutuna kontebhya?" ²⁰ Umumula ola akaghamba, " Abhayahudi bhaikerelaini kokosabha olete Paulo isho mobhara sha bhara tuna kughwigho amang'ana ghaye. ²¹ Ko hayo uwe toghaikerya he abhanto kohetera emerongwe ene nkumwiteghanerya. Bhaibhohile kobhosarya, tebhakanywa wala korya na hano bharimwita. Kola bhono hang'e bhare bharaghanya oro hosa kurwa kuuwe." ²² Umusilikale omonene akamutigha umumula ola akaya ighaye, hano yamare komotoma "Togha tebhya omonto wowonse igha ong'aye ghanohe." ²³ Akabhelekela abhalendi bhabhele akabhatebhya motoreho abhasilikale bhekwe bhibhele, kwahya kaisari nabha silikale bhano bhakulina sefarasi merongo muhungate, bhana amatimo bhekwe bhibhere, muryemoka urwiru rwa ghatato ubhutiko. ²⁴ Akabhatebhya motole sityenyi hang'e seno Paulo areghegha simuhiki bhuya Feriki Gavana. ^{25 26 27} Akang'ora ebharua kotemo eno, Klaudio Lisia wa Liwali omorabhu Feliki, ndaghokerya. Omonto ono yaghotirwe nabhayahudi hang'e bhamwite, hayo ho ngheye nalikomo yarya abhasilikare nkamotorya, hano nanyore amang'ana igha mwebhorwa wa Kirumi. ²⁸ Natomile komanya kwanke bhamoghambile, bhono hayo nkamuhila mwibharasha. ²⁹ Nkamaha igha mbamoghambile komang'ana ghumughilo ghwabho, nambe tiryaghambirwe ling'ana ryoryonse rykumwita au okomobhoha. ³⁰ Ho yamanye kaini kuoni igha mbana ekenogho nawe, kohayo nkamotoma kemwe kuuwe, nkabhatoma bhalete amang'ana ghayo kuuwe. Bhakaraghana." ³¹ Hayo ho abhasilikale bhara bhaikerei ekehendo kiyo, bhakabhegha Paulo ubhutiko bhakamuhila Antipatri. ³² Isho yako, abhasilikale abharu bhakabhatigha bhara bhakurina efarasi bhaghi nawe, nabho bhagha kyora mongome. ³³ Na abharini bhaghofarasi hano bhahikile Kaisaria, abhakahana tarishi ebharua ela, bhaghatora Paulo kobhoronge bhwaye. ³⁴ Hano omotarishi yasomile ebharua ela, akabhorya Paulo nkebhara ke urule, hano yamanyire igha monto wa Kilikia. ³⁵ Akaghamba, " Nindighwiteghera hano bharisha bhara bhakohamereyi," Akahamerya atorwe ikina ya Herode.