¹ Kushinsiko isano, Anania omokama omonene, na abhaghaka na omoghambi omwe ono akabherekerwa igha Tertulo, bhakaya hara. Abhanto bhano bhakaretha amashongero ko Paulo ko omonangwa. ² Paulo hano yaimereye kobhombere ubhwa omonangwa, Tertulo akawanza Kotebhya omonangwa, "Kobhara nuwe nthomanyire igha mbuya ore na kobhomahi bhaho bhorata ubwisiyora ubhuya mukyaro kyeto. ³ Kubhukumiya bhwonswe thorabhokera ekento keno kyonswe okokora, omokeri omoghongwa Feliki. ⁴ Kasi ntakakwisa bhokong'u ndakosabha unyitheghere amang'ana amake komorembe ghwaho. ⁵ Kobhora thunyore omonto ono umushema, araghira abhayahudi bhonswe kwibheroka mukyaro kyonswe igho na nomothangati uwa amanyumba aghaokosasamera agha abhazorayo (Okong'aseri: ahase ahamang'ana agha obhoronge bhono 24:6. ⁶ Nagwiki yathunire kosarya risengero nokorehaka obhoghogho kuriyo thoramoghota, thomo komang'ana amaiya agha kare) mahere obhoronge bhono. ⁷ Lisiasi, Omotangati yaishire nokomoghegha kushinguru momabhoko gheto thorenge ko-mathasandighi amaiya na amandeko agha kare). ⁸ Hano orathori Paulo komang'ana ghano kasi norathore kwegha igha nkenthoke thumshongeye nakyo. ⁹ Abhayahudi bhonswe bhakamshongera Paulo, bhakaghamba igha amang'ana ghano nobhohene bhware. ¹⁰ Omotarishi akamwinyokerya okobhoko kore Paulo aghambe, Paulo akahonshokya, nemanyire igha kumyoka imiyaru wabha umwamori uwa ekebhara keno, nakushomerwande okoghamba umwene hairuwe. ¹¹ Orathora komanerya thesheraheta shinsiko nokanyora irikomi na kabhere kukurwa narinire kosasama Yerusalemu. ¹² Na hano bhanyore mwisengero thena hemeraini na montohe ono wenswe gwiki thenakore rihe kwikomo na hatha munyumba iya okosasamera nokanyora mmughi. ¹³ Na thebhathore korokya hiruwe amashongero ghano bhakunshongera oni. ¹⁴ Kasi ndaikerya reno hairuwe igha kunshera era bhakobherekera ahokosasamera, kuiyo ndamokora Waryobha na bhathatha. Oni nomohene koghenswe ghano gharenge kumughiro na amandeko agha abharothi. ¹⁵ Nena obhokare bhorabhora kia Waryobha bhono hatha bhayo nkobhoghanya bhare ukusha ukwa ubhuryokya ubhwa abhaku, kobhonswe bhano bhana obhohene na bhano bhathana obhohene bhenswe. ¹⁶ Nakoreno ndakora emeremo kore nebhe na ukuthuna kono kothana obhoghogho kobhombere ubhwa Waryobha na kobhombere ubhwa abhanto kohethera amang'ana ghenswe ¹⁷ Bhono kumyoka imiyaru aishire koretha umuthuranio kukyaro kyane na okobhaha shehera. ¹⁸ Hano nakore bhono, Abhayahudi bhande abha Asia bhakanyora monse munyangi iya ubwisabhya monse iya erisengero nokanyora ndikomo iya abhanto bhano bhana obhosarya. ¹⁹ Abhanto bhano yare igha bhabheho kobhombere bhwaho bhonaigho na bhaghambe kenonenakyo ighoro yane hano oranyore bhana eng'ana eno yonswe. ²⁰ Kase abhanto bhano abhene bhaghambe nkenasarya kenobhanyora hareroni hanonaimereye mwibharasa irya Abhayahudi. ²¹ Kasi nkokento kemwe kenonaghambire bhokong'hu hano naimereye ghathoghathe iyabho, nkobhora ubhuryoki ubhwa abhaku bhenyu moramboha. ²² Feliki yanyore athebibhwi bhuya kobha kunshera akaghuthiambia umughutano akaghamba, " Lisia Omosirikale omonene hano arisha hanse kukurwa Yerusalemu nindirusya ubhwamusi kukoshongerwa kwenyu. ²³ Neho yathebheri omothomwa amorende Paulo kasi abhe numweya naathakabha ho omonto ono akokani abhasani bhaye bhathamothorya na bhathakamothara ²⁴ Kushinsiko nyabhorebhe, Feriko akaringa na Durusira mokaye ono yare umuyahudi, akathoma amobherekere Paulo na akaighwa kukurwa harewe amang'ana aghukukumiya mwa Kiristo Yeesu. ²⁵ Kasi Paulo hana yare akeghamba nawe kobhohene okobha nekerengere na ubhuku bhonobhurisha, Feliki akabha nobhobha akamotebhya kai hare bhono, kasi hano ndanyore enkagha nendakobherekere." ²⁶ Enkagha iyo iyo yamanyire igha Paulo naramohe shehera kuriyo akamobherekera enkagha yende akashumasha nawe. ²⁷ Hana imiyoka ebhere ghyahethire Porkio Festo akabha omotharishi hano Feriko yarureho kasi Feriki akathuna kwihanshania kobhayahudi igho akathigha Paulo hanse kobhomaheri.