¹ Neho Festo yasohire ku-mughi omonene ghuyo na kushinsiko isatho akaya kurwa Kaisaria akahika Yerusalemu. ² Omothangathi uwa bhayahudi ono amanyirwe bhakareta ubhushongeri hare Paulo ko Festo, bhakasumasha kushinguru na Festo. ³ Mbasabhire Festo abhatori ko mang'ana agha Paulo athore komobherekera Yerusalemu kore bhathore kumwethera kunshera. ⁴ Kasi Festo akabhatebhia igha Paulo nomobhohe yare Kobha Kaisaria na kobhora we umwene nararingebhongo. ⁵ Akaghamba kubhuyo bhara bharathore mbarathore kuya iyo nabheto. Onyore keho ekento ekeghogho komonto uyo marathore kumshongera. ⁶ Kobhora yaikaye shinsiko monane kasi ikomi ighoro, akaringa Kaisaria na urusiko rono ronorwoseye akaikara kukithumbe ikya ukumo akabhathebya Paulo arethwe harewe. ⁷ Hano yahikire abhayahudi kukurwa Yerusalemu bhakaimera hang'i bhakarusya amashongero amaru amaritho ghano bhathathore koghorokya. ⁸ Paulo akaimera akaghamba, thekurina irya Abhayahudi, thighoro iya risengero na thighoro iya Kaisaria nakora amaghogho. ⁹ Kasi Festo yathunire kwihanshania kobhayahudi, na hayo akamothebhya Paulo nokobhamba, " kase nkuthunore kuya Yerusalemu nokosomerwa ekebhohe naoni komang'ana ghano iyo? ¹⁰ Paulo akaghamba, ndaimere kokete ikya ekebhohe ikya Kaisaria hano hakuthuna igha mbohwe. Thendasarya abhayahudi he na nkyabhono omanyire igha mbuya. ¹¹ Hano oranyore nensari na hano oranyore nenkore eno ekoretha uruku.Thinkwanga kukwahe. Nahano oranyore amang'ana ghabho thekentohe, thaho monto ono arihira harebho he. Ndasabha Kaisari. ¹² "Hano Festo yamare kushumansha na iribharasa akaghamba, " orasabha Kaisaria norayi Kaisaria." ¹³ Hano shyahethire shinsiko nyabhorebhe omokama Agripa na Bernike bhakahika Kaisariya kowinara ho kemwe ko Festo. ¹⁴ Hano bhaikaye hayo kushinsiko shinsharu Festo akaretha ubhushongeri ubhwa Paulo ko monene akaghamba, omonto omwe yathighire hano na Feliki kyo omobhohe. ¹⁵ Hano nare Yerusalemu abhasubhi abhanene na abhaghaka abhayahudi mbarethire ubhushongeri ighoro iya omonto ono heroni, nabho bhakabhorya ighoro iya ekebhohe kyaye. ¹⁶ Koreno oni nabhatebhiri igha thethemo yetho iya abharoma kurusya omonto orobhara oromwe nokanyora nigho umushongerwa uyo umshongerwa nkobhare numweya ughwa okobhaikerya abhashongeri bhaye na okosabha komasaryo ghayo. ¹⁷ Kubhuyo hanobhaishire hamwe hano thenathore koghanya he, kasi urusiko rono rwarobhire ko naikaye kokete ikya ubhukumo nokokang'aserya omonto arethwe monse. ¹⁸ Hano abhashongeri baimereye na ukushongera, naitheghereye igha thana amashangero amanene ghano gharethirwe kowe. ¹⁹ Koghayo mbahonshorananga amang'ana nyabhorebhe hamwe nawe kudini yabho na kuu Yeesu onowanyore akure, kase Paulo araghambaigha nomohoru. ²⁰ Nanyore mbisirwe kyabhono ndama he eng'ana eno nankamobhorya hano okanyore nogheye Yerusalemu kobhohwa komang'ana ghano. ²¹ Kasi Paulo hano yabherekeywe hanse iya obhorendi ubhwa omokama nabhathebheri bhamothore mbaka hano ndimuhira ko Kaisari. ²² Agripa akashumansha na Festo, "nenkathunire nitheghere omontho ono." Festo, akaghamba, isho urimwithegera." ²³ Igho isho yako Agripa na Bernike bhakahika ninyangi insharu bhakahika hano bhakwikomania naabhanene abha abhasirikare, hamwe nabhanto bhono bhamanyekaini mumughi na Festo hano yarusiri ehamuri, Paulo aretwe harebho. ²⁴ Festo akaghamba, " Omokama Agripa, na abhanto bhenswe bhano bhaho hano nabhetho morahana omonto ono irikomo ryonswe irya abhayahudi iyo Yerusalemu na hano honswe bhathunire mbaghambani nabho bhakakora ikithuri haroni igha athakamenya. ²⁵ Naroshe igha thakore keno kyonswe he keraghire akwe he kasi kobhora mobherekeye omonene naroshe igha muhire herewe. ²⁶ Kase thenena kento keno kerenge bhoronge keno ndandeke kuya komokama. Koreno, mmorethire hairuwe, na hairuwe umwene omokama Agripa kore nebhe nekento ikyaukwandeka kubhushongeri. ²⁷ Kobhora nkomaha thenthorehe ukuhira omobhohe na nthaorokeri amashongero ghano ghamoghothire.