¹ Kuigho, Agripa akateebhya Paulo, nkotora ore kwihenera neho Paulo inyokeri okobhoko kwaye akaghamba igha. ² Nshomeywe bhokong'u, Omokama Agripa, kobha nkure amalalameko ghane kuuwe, komalalameko ghonswe kobhayahudi. ³ Na kobhono uwe nomong'aini ore kosedesturi syabhayahudi namabhoryo. Ndasabha nyitegheere kobhoghomeeryo. ⁴ Obhohene abhayahudi bhonswe mbamanyire bhono nakiniire kukurwa kubhumura bhwane, kukyaro kyane kya Yerusalemu. ⁵ Mbamanyire kukurwa kare nabharatakerwa kwikeerya igha namenyanga kyomofarisayo, ridhehebu reno rena ubhwamori obhokong'u kusidi ni syeto. ⁶ Nimereye hano nhokomerwe kokibha oni nmaheeranga amahederwa ghno Waryobha yakore kobha taata bheto. ⁷ Ghano namahederwa ghno ibhyaro ikomi nabhere gharaghanya kohanwa, nyoore mbaikerya Waryobha ubhutiko nombhaso, nkomaghanyeero ghano omokama Agripa, kobha abhayahudi bharandaramekeera. ⁸ Nkwake kobheenyu omwe arakanya mboghogho Waryobha ukuryokya abhaku. ⁹ Enkagha emwe na oni umwene igha nenkakoore amang'ana amaaru kurina rya Yeesu uwa Nazareti. ¹⁰ Nakoore ghano ku Yerusalemu; nabhohire bhano bhaikeeryanga Waryobha, na narenga nobhotonge kukurwa kobhanene bhabhasubhi, na hano bhaitwanga. nabhatemeye ekorra. ¹¹ Enkagha insharu nabhatemire mo masengeero, na bhateebhyanga bhange ubhwikeerya bhwabho, nabharerereye na nabhakenyeri kumughi ghwabhagheni. ¹² Enkagha eno nakoranga ghayo, nagheye Dameski, nena obhotonge namaragheeryo kukurwa kobhasubhi abhanene. ¹³ Hano narenga konshera enkagha yomobhaso, omokama, naroshe obhrabhu kukurwa kighoro ghono ghwasambanga kokera iryobha, nangwatora bheeye kutwinaarya, oni nabhanto bhano twaghenda nabho. ¹⁴ Twaghooye hanse na tokaighwa inkubha enene eraghamba naoni kokeghambo ikya Kiebrania Sauli, Sauli! nkwake ukunyahaara? No kokong'u kuuwe okotema eritemo. ¹⁵ Neho naghambire, uwe nuweng'we omonene akamohonshora, oni nini Yeesu ono ukunyankya. ¹⁶ Bhono emoka wimeere, kokobha oni mahekaini kuuwe, nkushghooye kobha omotomeki nomokori wamagn'ana ghayo nakomang'ana ndikorokya. ¹⁷ Na nendakotoori kukurwa kobhanto bhibhyaro bheno ndakotomeko, ¹⁸ kweghora amaisko ghambo nokobharu sya mukisunte kuya kobhorabhu, na kukurwa kisinguru syoghosambwa nukwisyoorya Waryobha, kuigho bhabherwe na Waryobha komasaryo kobhara nahooye kukunyikeerya oni ¹⁹ Kuigho omokama Agripa tinangire gamamaho ghakighorohe. ²⁰ Kasi kobhaara bhareenge Dameski mbarebha abhambere, nukufaterwa abhaYerusalemu nikyaro kyonswe kya Yedea, na gwiki kobhanto bhibhyaro bhyende, nabhahotobheye bhakyoore Waryobha. ²¹ Kubhuyo abhayahudi mbangoteeye mwisengeero, bhakatuna kunyita. ²² Waryobha akantoorya mpaka bhono kuigho nendaimere nokoteebhya abhanto, abhake nabhanene koghano abharoti na Musa bhaghambire ngarisha. ²³ Kobha Kristo narinyankibhwa na narebha omotangoori kukunyoka kukurwa kobhaku, nokobha obhorabhu kobhayahudi nabhanto bhibhyaro bhyonswe ²⁴ Paulo haneo yamare koghamba, Festo akaghamba kunkubha enene, "Paulo, uwe mushuru ore! omasomo ghaho ghakokoore ushurure. ²⁵ Kasi Paulo akaghamba, oni mushuru nde, omonene Festo; kasi kushinguru nkoghambande amang'ana ghobhohene. ²⁶ Kobhono omokama namanyire amang'ana ghno, na kuigho nkushumashande kobhuhuru kuwe kobhono nena obhohene kobha tereho ryoryonswe reno ryabhiswa kowehe. Kokobha leno tiryakorwa hagharehe. ²⁷ Kuigho nkwikeeryore abharoti omokama Agripa? Nemanyire nkwikeryoore. ²⁸ Agripa akateebhya Paulo konkagha enke oratora kontebhya na nkabha umukiristo? ²⁹ Paulo akaghamba, "Ndasabha Waryobha konkagha inyeng'e hande entambe, kobhonswe bhano bhakunyitegheera bhabhe kyaoni, kasi bhatakaabha ni minyooro ghyokobhohwa. ³⁰ Hayo neho omokama yimereeye, nu-muliwali, na Bernike, nabhara bharenga bhaikaye hamwe nabho, ³¹ hano bhatanooye murukumbi bakashumasha nokoghamba, " omontono takotakerwa nokobhohwa he. ³² Agripa akateebhya Festo, omontono nakatore kutighwa nkobhono yahirwa Kokaisari."