¹ Hano yaikeeribhwi kobha toratakerwa kughya italia mbahaye Paulo nabhabhohe bhande komonene wabhasirikare abheekeroma ono yabherekenanga Julio, uwa ekekosi kya Agustani. ² Tokarina emeli kurwa Adramitamu, eno yahongoranga mongegheni ya mbareka ya Asia, kuigho toka soha muunyansha. Aristaka kukurwa Thesaronike yamakedonia akasha tokakya nawe. ³ Urusiko rwakabhere torehika kumughi ghwa Sidoni, hayo neho Julio yakoreye Paulo ubhuya na akamwikereerya kuya kobhsani bhaye. ⁴ Kukurwa hayo tokaye munyansha tokaghenda kwinaara righinga rya Kipro reno retare nomokama umwaru, kobhono omokama ngwatunyankyanga. ⁵ Hano twamare koghenda komanshe ghano gharenge hang'e na Kilikia na Pamfilia, tokasha mira, umughi ghwa Lisia. ⁶ Hayo omonene warijeshi ryekeroma akanyoora emeli kukurwa Alexandria eno yayanga Italia. Akaturiinhya monse. ⁷ Hano twamare kughya ng'orang'ora kubhuhiko tokahika kwanyaanko hang'i na Kinidas, omokama ghokatokanhya tokanga kuyo nenshera iyo, kuigho tokaheta mongegheni iya ikiriri kya krete hang'i na Salmone. ⁸ Tokaheta mongegheni iya inyansha kukunyanka, tokaya tokahika hano hekobherekerwa Fari Haveni hano harenge hang'i numughi ghwa Lasi. ⁹ Twagheghire enkakgha insharu, nenkagha yukughira ibhyakorya iya ekeyahudi yarenge ehetire na mboghogho bhware okoghenda, na Paulo akatokaanhya, ¹⁰ na akaghamba "abhashasha, ondamahe oroghendo rono torobhe ruyahe, tikumirigho nemelihe kasi gwiki nkobhohoru bhweto. ¹¹ Kuigho omonene warijeshi ryekeroma akamwitegheera omonene waye umwene meli, kokera amang'ana gha Paulo. ¹² Kobhono ebhandari tiyarore bhuuya kusikaraho enkagha yembeho, abhaghendya bhemeli bhakaghamba turwe ho natokore bhobhonse tohekere umughi ghwa Foinike twikare hayo enkagha yambeho. ¹³ Omokama ghwa hoosi hano ghwa wanzire kuhuta ng'ora, abhaghendya bhemeli bhakaika enanga nokoheta kumuhiko ghwa krete haang'i ninyansha. ¹⁴ Kasi konkagha enke, omokama umwaru ghono ghwabherekeeywe ughwa soome roghoro ghokatotema kukurwa bhumbu yarighinga. ¹⁵ Hano emeli yakerwe kotora omokama takaikeerya kuhirwa nagho. ¹⁶ Tokaheta orobhareke rono omokama ghwakingirwe na righinga reno rekobha rekerwa kauda , na kunyanko tokatoorya ubhwato. ¹⁷ Hano bhamare kughiruta, bhakaghebhoka nurusiri, mbobhohire kobha ntokatore kuya komosense umwaaru ughwa syiti kuigho bhakaitumya enanga. ¹⁸ Twatemirwe nomokama umwaru, nurusiko rono rwafateeye abhendeshe bhakatabhuta imirigho kukurwa momeli. ¹⁹ Urusiko rwakatato bhakawanza kurusya amanshe namabhoko ghabho. ²⁰ Enkagha eno iryobha na sinyonyori setato morekire, omokama umwanangwa totemire, namaghanyo ghokotooribhwa ngahooye. ²¹ Hano bhagheeye enkaagha insharu bira ibhyakorya, Paulo akaimeera ghateghete yabhendesha akabhatebhya Abhashasha mwatakerwanga muunyite gheere, totokaihire enanga kurwa Krete he , maha tunyoore inyanko. ²² Bhono ndabhateebhya motakobhoha taho monto arakwehe, kasi okosarekerwa emeli. ²³ Kobhono ubhutiko malaika wa Waryobha, Waryobha ono yambombana ono nkwikeeerya, malaika waye yimereeye mbareka yane. ²⁴ Na akaghamba, " Otighe kobhoha Paulo. Nolaimere mbere ya Kaisari, namaha kubhuya bhwa Waryobha yakohaaye bhano. ²⁵ Kuigho, abhashasha motakobhoha kobhono nkwikeeryande Waryobha na nerabhe kyaigho mbatebheri. ²⁶ Kasi ntoranyahareke kokotemwe momaghinga ghande. ²⁷ Hano bhwahikire ubhutiko bhwa ikomi na-nne hano twahirwa hirwanga kunyansha ya Adratik, kubhutiko ghate abhaghendya bhakakanyaigha bhahikire hang'i yikyaaro. ²⁸ Bhakarenga amanshe na bhakanyoora obhotambe meta merongo etato na isansabha, konkagha enke gwiki bhakarenga bhakanyoora meta merongo ebhere na muhungate. ²⁹ Bhakobhoha igha bhako kwitema amatare, kuigho bhakaikyasenanga inye, na bhakasabha inkyo ihike bhongo. ³⁰ Abhaghendya mbatunanga enshera yukutigha emeli bhatanore, bhakaikya shebhoti shenke isyokotoora abhanto na bhakaikorya igha bhararekera enanga mbere yebhoti. ³¹ Kasi Paulo akateebya umusirikare ora we keroma na -bhasirikare, abhande temohoneshe, labha abhanto bhano bharatigha momeri." ³² Kuigho abhasirikare bhakabhotora urusiri rywa eboti na bhakaghitigha ikirwe namanshe. ³³ Enkagha eno obhorabhu bhwanyinkyo bhwamahekaini, Paulo akabhateebhya bhonswe bhare hakigho, akaghamba, rono nurusiko rwaikomi nakanne moraghanya bira korya. ³⁴ Kuigho ndabhasabha mogheghe ubhyakorya bhekigho, bhebhatoori kobhohoru bhwenyu, na terohu hata rutukya romwe urwa emetwe ghoyenyu rono rurisira. ³⁵ Hano yamare koghamba gheyo akagheghe omokate akasabha Waryobha mbere yamaiso ghabho gwiki akabhotoro omokate akarya. ³⁶ Kuigho bhonswe bhakaghegha ibhyakorya bhakarya. ³⁷ Twarenga abhanto 276 monse yemeli. ³⁸ Hano bhamare korya nukweghota bhakatabhute engano momanshe emeli ekahoha. ³⁹ Hano bhwagheeye kokya, tebhamanyire ikyarohe, kasi bhakamaha ikyaro keno kyasoha momnshe kena omosense umwaru, bhakateebhanhya nyoore mbatore kuhira emeli hayo. ⁴⁰ Kuigho bhakanynyoghya nokotanshora senanga bhekasitigha momanshe, konkagha iyo iyo bhakanyonyoghya sinsiri syntanga bhakainyokya kighoro, kobhatya komokama, na bhkabhata kohase hayo homosense. ⁴¹ Kasi bhakasha hano ubhyoro bhibhere bhyamanshe bhikusikanera nemeli ekabhata komosense, na mbere yemeli hakangera hayo na teharurehohe, na mbere hakabhoneka na mayengo ghinyansha. ⁴² Ikiina kyabhasirikare bhara kyare nukwita abhabhohe, na takabhayeko ono akeremire nokokenya. ⁴³ Kasi umusirikare wa rijeshi ryekeroma yatunire kotoorya Paulo kuigho akanga ikina kyabho na akabhateebya bhara bhakotora kwerema, bhabhuruke kurwa momeri bhagheende kukyaro. ⁴⁴ Gwiki abheshasha mbarabhasorane abhande kighoro yebhento bhyende bhya emeli. Konshera iyo bhonswe ntorahike bhuya kukyaro.