¹ Hano twahikire bhuya, nthwamanyire igha righinga rerabherekerwa igha Malta. ² Abhanto bhahare thigha mbathohaye obhohansi obhoke, kase mbaokeri omoro na okothobhokera bhonswe kobhora imbura na embeho yarekoghenderya. ³ Paulo okanyora okomaini imirigho igya senkwe nakeshethora mo-moro, ishoka enke eno ena isumu ekarwa mosenkwe shera kobhora ibhyoha mbiaru bhiyare na ekainara ko-kobhoko kwaye. ⁴ Abhanto abhahara abhahara hanobharoshe ithienyi yithundiri kurwa ko-kobhoko kwaye bhakaighambania abheno ko bhene, omontono kobhohene numwithi ano ang'osesire kurwa munyansha, kasi obhohene thibhukuthuna amenyehe. ⁵ Kasi we akamothabhothera ithienyi ko-moro na thianyore inyanko eno yonsweigho he. ⁶ Bho mbamoghanyire igha abhimbe komareria kasi aghwe bhongo na akwekasi hano bhamomahereye konkagha enthombe nokomaha igha theho ng'ana eno ethare iyokothakya hare we mbasiyori amatheghero ghabho nakoghamba igha okanyore ono Waryobha. ⁷ Bhono ahasehare hanghi hare na rirobha irya omonene uwa righinga, omonto ono yabhereywe igha Pablio. Yathobhokere na ukushomerwa kushinsiko isatho. ⁸ Akarwera ha suwabho Pablio akaghothwa na amareria hamwe norosaho. na Paulo hano yamoghereye, akasabha, akathora amabhoko ighoro yaye naakahwena. ⁹ Hano reno ryamare kobhaho, abhanto bhande kwighinga hara mbaroye bhare nabho bhakaya harewe bhakahwena. ¹⁰ Abhanto bhakathosoka kosoko enene hano thware kukuthuna kothanora, mbathohayebhera thware kuthuna. ¹¹ Hano gyahethire imieri ethatho, nthwagendire mo-meri iya isikanda eno yanyore ethemirwe na embeho mwighinga hayo, na abhathangathi, bhaye mbarenge ebhesare bhibhere. ¹² Hano yabhaye igha thosohire mumughi ughwa sirakusa, thokaikara hara sinsiko isatho. ¹³ Kukurwa hara nthwageye kumughi ughwa regio. Bhano rwahethire urusiko oromwe omokama ughwa soome ghokabha ho kamwe igho, na kushinsiko ibhere thokahika kumughi ugwa Putoli. ¹⁴ Iyo nthwanyore abheto bhano bhaighure amang'ana getho mbaishire kuthuthurung'ana mushiro iya Apias na moshehoteli isatho. ¹⁵ Paulo hano yaroshe abhabo bhara akakumya Waryobha akaihana obhokare. ¹⁶ Hano twasohire Rumi Paulo akathebhibhwa amenye umwene hamwe numusirikare moyare komorenda. ¹⁷ Kase yare kushinsisko isatho Paulo akabhabhekera hamwe abhashasha bhara bhare abhathangathi ko bhayahudi. Hano bhaishire hamwe akaghamba harebho, " Abhetho, hamwe kuriyo thendakora engagho eno yonswe he kobhanto bhano kasi okokora eno ethathubhaini na amang'ana agha bhathatha bhetho bhano bhathangathire narusibhwi kyo omobhohe kukurwa Yerusalemu kuyakomabhoko agha Abharumi. ¹⁸ Hano bhambori, mbaighombire kohathera mbe harabhu kobhora thenare nang'ana heroni iyukughira hirwe kwithwa. ¹⁹ Kasi abhayahudi bhara hano bhashumanshire bhone ethare inyonta yabhayaghire nkasabha bhanyithegere bhohya kuya Kaisaria nokanyora thiyare igha ndaretha amashongero ighoro iya ekebhara kyane. ²⁰ Kobhora nakengire obhohonshoro bhwane kubhuyo nasabhire komahana na ukushumansha nabhenyu. na nkekera keno Israeli ana obhokare kokyo, nkabhohwa nekebhohe keno. ²¹ Hamwe bhakamotebya, "Thethwakanyore inyarubha kukurwa Yudea enoekoghamba uwe, kasi thiashire umwetho na ukurusya amang'ana nakoghamba enoyonswe engogho eno ekoghamba uwe. ²² Kase thorathuna kwighwa kurwa haruwe nke ukwitheghera koreno kwikomo irya abhanto bhano, kobhora nemanyekaini hare bhetho igha thirikushumansha kobhetho bhuyahe hase honswe. ²³ Hano bhanyore bhathighire shinsiko harewe abhanto abharu bhokong'u bhakamweshera ahase hara yare amenyire. Akaghamba eng'ana era harebho nukwerokya kobho bhokama ubhwa Waryobha. Akathora kobhathebhya komnya Yeesu, kobhono bhonswe kabhere kukurwa kumighiro igya Mosa na kukurwa kobharothi, kukurwa inkyo na komoghorobha. ²⁴ Abharu bhabho mbaikereyi komang'ana ghara ghaghambire, enkagha yende thebhe kumiri he. ²⁵ Hano bhangire kwighwerana abhene kobhene mbathanoye hano Paulo yaghambire eng'ana emwe, "Omokama omohoreru ghokaghamba bhuya kohethera Isaya omorothi kobha thatha bheto. ²⁶ Akaghamba, "kayi kobhanto bhano oghambe, "Komathwe ghenyu moraighwe, kase themomanye he nakomaiso ghenyu mmoramahe themomanyeri he. ²⁷ Kughira mumiyo ighya abhanto bhano ghebhaye emeroseru, amathwe ghabho ghaighure kunyanko, bhahundiriyi amaiso ghabho kori igha bhathasha komnya na amaiso ghabho nukwighwa na amatwe ghabo, nokomanya mumiyo ghyabho nukwisyorya gwiki na nenkabhahoneri." ²⁸ Koreno morathora komanya igha bhono nobhohoru ubhwa Waryobha mbwahirwe kobhanto abhakyaro, na bhakaitheghera (kang'aserya ubhoronge bhono. ²⁹ "Enkagha eno bhaghmbire amang'ana ghano abhayahudi mbathanoye, bhakabha amahambanio amanene kobho abhene, "thebhomo koshe mbara isya kare). ³⁰ Paulo akaikara kunyumba yaye iyo kohaka kumyoka gyonswe ebhere na akabhaikeria bhonswe bhano bhaishire herewe. ³¹ Yare koghamba amang'ana agha obhohoru ubhwa obhokama ubhwa Waryobha na yare kweghiya amang'ana ighoro iya Omonene Yeesu Kiristo kushinguru shonswe thaho ono yamokaneri.