¹ Obhoghambi bhono no bhohene. Nyore omonto aratuna obhthanghati aratuna omoremo umuya. ² Ko hayo omotangati atakabha risoro he. Abhe umshasha wa omokari omwe, abhe ne kerengere, omoragherya, abhe omohabhu, omosoku. Na abhe ono amanyire kwengiya. ³ Atakanywa amarwa, atakabha omoroni, iila abhe omohabhu, omorembe. Atakahanshe shehera. ⁴ Abhe ono akwimerera inyumba yaye umwene bhuya na bhana bhaye nigha bhamohane esoko yonswe. ⁵ Hano aranyore omontho akirwe kwimerera inyumba yaye umwene nathora ekanisa ya Waryobha? ⁶ Atakabha omosasami omohya, kagera atakasarya no kosoha mokebhohe kyimubhisa. ⁷ Abhe omohene kobhakebhara bhonswe, atakanyora esoko ko methego gya bhabhisa. ⁸ Abhashemasi bhonswe, bhatunwa igha bhonswe bhabhe ne soko, bhatakabha abhanto bhano wakwisiorya. Bhatakanywa amarwa maru he na bhakabha bwighobi. ⁹ Momanye kunagia komioyo imiya geno gena ubhukumyo. ¹⁰ Bhabhe igha bharoshwe mbere, bamare bhakore emeremo imiya gheno gethana kinyeheryo. ¹¹ Abhakari bhonswi bhabhe na soko. Bhatakabha abhishogania he, bhabhe ne kerengere na abhahene komang'hana gonswe. ¹² Abhashemasi nubwa abhashasha na abhakari omwe omwe. Nigha bhatere kuimerera bhuya abhana bhabho mumigi gyabho. ¹³ Kobhora bhara bhakora bhuya bhanyore ubhuya no obhokare obhonene ko ubhukumya. ¹⁴ Ndandeka amang'ana ghano haruwe na nditegera kusha haruwe bhongo hano. ¹⁵ Okobako hano, ndatete, nkobhandekerande mnyore komanya bhono morageneri mnyumba ya Waryobha hano mrenge ahoko sasamere Waryobha omohoru, umutimo na othorya omohene. ¹⁶ Na thikwangwa he obhohene uburyobha bhono bhuhonyowe nobhonene yaroshwe komobhere, akaikerebwa na enkoro, akamahwa na abhanto abharabhu, akararekwa mokebara akahansha nekebhara na akagegwa igoro kobhonene.