¹ Bhono omokama araghamba bhorabhu igha ko shinsiko sherasha abhamwe mbaratigha ubhukumya no okobha ukwaangarra na ukwithegera omokama shendong'o na amegya agha ekesambwa ghano gariegibhwa. ² Ko obhorongo no obhonghaneryo. Ukuthuna kwabho nkora sioribwi. ³ Mbarabhani kothetha na okogegha ibyakorya bheno Waryobha ya bhomire igha bherebhwe komukumo ko bhara bhakumukumia na bhano bhamanyire obhohene. ⁴ Kobhuyo kera kento keno Waryobha abhombire ni ikiya. Tekehohe keno thokoghega ikya umukumo keno kikwangwa. ⁵ Kobhora kekorabhibwa kurina irwa Waryobha na konshera ya amasabhi. ⁶ Hano arathore amang'ana ghano mbere ya umhiri, no rabhe omothomwa umuya uwa Yeesu Kiristo. Ko bhora washonibwa ko mang'ana ubhukumya na ameigya amaiya ghano ogothire. ⁷ Kobhuyo mwange amaghano agha ekyaro ghano ghahanshirwe na abakari abhakungu. Koghayo, mwange abhene ko kubhuya. ⁸ Kobhora ameigyo oghomobhere ghara ngaarra amake, okobha omontho ono akosasama enonkwe orang'aara ko ghonswe bhokong'uu ko amang'ana ghonswe. Arabheka ekento ko obhomenyi ubhwa bhonigo na bhora bhukusha. ⁹ Obhotomwa bhono no ubwa obhohene na erathunwa ukwikeribwa bhokong'uu. ¹⁰ Kobhora ko ung'ana eno thoranyankya na okokora emeremo kwa nguuru bhokong'u. Kobhora thona obhokare ko Waryobha ono arenge omohoru, ono arenge omothorya uwa abhanto bhonswe, okobha ko bhara bha kukumya. ¹¹ Oghaghambe na ukweigya amang'ana ghayo. ¹² Omonto ore onswe athakasera ubhumura bhwaho. Ko bhuyo obhe uwa ukuthubhanya, kobhonswe abha umukumyo, ko bhoghambi, obhogenderyo, obhohanshi, obhohene, no obhorabhu. ¹³ Mpakya hano ndisha, menya ko amasomo, koogokania, na kokweghia. ¹⁴ Athaka sera obhong'aini bhono onabho bhono wahaywe ko okohethera okothorerwa amabhoko na abhaghaka. ¹⁵ Wangarre amang'ana ghayo menya koghayo kori ukukuna kwaho kwankwibhisa kobhonswe. Angarra bhokong'uu ajmagenderyo aghaho na ameigya aghaho. ¹⁶ Momenye ko mang'ana ghano koobhora ko oghokora igho nurithori umwene na bhara bhakukwigwa.