¹ Koghoswigho, ndatuna obhosabheri, ubhukumya, bhokoreke, kobhanto bhonswe. ² Kukughira igha yobhokama bhonswe bhono bharenghe koboroghe yaregha tomenye ko morebhe na bhansokwa bhonswe. ³ Leno ndiya kwikereribhwa mobhoronge bhwa Waryobha umutughirya weito. ⁴ Kwighobhera abhanto bhonswe bhatoribhwi bhamanye obhohene. ⁵ Kobhora Waryobha nomwe na omoghotana nomwe Waryobha na abhanto newe Kiristo Yeesu. ⁶ Yairusiri umwene akahakera abhanto bhonswe kobhohene bhwenkagha yumuhiko. ⁷ Kubhuyo oni umwene nakorwe kobha umwitegheri injili yomotomwa eghana ya heene. ndaghabha obhheene tekoghabha bhoronghohe oni mumwe ghyande wa bhanto. ⁸ Kubhuyo ndatuna abhashasha hano bhare bhasabhe na kwinyokaa amabhoko amahoreru bhatakabha nekoro yamaiteghero. ⁹ Bhuyo bhuyo ndatuna abhakari bhabhoheene sighibho seno sikwikereribwa esoko nu kwirebheraa tebhakabha na ghintuke gheno ghisukiree esahabhu kasi lulu kose imyenda ghabho ghori obhonene. ¹⁰ Ndatuna bhaibhohee imyenda gheno ghebhaingareye abhakari bhano bhakwikeraa. Kohetera amag'hana amaiya. ¹¹ Omokari yeghe obhongo meera nokosoka. ¹² Tikwikeraga omokari alighi hee atakaghabhera, omoshasha hee yikare akiree. ¹³ Kobhora Adamu yabhobhirwe mbele akamara Eva. ¹⁴ Adamu Tiyang'hainirwe hee, Omokari wee yang'hainirwe kyemwe. ¹⁵ Naigho naratoribhwi kukwebhora kwaye abhana, nyore naraghenderi kosasama nukwikera amang'hana amaiya.