¹ Muje chisubhe ku latabhugenyi, kulwokubha achibhutuye bhibhutu, bhutu nawe kachiosha achiyae ebhironda, nawe kachibhoya ebhironda byeswe. ² Kumara nsiku ebhili kachisurula, olusiku lwa kasatu kachimusha nichikara imbele yae. ³ Naswe chimumenya latabhugenyi echigendelela okumumenya latabhugenyi , okuja kwae ni chimari lwa katonda, kaja kweswe lwa ing'ubha, lwa ing'ubha yokwamba inu eigwila insi. ⁴ Efraumu, nikukole kutiki? Yuda nikukole kutiki? Obhurengelesi bwo nilwo bhwire bwa katondo, lwe chime echigwa katondo. ⁵ Kulwejo nabhabhutuye bhibhutu, bhibhutu kulwe eminwa ja bharagi, nibhetile kulwa magambo go munwa gwani. Malagiliro gao ga;li lwo obhweru bhunu obhumulika. ⁶ Kwo kubha enenda obhulengeresi nawe ntari echitambo no kumumenya Nyamuanga kuliko ebhiyanwa byokusingalisha. ⁷ Labha Adamu achibhutura liragano bhatari bharengesi kwanye. ⁸ Gileadi echikale cha bhanyamke bha magulu ga amanyinga. ⁹ Bhalilwo bhwanfu bhwa abhasakusi bhanu bhatendeshishe omunu, kulwejo habhagabhisi habhajokubha amwi okukola obhwiti munjira ya Shekemu bhakolele obhunyamuke bhwa jiswalo. ¹⁰ Munyumba ya Israeli nalo omusango mubhibhi obhusiani bya Efraimu bhuri aliya na Israeli ayanilwe obhujabhi. ¹¹ Kwo kubha awe, Yuda ebhigeswa byauywe, Anu nilisubya omwandu gwa bhanu bhani.