¹ Mutegeleshe ganu, abhagabhisi! mubhe bhetegelesha, Munyumba ya Israeli! Mutegeleshe Munyumba yo mukama! kwo kubha lindamu ilija ingulu yemwe bhone. Mwabheye mitego leyo Mizpa na jiwaya jinu jitandasibhwe ingulu ya Tabori. ² Abhibhibhi abhemelegulu mno kubhwiti nawe eni bhabhuma bhone. ³ Enimenya Efraimu na Israeli bhachali kwiseleka kwanye, Efraimu oli habhee lwo mugusha wo mubhili,Israeli abheye mujabhi. ⁴ Ebhikolwa bhyebhwe bhitakuja kubhekilisha okumwifutatira Nyamuanga, kubha ameganirisho go bhusiani gali munda yebhwe na bhatakumenya latabhugenyi. ⁵ Echigundu cha Israeli echibhabhambalila kulwejo israeli na Efraimu bhalikujula kulwe bhikayo byebwe; Yuda ona bhaligwa amwi nabho. ⁶ Bhaligenda amwi na jinama jebhwe na jinga jebwe okumeyenja latabhugenyi, nawe bhatari mulola kwo kubha bhesosishemo okusoka kubhene. ⁷ Bhaliga bhatari bhalengesi ku latabhugenyi kwo kubha bhebhuye abhana bha hanja olilamaly maya ya go kwesi galibhasingalisha na mabwi gebwe. ⁸ Bhuma linyawegona heyo Gibea na linyawegona heyo Rama. Obhuraka bhwo kulila bhwa lilemo heyo Beth, Aveni, Chilimulubha, Benjamini. ⁹ Efraimu alibhano bhusulumba e kunaku jo kunyola nyasibwa hagati yo luganda lwa Is raeli . Okulasha emisango ejo jakabhonekane. ¹⁰ Abhatangasha bha Yuda bhali uti bhalya abhasoshao libwi kulubhibhi. Anye enita ebhinyiga byani ingulu yebwe lwa manji . ¹¹ Efraimu kasimagisibwa, kasmagisibhwa kulwa indamu, kulwokubha alibhatile kulwo kwenda okubha ebhisusano. ¹² Kulwejo enokubha munyamusi ku Efraimu no bhubhore munyumba ya yuda. ¹³ Efraimu abhwene obhulwae bhwae, Yuda nalora echironda chae. Efraimu nagenda Ashuru, Yuda natuma jintumwa kumkama omukulu. Nawe hatatulile okubhaosha abhanu amuri kunyilisha bhironda bhebhwe. ¹⁴ Kulwejo enjokubha lwa intale ku Efraimu, lwa intale ya munyumba ya yuda. Anye; mbe anye, enibhura ninja kulaa. Enibhagega atalibhao munu wo kubhakisha. ¹⁵ Enigenda no kusubha kwibhara lyani, mbe bhechuke ebhikayo byebhwe no kuyenja obhusu bhwani, one bhanyenje kulwa managa munyako yebhwe.